ទូរស័ព្ទ Nokia X71 គឺជាស្មាតហ្វូនថ្មីមួយ ដែលត្រូវបានគេដឹងថា នឹងមានភារកិច្ចលំបាកនៅក្នុងការប្រកួតប្រជែងជាមួយដែគូរ ដូចជា Redmi Note 7 Pro និង vivo V15 Pro សម្រាប់សម្រាប់ស្មាតហ្វូនស៊េរីមធ្យម ក្នុងប្រទេសចិន។ ទូរស័ព្ទនេះ ផ្តល់នូវការតំឡើងកាមេរ៉ា 3 គ្រាប់ ជាមួយស៊ិនស័រទំហំ 48 មេហ្គាភិចសែល និង 8 មេហ្គាភិចសែល ក៏ដូចជា អេក្រង់ trendy hole punch display ផងដែរ។ គិតត្រឹមថ្ងៃនេះ អ្នកប្រើប្រាស់នៅប្រទេសចិន អាចទទួលបានទូរស័ព្ទចុងក្រោយ របស់ HMD តាមរយៈគេហទំព័រផ្លូវការរបស់ Nokia ។
យោងតាមបញ្ជីនៃលក្ខណះសម្បត្តិ ទូរស័ព្ទនេះមានអេក្រង់ 6,39 អ៊ីញ 1080p+ មានកាមេរ៉ាខាងមុខ 16MP និងអង្គប្រតិបត្តិការ Snapdragon 660 និងមាន RAM ទំហំ 6GB និងមានអង្គចងចាំ 64GB និង 128GB ជាមួយការបន្ថែម microSD បានថែមទៀត។ ផ្នែកខាងក្រោយ មានលក្ខណៈពិសេស នៃការដំឡើងកាមេរ៉ាបីគ្រាប់ដំបូងរបស់ Nokia ជាមួយនឹងកាមេរ៉ាទី 1 មានទំហំ 48MP ជាមួយនឹងកម្រិត Aperture f/1.8 និងមានកែវថតកម្រិត 120 ដឺក្រេ ទំហំ 8MP និងទីបីគឺ 5MP depth sensor។ ស្មាតហ្វូន Nokia X71 មានតម្លៃចាប់ពី 2,199 យ័ន (325 ដុល្លារ) សម្រាប់ម៉ូដែល 64GB និងមានតម្លៃ 2,699 យ័ន (400ដុល្លារ) សម្រាប់កំណែ 128GB ។
ការបញ្ជាទិញជាមុន នឹងចាប់ផ្តើមដឹកជញ្ជូននៅថ្ងៃទី 17 ខែមេសា។ យោងតាមព័ត៌មានមុនៗ បានឲ្យដឹងថា X71 នឹងបង្ហាញផ្លូវរបស់ខ្លួន ដោយសារតែទូរស័ព្ទ Nokia 8.1 Plus ជាអន្តរជាតិ ហើយក៏នឹងមាន NFC ផងដែរ ទោះជាយ៉ាងណាក៏ដោយ វានៅតែមិនទាន់មានស៊ុម Time-Frame សម្រាប់ការចាប់ផ្តើមជាសកលផងដែរ៕