ថ្មីៗនេះ ក្រុមហ៊ុន LG Electronics បានបញ្ចេញនូវទូរទស្សន៏ OLED និង SUPER UHD ជំនាន់ថ្មីរបស់ខ្លួន ដែលទើបតែធ្វើការភិវឌ្ឍន៍ថ្មី ទាំងរូបរាង នឹងបច្ចេកវិទ្យា THINQ® រួមជាមួយនឹង α (ALPHA) PROCESSOR។ កាដូថ្មីមួយនេះ ត្រូវបានក្រុមហ៊ុនកូរ៉េមួយនេះ គ្រោងនឹងបង្ហាញនៅក្នុងព្រឹត្តិការណ៏តាំងពិពរណ៏ផលិតផលអេឡិចត្រូនិចពិភពលោក (CES 2018) នៅក្នុងទីក្រុង Las Vegas នៅថ្ងៃទី 7 ឆ្នាំ 2018 ខាងមុខនេះ។
យោងតាមការបញ្ជាក់របស់ក្រុមហ៊ុន LG Electronics បានអោយដឹងថា ជាមួយនឹងមុខងារ AI ដែលបានបង្កប់នៅក្នុងទូរទស្សន៍របស់ LG នឹងអាចអនុញ្ញាតអោយអ្នកប្រើប្រាស់និយាយបញ្ជាទៅលើតេឡេរបស់ទូរទស្សន៍ដោយផ្ទាល់ ដើម្បីដំណើរការមុខងារផ្សេងៗរបស់ទូរទស្សន៍។ បច្ចេកវិទ្យាថ្មីនេះកាន់តែធ្វើអោយអតិថិជនរីករាយជាមួយបច្ចេកវិទ្យាជំនួយការដោយប្រើសម្លេង។ ការភ្ជាប់ជាមួយនឹងបច្ចេកវិទ្យា ThinQ TVs របស់ក្រុមហ៊ុន LG គឺបានដើរតួជាទីជាមូលដ្ឋាននៅក្នុងផ្ទះ ដ៏ឆ្លាតវៃ ជាមួយនឹងលទ្ធភាពនៃការភ្ជាប់ទំនាក់ទំនង និងបញ្ជារាល់ដំណើរការជាមួយឧបករណ៏ប្រើប្រាស់ក្នុងផ្ទះផ្សេងទៀតបានដោយងាយ ដូចជា ម៉ាស៊ីនបូមធូលី ម៉ាស៊ីនត្រជាក់ ម៉ាស៊ីនបន្សុទ្ធខ្យល់បរិសុទ្ធ និងឧបករណ៍ផ្សេងៗ ជាច្រើនទៀត។
ឆ្នាំនេះ អាចជាឆ្នាំមួយ ដែលធ្វើអោយក្រុមហ៊ុន LG Electronics កាន់តែមានភាពលេចធ្លោជាមួយនឹងការអភិវឌ្ឍន៍បន្ទៈឈីបថ្មី α (Alpha) 9 processor ថ្មីចុងក្រោយបំផុតរបស់ខ្លួន។ បន្ទៈឈីប នឹងផ្តល់អោយអ្នកទស្សនាទទួល បានបទពិសោធន៍នៃការទស្សនាជាមួយរូបភាពច្បាស់ គុណភាពកាន់តែល្អ និងកាន់តែអស្ចារ្យ។ LG Nano CellTM SUPER UHD TVs បានបំពាក់ទៅដោយភ្លើងក្រោយ Full-Array Local Dimming (FALD) ដើម្បីផ្តល់នូវពណ៏ខ្មៅដិតល្អ និងបង្កើនកំរិតពណ៏ និងស្រមោលស្រអាប់អោយដូចរូបពិត។ ទូរទស្សន៍ OLED និង SUPER UHD ឆ្នាំ 2018 របស់ LG មានលក្ខណៈពិសេស 4K Cinema HDR ដែលជាបទពិសោធន៍យ៉ាងប្រពៃនៃការទស្សនាខ្សែភាពយន្តក្នុងគេហដ្ឋាន។
.jpg)
លោក Brian Kwon ប្រធានក្រុមហ៊ុន LG’s Home Entertainment បានមានប្រសាសន៏ថា “ LG Electrinics នៅតែបន្តស្វែងរកនិងឆ្នៃប្រឌិតឧបករណ៏ប្រើប្រាស់ក្នុងផ្ទះអោយកាន់តែមានភាពសំបូរបែប និងរឹតតែអស្ចារ្យ ហើយនឹងអាចផ្តល់ភាពងាយស្រួល និងការកំសាន្តយ៉ាងរីករាយដល់អតិថិជន”។ លោកក៏មានប្រសាសន៍ទៀតថា គោលបំណងរបស់ LG គឺផ្តល់ជូន និងបង្កើនការកំសាន្តក្នុងការរស់នៅរបស់អតិថិជនអោយកាន់តែប្រសើរ និងងាយស្រួល ជាមួយការវិវដ្តរបស់ TVs របស់ LG យើង។
