កាលពីប៉ុន្មានថ្ងៃមុននេះ ក្រុមហ៊ុនបច្ចេកវិទ្យា Qualcomm ទើបតែបានប្រារព្ធនូវព្រឹត្តិការណ៍មួយនៅ Hawaii នៅក្នុងអំឡុងពេលដែលក្រុមហ៊ុននិយាយអំពីសមិទ្ធិផលរបស់ខ្លួននៅក្នុងរយៈពេលប៉ុន្មានឆ្នាំចុងក្រោយនេះ ព្រឹត្តិការណ៍នេះ ក្រុមហ៊ុនបានប្រកាសចេញនូបកុំព្យូទ័រ ASUS NovaGO ដែលជាប្រភេទកុំព្យូទ័រ Gigabit LTE PC ជំនាន់ថ្មី នឹងដំបូងបំផុតរបស់ខ្លួនសំរាប់ទីផ្សារនៅក្នុងពិភពលោកផងដែរ។
ASUS NovaGO គឺជាប្រភេទកុំព្យូទ័រដំបូងបំផុតនៅក្នុងពិភពលោកដំណើរបន្ទះឈីប Snapdragon 835 processor ដែលប្រើប្រាស់នូវប្រព័ន្ធ Gigabit LTE ដែលមានសមត្ថភាពខ្លាំងខ្លាជាងការប្រើប្រាស់ស្មាតហ្វូននេះ គឺដោយសារតែប្រើប្រាស់ម៉ូឌឹម Snapdragon X16។ ASUS NovaGo គឺជាប្រភេទកុំព្យូទ័រយួរដៃ 2-in-1 hybrid ដែលអនុញ្ញាតឱ្យលោកអ្នកធ្វើការកាច់បត់ដូចជាថេប្លេតបានយ៉ាងងាយស្រួល។ កុំព្យូទ័រនេះ មានស៊ុមព័ទ្ធអេក្រង់ធំល្មម ទម្ងន់រាងធ្ងន់បន្តិចគឺ 1.39kg ហើយវាមានវិមាត្រ 316 x 221 x 149 mm។ NovaGo មានអេក្រង់ Touchscreen Display 13.3” FHD LED ដំណើរការនៅលើប្រព័ន្ធប្រតិបត្តិការ Windows 10 S ដែលអាចធ្វើការ Upgrade ទៅជាជំនាន់ Windows 10 Pro ដោយឥតគិតថ្លៃចាប់ពីថ្ងៃនេះ រហូតដល់មុនថ្ងៃទី 30 ខែកញ្ញា ឆ្នាំ 2018 ។ ម្យ៉ាងទៀត កុំព្យូទ័រនេះ ក៏មានសមត្ថភាពទ្រទ្រង់នូវប្រព័ន្ធ Windows Ink, Windows Hello និង Cortana ផងដែរ។
កុំព្យូទ័រស៊េរីថ្មីនេះ មានពីរទំហំសម្រាប់ធ្វើការជ្រើសរើសគឺ 4GB/64GB និង 8GB/256GB ដែលប្រើប្រាស់នូវ UFS 2.0 ។ សម្រាប់ការតភ្ជាប់ទំនាក់ទំនងវិញ NovaGo ក៏ប្រើប្រាស់ eSIM និង nano SIM ផងដែរ។ វាមានរន្ធ SIM tray, HDMI port, រន្ធដោតកាសស្តាប់ 3.5mm audio jack, ប៊ូតុងសំឡេង volume rocker និងប៊ូតុង power ផងដែរ។ ថាមពលថ្មរបស់កុំព្យូទ័រនេះមិនដឹងអំពីកម្រិតថាមពលនោះទេ ប៉ុន្តែក្រុមហ៊ុន ASUS និយាយថា វាអាចប្រើប្រាស់បានដល់ទៅរយៈពេល 22 ម៉ោង និង 30 ថ្ងៃសម្រាប់ការ Standby ។ សម្រាប់កុំព្យូទ័រ NovaGO ទំហំ 4GB ដាក់លក់នៅក្នុងតម្លៃ $599 ខណៈពេលដែលទំហំ 8GB ដាក់លក់នៅក្នុងតម្លៃ $799 ។ កុំព្យូទ័រនេះ នឹងដាក់លក់នៅក្នុងសហរដ្ឋអាមេរិក ចិន អ៊ីតាលី ចក្រភពអង់គ្លេស បារាំង អាល្លឺម៉ង់ ននិងតៃវ៉ាន់៕