ដូចអ្វីដែលរំពឹងទុក ក្រុមហ៊ុន Sony កាលពីម្សិលមិញនេះ គឺបានប្រកាសចេញនូវស្មាតហ្វូនថ្នាក់កណ្តាលរបស់ខ្លួន នៅក្នុងព្រឹត្តិការណ៍ CES 2018 នៅក្នុងទីក្រុង Las Vegas ពិតប្រាកដមែន។ ស្មាតហ្វូនទាំងនេះរួមមាន Xperia XA2, XA2 Ultra ។ សម្រាប់ការរចនារូបរាងរបស់ស្មាតហ្វូនទាំងនេះ គឺស្រដៀងគ្នាទៅនឹងស្មាតហ្វូនជំនាន់មុនរបស់ខ្លនដែរ ប៉ុន្តែវាគ្រាន់តែមានការផ្លាស់ប្តូរតិចតួចប៉ុណ្ណោះ។ ផ្នែកខាងក្រោយរបស់ស្មាតហ្វូននេះ ត្រូវផ្លាស់ប្តូរពីគែមផ្នែកខាងឆ្វេងទៅដាក់នៅផ្នែកកណ្តាលវិញម្តង។ ចំនែកប្រព័ន្ធស្កេនក្រយ៉ៅដៃក៏ស្ថិតនៅផ្នែកខាងក្រោយផងដែរ។
សម្រាប់ស្មាតហ្វូន XA2 series ក្រុមហ៊ុនបច្ចេកវិទ្យាយក្សនេះ បានបោះបង់ចោលនូវបន្ទះឈីប MediaTek Processor ជំនួសដោយបន្ទះឈីប Snapdragon 630 របស់ក្រុមហ៊ុនបច្ចេកវិទ្យា Qualcomm វិញ។ ស្មាតហ្វូន Xperia XA2 នឹងបំពាក់នូវអេក្រង់ទំហំ 5.2 អ៊ីង កម្រិត Full HD ស្របពេលដែលស្មាតហ្វូន XA2 Ultra ភ្ជាប់ជាមួយអេក្រង់ទំហំ 6 អ៊ីងកម្រិត Full HD ដូចគ្នា ។ ស្មាតហ្វូន Xperia XA2 ភ្ជាប់ជាមួយនឹងរ៉េមទំហំ 3GB និងម៉េមូរីក្នុងម៉ាស៊ីនទំហំ 32GB រួមជាមួយនឹងបន្ទះឈីប microSD កាតថែមទៀតផង។ ស្មាតហ្វូន Xperia XA2 Ultra ភ្ជាប់ជាមួយរ៉េមទំហំ 4GB និងម៉េមូរីក្នុងម៉ាស៊ីន 32GB / 64GB ហើយវាក៏មានការបន្ថែមជាមួយនឹងរន្ធដោត microSD កាតផងដែរ។
និយាយទៅ ក្រុមហ៊ុន Sony តែងតែផ្តោតទៅលើដំណើរការនៃប្រព័ន្ធកាមេរ៉ាសម្រាប់ស្មាតហ្វូន Xperia Series ហើយនឹងម៉ូដែល XA2 និង XA2 Ultra។ ស្មាតហ្វូនទាំងពីរនេះ បំពាក់នូវកាមេរ៉ាទំហំ 23MP f/2.0 Aperture, Hybrid Autofocus និងការទ្រទ្រង់នូវវីដេអូកម្រិត 4K និងការថតវីដេអូ 120fps slow-motion។ នៅផ្នែកខាងមុខរបស់ស្មាតហ្វូន Xperia XA2 គឺមានភ្ជាប់ជាមួយនឹងកាមេរ៉ាទំហំ 8MP មុខងារ ultra-wide fixed-focus សម្រាប់ថតរូប Selfie និងការថតវីដេអូខល។ រីឯ Xperia XA2 Ultra វិញ គឺមានភ្ជាប់ជាមួយនឹងប្រព័ន្ធកាមេរ៉ាភ្លោះនៅខាងមុខទំហំ 8MP+16MP ភ្ចាប់ជាមួយនឹងសេនស័រ FOV, 16:9 aspect ratio, autofocus និងមុខងារ optical image stabilization (OIS) ផងដែរ។ស្មាតហ្វូនទាំងពីរនេះ ដំណើរការប្រព័ន្ធប្រតិបត្តិការ Android 8.0 Oreo ។ ស្មាតហ្វូន XA2 មានថាមពលថ្ម 3,300mAh រិឯស្មាតហ្វូន XA2 Ultra មានថាមពលថ្ម 3,580mAh ហើយស្មាតហ្វូនទាំងពីរនេះដំណើរការបច្ចេកវិទ្យា Quick Charge 3.0 fast charging technology ថែមទៀត។
ក្រៅពីស្មាតហ្វូនត្រកូល XA2-series ក្រុមហ៊ុនបច្ចេកវិទ្យា Sony ក៏ប្រកាសបង្ហាញនូវស្មាតហ្វូនថ្នាក់ទាបម៉ូដែល Sony Xperia L2 ដែលមានអេក្រង់ទំហំ 5.5 អ៊ីញកម្រិត HD Display ជាមួយនឹង 1280x720 ភិចសែល។ ស្មាតហ្វូននេះដំណើរការបន្ទះឈីប 1.5GHz quad-core MediaTek MT6737T រ៉េមផ្ទុកទិន្នន័យទំហំ 3GB និងម៉េមូរីក្នុងម៉ាស៊ីនទំហំ 32GB ជាមួយនឹងរន្ធដោត microSD Card ។
ស្មាតហ្វូននេះ មានកាមេរ៉ាខាងក្រោយទំហំ 13MP និងកាមេរ៉ាខាងមុខទំហំ 8MP ។ ស្មាតហ្វូននេះ មានប្រព័ន្ធស្កេនក្រយ៉ៅដៃស្ថិតនៅផ្នែកខាងក្រោយដូចគ្នាទៅនឹងស្មាតហ្វូន XA2-series ប្រព័ន្ធប្រតិបត្តិការ Android 7.1 Nougat និងថាមពលថ្ម 3300mAh។