no-alternative title
no-alternative title
no-alternative title
no-alternative title
no-alternative title
no-alternative title

Huawei Nova 4e ចេញហើយដោយភ្ជាប់ជាមួយអេក្រង់ទំហំ 6.2 អ៊ីង មានកាមេរ៉ា 3 គ្រាប់ ហើយនិងកាមេរ៉ាខាងមុខទំហំ 32MP

ក្រុមហ៊ុន Huawei ទើបតែបង្ហាញនូវស្មាតហ្វូនស៊េរីថ្មី Huawei Nova 4e នៅថ្ងៃនេះ តាមរយៈព្រឹត្តិការណ៍នៃការសម្ពោធមួយនៅក្នុងទីក្រុងប៉េកាំងប្រទេសចិន ដែលនេះ គឺជាស្មាតហ្វូនធន់កណ្តាលដែលភ្ជាប់ជាមួយនឹងកាមេរ៉ាខាងក្រោយ 3 គ្រាប់ និងកាមេរ៉ាខាងមុខដែលមានទំហំ 32MP។ ស្មាតហ្វូននេះ មានទំហំអេក្រង់ធំជាមួយនឹងការរចនាអេក្រង់ Waterdrop Notch ថែមទៀតផង។  ស្មាតហ្វូនស៊េរីថ្មី Huawei Nova 4e ប្រើប្រាស់នូវកញ្ចក់ 3D ជាមួយនឹងវិមាត្រ 152.9x72.7x7.4mm និងមានអេក្រង់ប្រភេទ IPS LCD display មានកម្រាស់ត្រឹមតែ 6.15 អ៊ីងប៉ុណ្ណោះ ដោយអាចបង្ហាញនូវកម្រិតភាពច្បាស់ full HD+ 1080x2312 pixels។ ស្មាតហ្វូននេះ មានអេក្រង់ U notch ហើយលើសពីនេះទៀតនោះ ស្មាតហ្វូនស៊េរីថ្មី Nova 4e នេះមានកម្រិត aspect ratio 19.5:9 ។ ស្មាតហ្វូននេះ 3 ពណ៌សម្រាប់ធ្វើការជ្រើសរើសគឺពណ៌ស ពណ៌ខ្មៅ និងពណ៌ខៀវ។

ស្មាតហ្វូននេះនឹងប្រើប្រាស់នូវរ៉េមទំហំ 4GB និង 6GB ភ្ជាប់នូវម៉េមូរីក្នុងម៉ាស៊ីនទំហំ 128GB ហើយអាចបន្ថែមនូវ microSD card បានផងដែរ។ ស្មាតហ្វូននេះប្រើប្រាស់នូវបន្ទះឈីប Kirin 710 និងប្រព័ន្ធប្រតិបត្តិការ Android 9 Pie OS ជាមួយនឹង EMUI 9 UI ដែលអាចដំណើរការនៅលើស្មាតហ្វូននេះ។ ស្មាតហ្វូននេះ ក៏មានប្រើប្រាស់ជាមួយនឹងបច្ចេកវិទ្យា GPU Turbo 2.0 សម្រាប់ពង្រឹងទៅលើល្បឿនក្រាហ្វិកផងដែរ។ កាមេរ៉ាខាងមុខរបស់ស្មាតហ្វូន Nova 4e មានទំហំ 32MP។ 

 

កាមេរ៉ានេះមានសមត្ថភាពក្នុងការថតរូបភាពកាន់តែស្រស់ស្អាតច្បាស់ជាងមុននៅកន្លែងដែលមានពន្លឺទាបនោះ។ ស្មាតហ្វូននេះប្រើប្រាស់នូវកញ្ចក់នៅខាងក្រោយដែលមានកាមេរ៉ា ៣ គ្រាប់ទំហំ 24-megapixel primary sensor, 120-degree 8-megapixel wide-angle lens និង 2-megapixel depth sensor ។ កាមេរ៉ា ៣ គ្រាប់ខាងក្រោយនេះភ្ជាប់ជាមួយនឹងបច្ចេកវិទ្យា AI សម្រាប់ការថតរូបភាពនៅកន្លែងងងឹតបានច្បាស់ស្រស់ស្អាតបំផុត។ ស្មាតហ្វូនេះ ក៏មានប្រព័ន្ធស្កេនក្រយ៉ៅដៃស្ថិតនៅផ្នែកខាងក្រោយផងដែរ មិនតែប៉ុណ្ណោះវាក៏ទ្រទ្រង់នូវបច្ចេកវិទ្យា AI Face Unlock ថែមទៀតផង ។ 

ស្មាតហ្វូននេះភ្ជាប់ជាមួយនឹងថាមពលថ្មទំហំ 3,240mAh ភ្ជាប់ជាមួយនឹងបច្ចេកវិទ្យាបញ្ចូលថាមពលថ្មលឿន 18W fast charging ។ សម្រាប់ការតភ្ជាប់ Connectivity របស់ស្មាតហ្វូននេះ គឺមានដូចជា dual-SIM support, 4G VoLTE, Wi-Fi 802.11ac, Bluetooth 4.2, USB-C និងរន្ធដោតកាសស្តាប់ 3.5mm audio jack ដែលរកឃើញនៅលើស្មាតហ្វូន Nova 4e នេះ។ ស្មាតហ្វូន Huawei Nova 4e បង្ហាញខ្លួននៅក្នុងប្រទេសចិនជាមួយនឹង 2 ម៉ូដែលសម្រាប់ធ្វើការជ្រើសរើសគឺទំហំ 4 GB RAM + 128 GB storage និង 6 GB RAM + 128 GB storage ។ ស្មាតហ្វូននេះមានតម្លៃ 1,999 Yuan (~$178) និង 2,299 Yuan (~$342)។ 

ពេលនេះ ស្មាតហ្វូននេះអាចធ្វើការបញ្ជាទិញមុនបាននៅក្នុងទីផ្សារនៃប្រទេសនេះហើយ។ ស្មាតហ្វូននេះ នឹងដាក់លក់ជាផ្លូវការនៅថ្ងៃទី 28 ខែមីនានេះ។ កាលពីឆ្នាំមុននេះ ស្មាតហ្វូន Huawei Nova 3e បង្ហាញខ្លួនជាមួយនឹងស្មាតហ្វូន P20 Lite នៅក្នុងអ៊ឺរ៉ុប ហើយនិងប្រទេសមួយចំនួនទៀត។ ដូចនេះ ស្មាតហ្វូន Nova 4e ត្រូវគេរំពឹងថានឹងបង្ហាញខ្លួនជាផ្លូវការជាមួយនឹងស្មាតហ្វូន P30 Lite នៅក្នុងអ៊ឺរ៉ុប និងទីផ្សារនៃប្រទេសជាច្រើនទៀត៕

no-alternative title
ព័ត៌មានពាណិជ្ជកម្ម