រំលឹកដល់ព្រឹត្តិការណ៍តាំងពិពរណ៍ CES 2018 កាលពីសប្តាហ៍មុន ឃើញថា ក្រុមហ៊ុនធំៗពីមានការប្រកួតប្រជែងគ្នាយ៉ាងខ្លាំងក្លាទៅលើជំនួយការឆ្លាតវៃរបស់ខ្លួនដូចជា Amazon Alexa និង Google Assistant ជាដើម។ កាលពីឆ្នាំមុននេះ Amazon ទទួលបានជោគជ័យយ៉ាងខ្លាំង ប៉ុន្តែនៅឆ្នាំនេះវិញ ក្រុមហ៊ុន Google ចាប់ផ្តើមប្រកួតប្រជែងវិញហើយ។ Anker Zolo Model Zero smart speaker ដ៏ថ្មីស្រឡាង បានក្លាយជា Speaker ថ្មីមួយ ដែលដំណើរការនូវជំនួយការឆ្លាតវៃ Google Assistant នៅក្នុងព្រឹត្តិការណ៍តាំងពិពរណ៍នេះ។
ដំណើររឿងដំបូងបំផុតដែលទាក់ទាញទៅលើឧបករណ៍ម៉ូដែល Model Zero នេះ គឺទៅលើការរចនារូបរាង។ Zolo (Anker’s audio brand) គឺមានការរចនារូបរាងដូចជាកាបូបយួរដៃមួយដែលធ្វើឱ្យវាមានលក្ខណៈខុសប្លែកពីការរចនារូបរាងរបស់ Smart Speakers ផ្សេងទៀតនៅលើទីផ្សារដែលមានរូបរាងជាស៊ីឡាំងនោះ។ សម្រាប់ក្រុមហ៊ុន Anker មាន Speakers ចំនួន 2 ដែលមានរូបរាងជាស៊ីឡាំងគឺ Zolo Halo ដំណើរការ Alexa និង Zolo Mojo ដំណើរការនូវ Google Assistant ។
ជឿជាក់ថា អ្នកពិតជាចង់ដឹងប្រសិនបើវាមិនមានការរចនារូបរាងជាស៊ីឡាំងនោះ គឺពិតជាប៉ះពាល់ទៅដល់កម្រិតសំឡេងជាក់ជាមិនខាន។ ក្រុមហ៊ុន Anker បាននិយាយថា សម្រាប់ការរចនានេះ គឺប្រើប្រាស់នូវ Drivers កម្រិតខ្ពស់ដែលចែកចាយនូវកម្រិតសំឡេងខ្លាំងក្លាពិរោះបំផុត និងមានប្រើប្រាស់នូវ Speakers ចំនួន 5 នៅក្នុងឧបករណ៍នេះ។ នៅខាងក្នុងនៃ Speaker នេះ គឺប្រើប្រាស់ននូវប៊ូតុងគ្រប់គ្រងទៅលើសំឡេង និងភ្លើង LED ផងដែរ។ សម្រាប់ប៊ូតុងផ្សេងទៀតគឺស្ថិតនៅផ្នែកខាងរបស់ Speakers នេះ។ ក៏មានភ្លើង LED Lights នៅផ្នែកខាងមុខផងដែរនៅពេលដែល Assistant ដំណើរការនោះ។
សម្រាប់ Zolo Model Zero វិញ គឺជាការចនារូបរាងពីអាលុយមីញ៉ូម ជាមួយនឹងសាច់ក្រណាត់ Fabric និងមាន 3 ពណ៌សម្រាប់ធ្វើការជ្រើសរើសគឺ ពណ៌ខ្មៅលាយពណ៌ទឹកប្រាក់ ពណ៌ខ្មៅលាយពណ៌ទង់ដែង និងពណ៌សលាយពណ៌មាស។ ក្រុមហ៊ុន Anker នៅមិនទាន់បញ្ចេញនូវព័ត៌មានលម្អិតអំពីឧបករណ៍នេះនៅឡើយទេ។ សម្រាប់តម្លៃរបស់ឧបករណ៍នេះ ហើយក៏នៅមិនទាន់ប្រកាសបង្ហាញជាផ្លូវការផងដែរ នេះគ្រាន់តែបញ្ចេញនៅក្នុងកម្មវិធីមួយប៉ុណ្ណោះ។ ក្រុមហ៊ុននេះ បានបញ្ជាក់ថា Zolo Model Zero នឹងដាក់លក់នៅក្នុងរដូវស្លឹកឈើជ្រុះនៅក្នុងឆ្នាំ 2018 នេះ៕
