លោក Ming-Chi Kuo គឺជាអ្នកវិភាគម្នាក់ ដែលតែងតែនិយាយពីផលិតផលរបស់ក្រុមហ៊ុន Apple ហើយព័ត៌មានរបស់គាត់គឺភាគច្រើនត្រឹមត្រូវ។ នៅក្នុងការបម្រើការងារនៅក្រុមហ៊ុន KGI Securities លោក Kuo មានកំណត់ត្រានៃការតាមដានដ៏អស្ចារ្យនៅពេលដែលគាត់និយាយអំពីផលិតផលរបស់ក្រុមហ៊ុន Apple នោះ មនុស្សជាច្រើនស្តាប់តាមគាត់។ រហូតមកដល់ពេលនេះ មនុស្សជាច្រើន មានការឆ្ងល់តាំងតែពីដើមឆ្នាំទៅមិញ នៅពេលដែលក្រុមហ៊ុន Apple នឹងប្រើប្រាស់នូវបច្ចេកវិទ្យា Touch ID នៅលើទូរស័ព្ទ iPhone X នោះ លោក Kuo បានដឹងចម្លើយនេះទៅហើយ។ សម្រាប់អត្ថបទដែលសរសេរនៅក្នុងចុងខែកុម្ភៈនោះ រយៈពេល 7 ខែមុនពេលដែលទូរស័ព្ទស៊េរីថ្មីប្រកាសបង្ហាញខ្លួនជាផ្លូវការនោះ។ យើងគិតថា ទូរស័ព្ទ iPhone ជំនាន់ទី 10 នឹងមានឈ្មោះហៅថា iPhone 8 ។
យោងតាមការផ្សាយរបស់ PhoneArena កាលពីទី 21 ខែកុម្ភៈឆ្នាំ 2017 កន្លងទៅមួយឆ្នាំ លោក Ming-Chi Kuo បាននិយាយថា iPhone 8 (iPhone X) នឹងមិនប្រើប្រាស់នូវបច្ចេកវិទ្យា Touch ID នៅក្រោមអេក្រង់ edge-to-edge display នោះទេ។ ជំនួសមកវិញ អ្នកវិភាគនេះ បាននិយាយថា ក្រុមហ៊ុន Apple នឹងប្រើប្រាសនូវប្រព័ន្ធស្កេនមុខ (Facial Recognition) ដើម្បីធ្វើការដោះសោរ និងការផ្ទៀងផ្ទាត់ព័ត៌មាន។ ទីបញ្ចប់ ក្រុមហ៊ុន Apple ទិញយកក្រុមហ៊ុន RealFace របស់អ៊ីស្រាអែល ដើម្បីធ្វើការអភិវឌ្ឍទៅលើប្រព័ន្ធនេះ ដែលអាចវិភាគទោះបីជាពួកគេជាកូនភ្លោះក៏ដោយ។
លោក Kuo បាននិយាយកាលពីសប្តាហ៍មុនថា ក្រុមហ៊ុន Apple នឹងបញ្ឈប់នូវការផលិត iPhone X នៅពាក់កណ្តាលឆ្នាំនេះ ដោយសារតែការលក់មានការធ្លាក់ចុះទៅលើម៉ូដែលនេះ។ របាយការណ៍នេះបញ្ជាក់ថា ទូរស័ព្ទចំនួន 18 លានគ្រឿង ត្រូវលក់បាននៅក្នុងត្រីមាសទី 1 នេះខណៈពេលដែលសារព័ត៌មាន Wall Street បានរំពឹងថា ការលក់នឹងមានចំនដល់ទៅ 20 ទៅ 30 លានគ្រឿងនៅក្នុងរយៈពេល 3 ខែនោះ។ សម្រាប់កំណត់ត្រារបស់លោក Kuo និងទំនាក់ទំនងរបស់លោកជាមួយនឹងអ្នកធ្វើការប្រភពនៅខាងក្នុងរបស់ក្រុមហ៊ុន Apple នោះ យើងជឿជាក់ថា ប្រហែលជាអាចទៅរួចសម្រាប់ព័ត៌មានទម្លាយដោយគាត់នោះ។
ថ្មីៗនេះ ក្រុមហ៊ុន Apple នៅតែបន្តការផលិតនូវវីដេអូផ្សព្វផ្សាយពាណិជ្ជកម្មទៅលើស្មាតហ្វូន iPhoneX សម្រាប់វីដេអូផ្សព្វផ្សាយពាណិជ្ជកម្មចុងក្រោយនេះ គឺផ្តោតសំខាន់ទៅលើការថតរូប Selfies និងមុខងារ Portrait Lighting ដែលអនុញ្ញាតឱ្យលោកអ្នកធ្វើការថតរូបដូចជាអ្នកជំនាញតែម្តង។ សម្រាប់សំឡេងដែលអ្នកលឺពី Background គឺជាសម្លេងរបស់អ្នកប្រដាល់ដ៏ល្បីឈ្មោះបំផុត គឺកីឡាករ Muhammad Ali៕
