នាព្រឹកថ្ងៃទី 22 ខែកម្ភៈ ឆ្នាំ 2019 ក្រុមហ៊ុន Lenovo បានបើកសម្ពោធ Showroom ថ្មីរបស់ខ្លួនក្នុងក្រុមហ៊ុន ភី.ធី.ស៊ី កុំព្យូទ័រ សាខាព្រះមុន្នីវង្ស អគារលេខ 250-252 ផ្លូវព្រះមុន្នីវង្ស, ក្រោមអធិបតីភាព លោក ស៊ីវ៉ារិត នថាវុតធីសាវ៉ាត (Mr. Siwarit Nontawutisawad) ប្រធានផ្នែកលក់ប្រចាំឥណ្ឌូចិនពីក្រុមហ៊ុន Lenovo អន្តរជាតិ និងលោកឧកញ៉ា អ៊ឹង សែ អគ្គនាយកក្រុមហ៊ុន ភី.ធី.ស៊ី កុំព្យូទ័រ ខូអិលធីឌី រួមទាំងគណៈគ្រប់គ្រង នៃក្រុមហ៊ុនទាំងពីរផងដែរ។
លោកឧកញ៉ា អ៊ឹង សែ អគ្គនាយកក្រុមហ៊ុន ភី.ធី.ស៊ី កុំព្យូទ័រ បានលើកឡើងថាក្រុមហ៊ុន ភី ធី ស៊ី កុំព្យូទ័រ ខូអិលធីឌី គឺជាក្រុមហ៊ុនទទួលបានសិទ្ធិចែកចាយផ្តាច់មុខលើផលិតផលម៉ាក Lenovo គ្រប់ម៉ូឌែលទាំងអស់ និងផ្តល់សេវាកម្មជួសជុល ក្នុងព្រះរាជាណាចក្រកម្ពុជា។ ហើយក្រុមហ៊ុន ភី ធី ស៊ី ក៏ជាក្រុមហ៊ុនធំជាងគេបំផុត ក្នុងការផ្គត់ផ្គង់សម្ភារៈបច្ចេកវិទ្យាព័ត៌មានវិទ្យា និងសេវាកម្ម បច្ចេកវិទ្យាព័ត៌មានវិទ្យាចាប់តាំងពីឆ្នាំ 1996 មកម្លេះ គិតមកដល់ឆ្នាំ 2019 នេះ។
លោក ស៊ីវ៉ារិត នថាវុតធីសាវ៉ាត (Mr. Siwarit Nontawutisawad) ប្រធានផ្នែកលក់ប្រចាំឥណ្ឌូចិន Lenovo បានលើកឡើងថា នៅក្នុងឱកាសថ្ងៃនេះ ក្នុងនាមលោកជាប្រធានផ្នែកលក់ប្រចាំឥណ្ឌូចិនក្រុមហ៊ុន LENOVO ពិតជាមានសេចក្តីសោមនស្សរីករាយជាអនេកប្បការ ហើយលោកសង្ឃឹមយ៉ាងមុតមាំថា យើងនៅតែបន្តនិរន្តភាព ក្នុងកិច្ចសហប្រត្តិបត្តិការអាជីកម្មជាមួយ ក្រុមហ៊ុន ភី.ធី.ស៊ី កុំព្យូទ័រ ខូអិលធីឌី ឲ្យកាន់តែរលូននិងល្អប្រសើរ ដើម្បីពង្រីកវិសាលភាពពាណិជ្ជកម្ម និងបំពេញតំរូវការ របស់អតិថិជនគ្រប់មជ្ឈដ្ឋាន។
អតិថិជនទាំងអស់ អាចទំនាក់ទំនងមក ក្រុមហ៊ុន ភី ធី ស៊ី កុំព្យូទ័រ ខូអិលធីឌី មាន 5 សាខា គឺសាខាទី 1 ការិយាល័យកណ្តាល អគារលេខ 66 ផ្លូវលេខ 63 កែងផ្លូវលេខ 154 (ក្បែរផ្សារសូរិយា), សាខាទី 2 អគារលេខ 250-252 មហាវិថីព្រះមុនីវង្ស, សាខាទី3 ផ្ទះលេខ 81-83 ខាងជើងផ្សារធំថ្មី, សាខាទី 4 ខេត្តបាត់ដំបង ផ្លូវលេខ 2 ម្តុំសាលា 2 ធ្នូ, និងសាខាទី 5 ខេត្តសៀមរាប អគារ 555 ផ្លូវទេពវង្ស។ ក្នុងនោះដែរអតិថិជនក៏អាចរកទិញផលិតផលតាមរយៈគេហទំព័រ WWW.ptc-computer.com.kh ឬតាមរយៈទូរស័ព្ទលេខៈ 023 2222 12/ 023 2222 13 ។
