រំលឹកដល់ព្រឹត្តិការណ៍ CES 2018 នៅសហរដ្ឋអាមេរិក Booth របស់ក្រុមហ៊ុន Samsung ដែលត្រូវបានគេស្គាល់ថាជា “Samsung City” នៅកន្លែងទាំងមូល គឺមានការដាក់បង្ហាញបច្ចេកវិទ្យាជំនាន់ថ្មី ដែលនឹងផ្លាស់ប្តូរជីវិតរបស់អ្នកប្រើប្រាស់ទាំងក្នុង ការិយាល័យក៏ដូចជានៅគេហដ្ឋានផងដែរ។ ផ្ទាំងមួយដែលបង្ហាញនូវការច្នៃប្រឌិតដ៏គួរឲ្យចាប់អារម្មណ៍បំផុតនោះ គឺត្រូវបានបង្កើតឡើងដោយបន្ទះអេឡិចត្រូនិកថ្មីរបស់ក្រុមហ៊ុន Samsung ដែលវាមានបណ្តោយប្រវែង 32 ម៉ែត្រ និងមានកម្ពស់ 7.8 ម៉ែត្រ ហើយមានសមាសភាពសរុបចំនួន 4,926 (480 មីលីម៉ែត្រ x 65 មីលីម៉ែត្រ)។ ផ្ទាំងខាងមុខបង្ហាញពីរូបភាពដ៏អស្ចារ្យដែលភ្ជាប់ទៅនឹងចក្ខុវិស័យភាពនៃភាពវៃឆ្លាតរបស់ក្រុមហ៊ុន Samsung តែម្តង។
ក្រុមហ៊ុន Samsung បានបញ្ជាក់ថា អេក្រង់ LED នេះ គឺជាអេក្រង់ដំបូងបំផុត ដែលដំណើរការដោយប្រព័ន្ធ HDR បន្ទះអេឡិចត្រូនិកថ្មី 3 ប្រភេទរបស់ក្រុមហ៊ុន Samsung ដូចជា P1.5, P2.0 និង P2.5 ដែលបានឆ្លុះបញ្ចាំងពីការច្នៃប្រឌិតនៃបច្ចេកវិទ្យា IoT និង AI ដែលបង្ហាញភាពលេចធ្លោនៅក្នុងព្រឹត្តិការណ៌តាំងបង្ហាញនោះផងដែរ។ ប្រព័ន្ធ HDR នៅលើអេក្រង់នេះ បានបង្ហាញនូវគុណភាពច្បាស់ល្អឥតខ្ចោះទៅតាមបន្ទះអេឡិចត្រូនិកនីមួយៗ ស្របពេលដែលការរចនាដែលមានលក្ខណៈស្ដើង និងស្រាលបំផុតនោះវាធ្វើឲ្យមានការងាយស្រួលនៅក្នុងការតំទ្បើង និងជួសជុល។ ផ្ទាំងអេក្រង់ ដែលបង្ហាញនេះ ក៏បានផ្ដល់ឲ្យអ្នកទស្សនានូវរបៀបដែលក្រុមហ៊ុន Samsung គ្រប់គ្រងកម្មវិធី MagicInfo ដែលជាកម្មវិធីរួមបញ្ចូលគ្នាជាច្រើន ដើម្បីបង្កើតភាពឆើតឆាយ និងងាយស្រួលក្នុងការគ្រប់គ្រងបានផងដែរ។
ប្រសិនបើអ្នកមិនបានចូលរួមក្នុងពិព័រណ៍ CES 2018 ទេ សូមទស្សនាវីដេអូខាងលើនេះ ដើម្បីឲ្យដឹងកាន់តែច្បាស់ថាតើ Samsung City រួមចូលគ្នាដោយរបៀបណា ហើយជ្រៀតខ្លួនចូលទៅក្នុងអនាគតបានយ៉ាងដូចម្តេចទៅ។
