ប្រព័ន្ធកាមេរ៉ា 3 គ្រាប់របស់ក្រុមហ៊ុនបច្ចេកវិទ្យាយក្ស Samsung ដែលប្រើប្រាស់នៅលើស្មាតហ្វូន Galaxy S10 និង Galaxy S10+ ត្រូវបានគេដឹងថា គឺជាមុខងារដ៏ពិសេសមួយ ដែលបានធ្វើអោយស្មាតហ្វូននេះ នឹងមានភាពងាយស្រួលក្នុងការលក់។ នៅពេលនេះ កាមេរ៉ានេះ ក៏បង្ហាញនៅលើ DxOMark ផងដែរ។ តាមការធ្វើតេស្ត៍របស់ស្ថាប័នមួយនេះ បង្ហាញថា ពិន្ទុរបស់កាមេរ៉ានេះគឺមាន 109 ពិន្ទុ ដែលដូចគ្នាទៅនឹងស្មាតហ្វូន Mate 20 Pro និង P20 Pro របស់ក្រុមហ៊ុន Huawei ផងដែរ។
អ្វីដែលគួរអោយចាប់អារម្មណ៍នោះ ជាមួយនឹងសមត្ថភាពកាមេរ៉ារបស់ S10+ នោះ គឺពិន្ទុនៃរូបភាព និងវីដេអូរបស់ស្មាតហ្វូន Galaxy S10+ នេះ គឺមានចំនួន 114 និង 98 ដែលដូចគ្នាទៅនឹងពិន្ទុរបស់កាមេរ៉ារបស់ស្មាតហ្វូន Mate 20 Proនិង P20 Pro អញ្ចឹងដែរ។ ប៉ុន្តែទោះជាយ៉ាងណាក៏ដោយ ស្មាតហ្វូន Galaxy S10+ ត្រូវបានស្ថាប័ននេះ បបញ្ជាក់ថា គឺមានលក្ខណៈប្រសើរជាងក្នុងការថតរូបភាព Selfie ។ តាមការបញ្ជាក់នៅក្នុងការដាក់ចំណាត់ថ្នាក់របស់ DxOMark នោះ គឺបង្ហាញថា ស្មាតហ្វូនស៊េរីថ្មី Galaxy S10+ គឺនាំមុខទៅលើលើស្មាតហ្វូន Note9 ប៉ុន្តែវាតាមពីក្រោយស្មាតហ្វូន Pixel 3។
បើនិយាយអំពីគុណភាពនៃកាមេរ៉ារបស់ស្មាតហ្វូន Galaxy S10+ នោះ ស្មាតហ្វូននេះ គឺមានកម្រិត wide dynamic range, Exposure ល្អជាងមុន ការប្រើប្រាស់ពណ៌យ៉ាងត្រឹមត្រូវច្បាស់ និងការបញ្ចូលនូវ Bokeh Simulation ថែមទៀត។ សម្រាប់សមត្ថភាពនៃការថតវីដេអូនេះ គឺល្អក្នុងការប្រើប្រាស់ដោយសារតែវាភ្ជាប់ជាមួយនឹងមុខងារនៃការរក្សាលំនឹងនៃរូបភាពបានល្អបំផុត។ សូមជំរាបថានេះ គ្រាន់តែជាការធ្វើតេស្ត៍ប៉ុណ្ណោះ គ្មានអ្វីដែលល្អឥតខ្ចោះនោះទេដូចនេះ អ្នកធ្វើតេស្តនៅលើ DxOMark ក៏និយាយអំពីការបាត់បង់នៃភាពលម្អិត និងកម្រិតនៃភាពច្បាស់របស់រូបភាពផងដែរ។ ប៉ុន្តែនៅចុងបញ្ចប់នៃការបកស្រាយនេះ គឺបាននិយាយថា ស្មាតហ្វូន Galaxy S10 និង Galaxy S10+ នៅតែជាស្មាតហ្វូន ដែលនឹងមានការពេញនិយមនៅក្នុងឆ្នាំ 2019 នៅពេលដែលនិយាយអំពីប្រព័ន្ធកាមេរ៉ានោះ៕
