កាលពីម្សិលមិញនេះ យើងទើបតែទទួលបានព័ត៌មានមិនច្បាស់លាស់មួយទាក់ទងជាមួយនឹងរូបភាពផ្លូវការរបស់ Samsung Galaxy S10e ដែលជាស្មាតហ្វូនមាន តម្លៃសមរម្យបំផុតជាងគេនៅក្នុងចំណោមទូរស័ព្ទស៊េរីថ្មីនៃត្រកូល Samsung Galaxy S10 ទាំង 3 ម៉ូដែល ដែលក្រុមហ៊ុន Samsung គ្រោងនឹងបញ្ចេញនូវ ត្រឹមតែប៉ុន្មានម៉ោងទៀតប៉ុណ្ណោះ។ នៅលើផ្ទាំងរូបភាពនៃ Poster ដែលយើងទទួលបាននេះ គឺមិនបង្ហាញពីអ្វីច្បាស់ដែលយើងត្រូវដឹងនៅឡើយទេ ប៉ុន្តែមានការលើកឡើងថា រូបភាពនេះ គឺបានបញ្ជាក់ពីអត្ថិភាព នៃ Galaxy S10e ថា នឹងមានពណ៌លឿងដូចដែលក្រុមហ៊ុន Apple បានធ្វើសម្រាប់ iPhone XR កន្លងមកផងដែរ។
មួយវិញទៀត ជាមួយនឹងការបញ្ចេញនូវពាក្យស្លោកថា "ភាពរីករាយដ៏ពិសេសសម្រាប់មនុស្សគ្រប់គ្នា" គឺនឹងអាចជួយពង្រឹងបន្ថែមនូវពាក្យចចាមអារ៉ាម ដែលថា S10e នឹងត្រូវបាន ក្រុមហ៊ុន Samsung ធ្វើការកាត់បន្ថយតម្លៃរបស់បងប្អូនបង្កើតរបស់ខ្លួន ដែលស្រដៀងគ្នាទៅនឹងទូរស័ព្ទ iPhone XR របស់ក្រុមហ៊ុន Apple អញ្ចឹងដែរ។ ប៉ុន្តែបើទោះ ជាមានព័ត៌មានបែបណាក៏ដោយ អ្វីៗគឺនឹងបង្ហាញជាផ្លូវការយប់នេះ ហើយអ្វីៗទាំងអស់នឹងដឹងច្បាស់ជាក់ជាមិនខាន ដូច្នេះសូមតាមដានបន្តទៀតជាមួយខ្ញុំទាំងអស់ គ្នានៅយប់នេះ៕
