កាលពីខែមុននេះ ក្រុមហ៊ុន Sony បានបញ្ចេញនូវស្មាតហ្វូនស៊េរីថ្មីចំនួន 3 ម៉ូដែលរបស់ខ្លួនគឺ Xperia 1, 10 និង 10 Plus ជាមួយនឹងអេក្រង់ដែលមានកម្រិតសមាមាត្រ 21:9 displays ដែលផ្តល់នូវកម្រិតទស្សនាដូចក្នុងរោងកុន។ ស្មាតហ្វូនស៊េរីថ្មី Xperia 10 និង Xperia 10 Plus នោះ យើងដឹងថាស្មាតហ្វូនស៊េរីថ្មីទាំងពីរនេះគឺពិតជាមានភាពងាយស្រួលនៅក្នុងការកាន់នៅក្នុងដៃសម្រាប់ការប្រើប្រាស់។ សម្រាប់ការរចនារូបរាងរបស់ស្មាតហ្វូននេះគឺពិតជាស្រស់ស្អាតប្លែកបំផុត។
គួរបញ្ជាក់ផងដែរថា ស្មាតហ្វូន Xperia ដែលមានអេក្រង់កម្រិត 21:9 នៅះ ដែលមិនទាន់ប្រកាសបង្ហាញខ្លួននោះទេ ប៉ុន្តែពេលនេះ គឺចាប់ផ្តើមមានព័ត៌មាន ហើយក៏មានពាក្យចចាមអារ៉ាមថា នេះគឺជាស្មាតហ្វូន Xperia 10 Ultra ផងដែរ។ តាមការបញ្ជាក់របស់របាយការណ៍ជាច្រើននោះ ស្មាតហ្វូន Xperia 10 Ultra នេះនឹងមានអេក្រង់ទំហំ 7 អ៊ីង ដោយក្រុមហ៊ុននឹងធ្វើការរចនារូបរាងរបស់ស្មាតហ្វូនរបស់ខ្លួនដែលប្រហាក់ប្រហែលគ្នា ហើយស្មាតហ្វូន Ultra នេះ នឹងមានលក្ខណៈមិនខុសប្លែកពីស្មាតហ្វូន Xperia 10 និង 10 Plus នោះទេ។ នេះគឺជារូបរាងរបស់ស្មាតហ្វូន 7-inch Xperia 10 Ultra ដែលនៅក្បែរស្មាតហ្វូន 6.5-inch Xperia 10 Plus និង 5.8-inch Galaxy S10e ។
ជាមួយនឹងការរចនារូបរាងបែបនេះនោះ តើអ្នករំពឹងថា ចង់បានអ្វីទៀតពីស្មាតហ្វូនស៊េរីថ្មី Xperia 10 Ultra នេះ? ស្មាតហ្វូននេះអាចនឹងប្រើប្រាស់នូវបន្ទះឈីប Snapdragon 710 ដែលបង្ហាញថា នេះគឺជាស្មាតហ្វូនធន់កណ្តាលប៉ុណ្ណោះ។ ស្មាតហ្វូននេះ អាចមានរ៉េមទំហំ 6GB និងម៉េមូរីទំហំ 128GB ។ ស្មាតហ្វូននេះ នឹងប្រើប្រាស់នូវប្រព័ន្ធកាមេរ៉ាភ្លោះ ហើយនឹងបង្ហាញខ្លួនក្នុងពេលឆាប់ៗនេះ៕
