ថ្មីៗនេះក្រុមហ៊ុន Canon បានប្រកាសថាខ្លួនបានចុះហត្ថលេខាលើកិច្ចព្រមព្រៀងជាដៃគូដ៏សំខាន់មួយដើម្បីបានក្លាយទៅជាអ្នកឧបត្ថមសម្រាប់ការប្រគូតកីឡាអាស៊ីហ្គេមក្នុងឆ្នាំ 2018 ដែលរៀបចំឡើងដោយក្រុមព្រឹក្សាសហពន្ធ័កីឡាអាស៊ីអូឡាំពិក (Olympic Council Asia)។ ឆ្នាំនេះ គឺជាការប្រគូតកីឡាអាស៊ីហ្គេមលើកទី 18 ដែលនឹងប្រព្រឹត្តទៅចាប់ពីថ្ងៃទី 18 ខែសីហា ដល់ថ្ងៃទី 02 ខែកញ្ញា ឆ្នាំ 2018 ខាងមុខនេះ នៅទីក្រុងហ្សាកាតា និងប៉ាលបាង នៅក្នុងប្រទេសឥណ្ឌូនេស៊ី។ ការប្រគូតកីឡាអាស៊ីហ្គេម គឺជាការប្រគូតប្រជែងផ្នែកកីឡាអន្តរជាតិក្នុងតំបន់អាស៊ីដែលត្រូវបានរៀបចំធ្វើឡើងលើកដំបូងក្នុងឆ្នាំ 1951 ហើយត្រូវបានប្រារព្ធធ្វើឡើងជារៀងរាល់ 4 ឆ្នាំម្តង។
នៅក្នុងឆ្នាំនេះមានអត្តពលិកចំនួន 10,000 នាក់មកពី 45 ប្រទេស និងតំបន់ដើម្បីចូលរួមប្រគូតប្រជែងក្នុងព្រឹត្តិការណ៍ចំនួន 462 ក្នុងកីឡាចំនូន 40 ប្រភេទ។ ក្នុងនាមជាអ្នកឧបត្ថមធំក្នុងការប្រគូតកីឡាលំដាប់ថ្នាក់អន្តរជាតិនេះក្រុមហ៊ុន Canon នឹងផ្តល់ជូននូវប្រពន័្ធគ្រប់គ្រង់យ៉ាងពេញទំហឹងសម្រាប់ព្រឹត្តិការណ៍មួយនេះដែលរួមមានការបំពាក់នូវប្រព័ន្ធកាមេរ៉ាសម្រាប់ចាប់ និងបញ្ចូនរូបភាព, ឧបករណ៍ផលិតវីដេអូ, ឧបករណ៍បញ្ចូនសំឡេង (Broadcast), ម៉ាស៊ីនថតចម្លងមានមុខងារចម្រុះ (Copier & Pinter) និងឧបករណ៍វេជ្ជសាស្ត្រជាដើម។ ក្រុមហ៊ុន Canon Group នឹងនៅតែបន្តករួមចំនែកក្នុងការជម្រុញវិស័យកីឡាតាមរយះការប្រើប្រាស់ផលិតផល និងបច្ចេកវិទ្យារបស់កាណុន។ Canon គឺជាក្រុមហ៊ុនឈានមុខគេក្នុងពិភពលោកដែលផ្តល់នូវដំណោះស្រាយលើផ្នែករូបភាព និងប្រព័ន្ធឌីជីថល។
ក្រុមហ៊ុន Canon Singapore Pte, Ltd គឺជាក្រុមហ៊ុនកណ្តាលនៅក្នុងតំបន់អាស៊ីខាងត្បូង និងអាស៊ីអាគ្នេយ៍ដែលបានរួមចំនែកក្នុងការជម្រុញដល់យុទ្ធសាស្រ្តក្នុងការលក់, ផ្នែកទីផ្សារ និងសេវាកម្ម។ ក្រៅតែពីបានគ្រប់ដណ្តប់លើទីផ្សារក្នុងស្រុកក្រុមហ៊ុននេះបានគ្រប់ដណ្តប់លើទីផ្សារក្នុងតំបន់ចំនួន 22 ក្នុងនោះរួមមានការបង្កើតសាខាក្នុងប្រទេសឥណ្ឌ ម៉ាឡេស៊ី និងប្រទេសវៀតណាម។ ហើយក្រុមហ៊ុន Canon Inc គឺជាក្រុមហ៊ុនមេដែលមានបណ្តាញក្រុមហ៊ុននៅទូទាំងពិភពលោកជិត 3,00 ក្រុមហ៊ុន និងមានបុគ្គលិកកំពុងបម្រើការងារប្រមាណ 200,000 នាក់។
សូមជំរាបផងដែរថា រៀងរាល់ឆ្នាំក្រុមហ៊ុន Canon តែងតែបានដកប្រាក់ចំណូលរបស់ខ្លួនច្រើនជាង 8% សម្រាប់គាំទ្រដល់មជ្ឈមណ្ឌលអភិវឌ្ឍន៍ និងស្រាវជ្រាវ (R&D) ដើម្បីបង្កើនល្បឿនស្រាវជ្រាវលើផ្នែកបច្ចេកវិទ្យា និងគំនិតច្នៃប្រឌិតផលិតផលថ្មីរបស់ខ្លួន។ ក្រុមហ៊ុន Canon គឺជាក្រុមហ៊ុនមួយក្នុងចំនោមក្រុមហ៊ុនកំពូលៗ ដែលរកបានប៉ាតង់ច្រើនជាងគេក្នុងរយះពេល 20 ឆ្នាំចុងក្រោយនេះ។ នៅក្នុងនាមជាក្រុមហ៊ុនស្ថិតក្នុងបញ្ចី Fortune Global 500 Company, ក្រុមហ៊ុន Canon បានដឹកនាំដោយគោរពតាមទស្សនវិស័យ Kryosei philosophy របស់ជប៉ុន ដែលទស្សនវិស័យនេះ គឺផ្តោតទៅលើការរស់នៅប្រចាំថ្ងៃរបស់មនុស្ស និងការធ្វើការរួមគ្នាដើម្បីផលប្រយោជន៍រួម៕
