រហូតមកដល់ពេលនេះ ក្រុមហ៊ុន Samsung និងក្រុមហ៊ុន Huawei កំពុងខិតខំប្រឹងប្រែងយ៉ាងខ្លាំងទៅលើស្មាតហ្វូនដែលមានអេក្រង់អាចបត់បញ្ចូលគ្នាបាន ដោយសារពួកគេជឿជាក់ថាស្មាតហ្វូនទាំងនេះ នឹងតំណាងឱ្យអនាគតនៃឧបករណ៍ចល័ត។ មនុស្សគ្រប់គ្នាត្រូវការអេក្រង់ធំជាងមុនជារៀងរាល់ថ្ងៃ ហើយស្មាតហ្វូនដែលអាចផ្លាស់ប្តូរទៅជាថេប្លេតគឺជាជម្រើសដ៏ល្អបំផុតសម្រាប់អ្នកប្រើប្រាស់ជាច្រើន។ ប៉ុន្តែលោក John Chen នាយកប្រតិបត្តិក្រុមហ៊ុន BlackBerry មិនមានមតិដូចគ្នានោះទេ។ បើយោងតាមការបញ្ជាក់របស់លោក Chen អោយដឹងថា ក្រៅពីការយកតម្លៃខ្ពស់ខ្លាំងនោះ ស្មាតហ្វូនទាំងនេះគឺមានទំហំធំពេក។
លោកនឹងមិនអនុញ្ញាតឱ្យអ្នកណាម្នាក់ដែលស្ថិតនៅខាងក្រៅមន្ទីរពិសោធន៍ធ្វើតេស្ត៍នៅក្រុមហ៊ុនរបស់គាត់ទិញស្មាតហ្វូនដែលអាចបត់បញ្ចូលបាននេះទេ។ ហើយបើយោងតាមរូបលោក វាមិនមានភាពលេចធ្លោនៅលើអេក្រង់ពេញលេញ ប្រព័ន្ធស្កេនស្នាមម្រាមដៃ បច្ចេកវិទ្យាស្គាល់មុខ និងបច្ចេកវិទ្យាស្កេនប្រស្រីភ្នែកនោះទេ។ វាមានតែពេលវេលានោះទេ ដែលនឹងប្រាប់យើងថាតើ នាយកប្រតិបត្តិក្រុមហ៊ុន BlackBerry និយាយនេះត្រូវ ឬអត់នោះ? យ៉ាងណាមិញ ស្មាតហ្វូនដែលមានអេក្រង់ដែលអាចបត់បាននេះនៅមិនទាន់ដាក់លក់នៅឡើយទេ។
ស្មាតហ្វូន ដែលអាចបត់បានដំបូងគេបំផុតដែលអាចដណ្តើមយកទីផ្សារបាន គឺ Samsung Galaxy Fold ហើយវានឹងមានវត្តមានចាប់ពីខែឧសភាខាងមុខនេះ ជាមួយនឹងតម្លៃចាប់ផ្តើមប្រហែលជា 2.000 ដុល្លារ។ បន្ទាប់ពីនោះមក នៅរដូវក្តៅខាងមុខនោះ ស្មាតហ្វូនដែលមានអេក្រង់បត់បាន Huawei Mate X គឺជាស្មាតហ្វូនដែលមានទស្សនៈខុសប្លែកពីគ្នា (អេក្រង់ដែលអាចបត់បញ្ចូលគ្នាបានពីខាងក្រៅ) នឹងដាក់លក់នៅលើទីផ្សារផងដែរ។ យោងតាមរបាយការណ៍ជាច្រើន ក្រុមហ៊ុនបច្ចេកវិទ្យា Samsung កំពុងតែធ្វើការងារនៅលើស្មាតហ្វូនដែលមានអេក្រង់បត់បានចំនួនពីរម៉ូឌែលបន្ថែមទៀតផងដែរ៕