no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Huawei បញ្ជាក់ថា ឧបករណ៍ Huawei VR2 នឹងផ្តល់នូវបទពិសោធន៍នៃការទស្សនាវីដេអូ Virtual ដូចទៅនឹង IMAX

កាលពីថ្ងៃទី 10 មករា នេះ ក្រុមហ៊ុន Huawei បានបង្ហាញនូវកាសស្តាប់ Virtual Reality Headset ម៉ូដែល Huawei VR2 នៅក្នុងព្រឹត្តិការណ៍តាំងពិពរណ៍ CES 2018 ក្នុងទីក្រុង Las Vegas សហរដ្ឋអាមេរិក។ នេះគឺជាម៉ូដែលជំនាន់ទីពីររបស់ក្រុមហ៊ុនបច្ចេកវិទ្យា Huawei ដែលប្រើប្រាស់នូវ VR glasses នោះ។ សម្រាប់ Huawei VR glasses ជំនាន់ដំបូងរបស់ខ្លួនបង្ហាញជាផ្លូវការនៅក្នុងខែវិច្ឆិកាឆ្នាំ 2016 ជាមួយនឹងការទ្រទ្រង់នូវ 360° FOV ហើយអាចប្រើប្រាស់នៅលើស្មាតហ្វូន Mate 9 បាន ហើយវាមានតម្លៃ ¥599 (~$88) ។

Huawei VR2 headset ស៊េរីថ្មីចុងក្រោយនេះ ត្រូវបានប្រកាសចេញដំបូងបំផុតនៅថ្ងៃទី 20 ខែតុលានៅក្នុងប្រទេសចិន នៅអំឡុងនៃការប្រកាសបង្ហាញស្មាតហ្វុន Mate 10 series នៅក្នុងទីផ្សារនៃប្រទេសចិន ហើយតម្លៃរបស់វារហូតដល់ទៅ 1,999 Yuan (~$307) ។ តម្លៃនេះ គឺពិតជាខ្ពស់ដោយសារតែឧបករណ៍ Huawei VR2 គឺមានលក្ខណៈស្រដៀងគ្នាទៅនឹងឧបករណ៍ Oculus និង Vive។ លោកអ្នកនឹងអាចភ្ជាប់ឧបករណ៍នេះ ទៅកាន់ស្មាតហ្វូណ ថេប្លេត ឬកុំព្យូទ័រតាមរយៈ USB Type-C port ។ សម្រាប់ឧបករណ៍ VR2 មានកម្រិតភាពច្បាស់ដល់ទៅ 1,600 x 1,440 ជាមួយនឹងកម្រិត 90Hz refresh rate ។

នៅក្នុងការបង្ហាញឧបករណ៍ Huawei VR2 headset នៅក្នុងព្រឹត្តិការណ៍ CES 2018 លោក Yu Chengdong ដែលជានាយកប្រតិបត្តិរបស់ក្រុមហ៊ុន Huawei និយាយថា នោថ្ងៃទី 25 ខែមករានេះ ឧបករណ៍ VR2 នឹងទ្រទ្រង់នូវការប្រើប្រាស់ជាមួយនឹងបទពិសោធន៍នៃ IMAX virtual giant screen video នៅក្នុងប្រទេសចិន។ នេះមានន័យថាឧបករណ៍នេះ នឹងដាក់លក់នៅក្នុងប្រទេសចិននៅថ្ងៃទី 25 ខែមករា។ កាសស្តាប់នេះ អាចប្រើប្រាស់នូវអេក្រង់ទំហំធំដល់ទៅ 22 ម៉ែត្រកម្រិតសំឡេង 3D Autio ផងដែរ។ 

ក្រុមហ៊ុន Huawei បញ្ជាក់ថា ឧបករណ៍នេះ មានសិទ្ធអាជ្ញាប័ណ្ណក្ននុងការប្រើប្រាស់ទៅលើ IMAX VR / AR, IMAX Virtual Cinema ។ សម្រាប់កាសស្តាប់ VR2 នឹងទ្រទ្រង់នូវអេក្រង់ Fast LCD display និងបច្ចេកវិទ្យា dynamic rendering technology ។ សម្រាប់កាសស្តាប់ Huawei VR 2 អាចប្រើប្រាស់បានជាមួយនឹងស្មាតហ្វូន Huawei Mate 10 និងកុំព្យូទ័រ Notebooks ជាច្រើន។ លោកអ្នកនឹងទទួលបាននូវ VR application content ជាច្រើននៅក្នុង Huawei Video App ផងដែរ៕

no-alternative title
ព័ត៌មានពាណិជ្ជកម្ម