យោងទៅតាមប្រភពដែលជិតស្និទ្ធមួយ ដែលធ្លាប់បាននេះនិយាយថា ឱកាសដែលមេដឹកនាំរបស់ប្រទេសកូរ៉េខាងជើង លោកគីម ជុងអ៊ុន នឹងមកធ្វើទស្សនកិច្ចនៅរោងចក្រផលិតស្មាតហ្វូនរបស់ក្រុមហ៊ុន Samsung នៅក្នុងប្រទេសវៀតណានោះ ហាក់បីដូចជាមិនអាចទៅរួចឡើយ។ អ្នកឃ្លាំមើលឧស្សាហកម្មម្នាក់ បាននិយាយថា " ប្រទេសកូរ៉េខាងជើង មិនត្រូវការការអនុញ្ញាតពីប្រទេសខាងត្បូងនោះទេ ហើយក៏គ្មានអ្វីត្រូវគេពិភាក្សានៅក្នុងរឿងនេះដែរ"។ បុគ្គលិករបស់ក្រុមហ៊ុន Samsung ម្នាក់ បានបញ្ជាក់ជាមួយ The Investor កាលពីថ្ងៃទី 18 ខែកុម្ភៈកន្លងទៅនេះថា ក្រុមហ៊ុន មិនបានទទួលសំណើរណាមួយពីប្រទេសកូរ៉េខាងជើង ឬប្រទេសវៀតណាមដែរដូចគ្នា។ យ៉ាងណាក៏ដោយ រដ្ឋាភិបាលនៃទីក្រុងសេអ៊ូលនៅតែជាមេធំទៅលើរឿងនេះ។
សម្រាប់ការរំពឹងទុកអំពីដំណើរទស្សនកិច្ចទៅកាន់តំបន់បរបស់ក្រុមហ៊ុន Samsung នេះ គឺបានកើតឡើងបន្ទាប់ពីមន្រ្តីជាន់ខ្ពស់របស់ប្រទេសកូរ៉េខាងជើង ដោយកាលពីសប្តាហ៍មុននេះ ត្រូវបានគេរាយការណ៍ថា នឹងទៅកាន់ទីក្រុង Bac Ninh នៅក្នុងប្រទេសវៀតណាម ដែលមានរោងចក្រផលិតស្មាតហ្វូននេះ មានទីតាំងស្ថិតនៅទីនេះ។ ក្រុមហ៊ុន Samsung បានផលិតស្មាតហ្វូនចំនួន 200 លានគ្រឿង ស្ទើរតែពាក់កណ្តាលនៃបរិមាណផលិតស្មាតហ្វូនទូទាំងពិភពលោក របស់ខ្លួននៅរោងចក្រក្នុងទីក្រុង Bac Ninh នេះ។
ព័ត៌មានកន្លងមកបាននិយាយថា លោក គីម អាចនឹងត្រួតពិនិត្យទៅលើតំបន់ឧស្សាហកម្មនៅទីក្រុង Bac Ninh ទាំងមូលប៉ុន្តែប្រហែលជាមិនមកធ្វើទស្សនកិច្ចទៅកាន់រោងចក្រតែមួយ ដែលប្រតិបត្តិដោយក្រុមហ៊ុន Samsung នោះទេ។ សារព័ត៌មាន Reuters បានព្យាករណ៍ថា លោក Kim នឹងធ្វើទស្សនកិច្ចនៅទីក្រុង Bac Ninh និងទីក្រុងកំពង់ផែឧស្សាហកម្ម Hai Phong ដែលក្រុមហ៊ុនបច្ចេកវិទ្យារបស់ប្រទេសកូរ៉េខាងត្បូងនេះ រួមមានក្រុមហ៊ុន LG Electronics កំពុងតែដំណើរការរោងចក្រផលិតនៅទីនេះផងដែរ។ រហូតមកដល់ពេលនេះ ក្រុមហ៊ុន LG បាននិយាយថា ខ្លួនមិនទទួលបានការជូនដំណឹងពីដំណើរទស្សនកិច្ចរបស់មន្រ្តីថ្នាក់ជាន់ខ្ពស់របស់ប្រទេសកូរ៉េខាងជើងនោះទេ។ មេដឹកនាំនេះ ដែលកំពុងខិតខំប្រឹងប្រែងបង្កើនទំនាក់ទំនងជាមួយសហគមន៍អន្តរជាតិ នឹងជួបប្រជុំជាមួយប្រធានាធិបតីអាមេរិក Donald Trump ចាប់ពីថ្ងៃទី 27 ដល់ 28 ខែកុម្ភៈនៅទីក្រុងហាណូយផងដែរ។
គួរបញ្ជាក់ថា នៅកំឡុងពេលដែល លោកប្រធានាធិបតី Moon Jae-in ធ្វើដំណើរទស្សនកិច្ចទៅកាន់ទីក្រុងព្យុងយ៉ាង កាលពីខែកញ្ញាឆ្នាំមុននេះ ប្រធានក្រុមហ៊ុន Samsung Group លោក Lee Jae-yong និងប្រធានក្រុមហ៊ុន SK Group លោក Chey Tae-won រួមជាមួយនិងប្រធានក្រុមហ៊ុន LG Group លោក Koo Kwang-mo គឺបង្ហាញអំពីការរួមបញ្ចូលនៅក្នុងការធ្វើប្រតិភូកម្មពាណិជ្ជកររបស់ប្រទេសកូរ៉េខាងត្បូងផងដែរ។ បន្ទាប់ពីដំណើរទស្សនកិច្ចរបស់រដ្ឋរួចមក អ្នកឃ្លាំមើលទីផ្សារមួយចំនួនប៉ាន់ប្រមាណថា ក្រុមហ៊ុននៅក្នុងប្រទេសកូរ៉េខាងត្បូង អាចនឹងពិចារណាផ្តួចផ្តើម ឬបន្តគម្រោងថ្មី ដើម្បីត្រៀមខ្លួនសម្រាប់កិច្ចសហប្រតិបត្តិការសេដ្ឋកិច្ចរវាងកូរ៉េទាំងពីរនេះ។
ប្រទេសកូរ៉េខាងជើងក៏បង្ហាញសញ្ញាដែរថា ខ្លួនពិតជាចង់ឱ្យមេដឹកនាំធុរកិច្ចកាន់តែប្តេជ្ញាចិត្តក្នុងការខិតខំប្រឹងប្រែងក្នុងកិច្ចសហប្រតិបត្តិការសេដ្ឋកិច្ចក្នុងអំឡុងកិច្ចប្រជុំកំពូលកាលពីឆ្នាំមុននេះផងដែរ។ បន្ទាប់ពីមានទំនាក់ទំនងជិតស្និទ្ធជាមួយប្រទេសកូរ៉េខាងត្បូង ក្រុមហ៊ុនយក្សជំនួញមួយចំនួនរួមមានក្រុមហ៊ុន Hyundai Asan និង SK Group ក៏បានបង្កើតកងកម្លាំងភារកិច្ចនៅក្រោមសាខារបស់ខ្លួន ដើម្បីស្វែងរកឱកាសអាជីវកម្មនៅប្រទេសកូរ៉េខាងជើងផងដែរ៕