ថ្មីៗនេះ យោងតាមការបញ្ជាក់អំពីប្រភពជាច្រើនបង្ហាញថា ក្រុមហ៊ុន Microsoft និង Google ស្ថិតនៅក្នុងចំណោមក្រុមហ៊ុនជាច្រើនដែលកំពុងតែមានការព្រួយបារម្ភចំពោះក្រុមហ៊ុន Qualcomm អំពីការទិញរបស់ក្រុមហ៊ុន Broadcom នោះ។ មនុស្សម្នាក់សុំមិនបញ្ជាក់ឈ្មោះ បាននិយាយថា ក្រុមហ៊ុន ទាំងនេះ មានការព្រួយបារម្ភអំពីកេរ្ត៍ឈ្មោះរបស់ក្រុមហ៊ុន Broadcom ដែលតែងតែកាត់ទៅលើការចំណាយជាជាងការវិនិយោគទៅលើបច្ចេកវិទ្យាថ្មីនោះ។ ក្រុមហ៊ុន Qualcomm ក៏បដិសេដទៅលើការដេញថ្លៃនូវទឹកប្រាក់ 105 ពាន់លានដុល្លារអាមេរិកកាលពីខែមុននេះដែលនាំឱ្យក្រុមហ៊ុនBroadcom តែងតាំងនូវអ្នកគ្រប់គ្រងក្រុមប្រឹក្សាថ្មីសម្រាប់ក្រុមហ៊ុននេះ កាលពីដើមសប្តាហ៍នេះផងដែរ។
ក្រុមហ៊ុន Qualcomm បាននិយាយថា ខ្លួនកំពុងតែមានការព្រួយបារម្ភអំពីទំនាស់រវាងក្រុមហ៊ុន Broadcom ផងដែរ។ មានប្រភពជាច្រើន បាននិយាយថា ក្រុមហ៊ុន Qualcomm បានប្រាប់ទៅកាន់ក្រុមហ៊ុន Microsoft ក្រុមហ៊ុន Google និងក្រុមហ៊ុនជាច្រើនទៀត កុំទាន់ឱ្យបញ្ចេញនូវសេចក្តីថ្លែងការណ៍សាធារណៈណាមួយ ដែលប្រឆាំងទៅនឹងកិច្ចព្រមព្រៀងនេះ។ ហើយក្រុមហ៊ុន Qualcomm ក៏កំពុងតែចង់ស្វែងរកឱ្យឃើញថា ប្រសិនបើក្រុមហ៊ុន Broadcom នឹងបង្កើនតម្លៃដល់ទៅ $70 ក្នុងមួយហ៊ុននោះ គឺកិច្ចព្រមព្រៀងពិតជាអាចធ្វើទៅបាន។.
ប្រតិបត្តិការរបស់ក្រុមហ៊ុន Broadcom សម្រាប់ក្រុមហ៊ុន Qualcomm ប្រហែលជាពង្រឹងទៅលើទំនាក់ទំនងរបស់ក្រុមហ៊ុន Apple ជាមួយនឹងក្រុមហ៊ុនផលិតបន្ទះឈីបនេះដែលក្រុមហ៊ុននេះ នាពេលបច្ចុប្បន្នផ្គត់ផ្គង់បន្ទះឈីបប្រើប្រាស់នៅលើ iPhones និង iPad នោះ។ ពេលេនះ ក្រុមហ៊ុន Qualcomm ក៏កំពុងតែប្តឹងក្រុមហ៊ុន Apple ទៅលើការរំលោភប៉ាតង់វិញ បន្ទាប់ពីក្រុមហ៊ុន Apple កាលពីខែមករាកន្លងទៅ បានប្តឹងក្រុមហ៊ុន Qualcomm នូវទឹកប្រាក់ 1 ពាន់លានដុល្លារ ដោយចោទប្រកាន់ទៅលើក្រុមហ៊ុន Qualcomm គិតមិនត្រឹមត្រូវទៅលើប៉ាតង់។
គូរបញ្ជាក់ថា ក្រុមហ៊ុន Qualcomm ស្នើរសុំប៉ាតង់ច្រើនជាង 130,000 ដែលមានទាំងបច្ចេកវិទ្យានៅលើស្មាតហ្វូនផងដែរ។ វិវាទមួយនេះ អាចនាំឱ្យក្រុមហ៊ុន Apple បោះបង់ចោលក្រុមហ៊ុន Qualcomm សម្រាប់ផលិតផលរបស់ខ្លួន នាពេលអនាគតរបស់ខ្លួនផងដែរ។ លោក Hock Tan នាយកប្រតិបត្តិរបស់ក្រុមហ៊ុន Broadcom ក៏បង្ហាញអំពីគំនិតសុទិដ្ឋិនិយម អំពីការដោះស្រាយទៅលើវិវាទនេះ ជាមួយនឹងក្រុមហ៊ុន Apple ប្រសិនបើក្រុមហ៊ុន Broadcom អាចទិញយកក្រុមហ៊ុន Qualcomm បាននោះ៕