នៅក្នុងព្រឹត្តិការណ៍ CES ពិភពលោកឆ្នាំ 2018 កន្លងទៅនេះ ក្រុមហ៊ុន Canon បាននាំមកនូវបច្ចេកវិទ្យា និងឧបករណ៍អេឡិចត្រូនិកប្លែកមកចូលរួមតាំងបង្ហាញ នៅក្នុងនោះគេឃើញមានកាមេរ៉ាដ៏តូចច្រឡឹងមកគួរឱ្យចាប់អារម្មណ៍ផងដែរ។ កាមេរ៉ាប្រភេទនេះអាចថតបាន 360 ដឺក្រេ ។ បើសិនជាយើងមើលទៅលើផលិតផលថ្មីៗទាំងនេះ ហាក់ដូចជាមិនខុសពីប្រភេទកាមេរ៉ា 360 ដឺក្រេ របស់ក្រុមហ៊ុនដទៃ តែសមត្ថភាពរបស់កាមេរ៉ាតូចល្អិតនេះ គឺខុសពីគេត្រង់ថា វាអាចតាមចាប់យករូបភាពដែលមានចលនាបានរហ័ស ហើយបានគ្រប់មុំទាំងអស់។ Canon បានបំពាក់បច្ចេកវិទ្យាបញ្ញានិមិត្ត AI (Artificial Intelligent) បង្កើនភាពឆ្លាតវៃឱ្យវាអាចតាមចាប់រូបភាព ឬចាប់យកមុខមនុស្សបានល្អប្រសើរជាងផលិតផលដទៃ។
ក្រៅពីកាមេរ៉ា 360 ដឺក្រេ Canon នៅបានបង្ហាញកាមេរ៉ាក្រុម Canon បាននាំមកកាមេរ៉ាបួនជ្រុងដែលអាចភ្ជាប់ទៅ iPhone បាននិងអាចថតរូបរង្វិលជុំ។ កាមេរ៉ាបួនជ្រុងនេះនឹងនាំមកនូវរូបភាពដែលមានគុណភាពខ្ពស់ជាងគេបំផុតដោយកញ្ចក់ Zoom Lens ទំហំ 100-400mm ម្យ៉ាងទៀតវាក៏មានបន្ថែមនូវអេក្រង់ viewfinder ដែលងាយសម្រាប់ការបញ្ជាក៏ដូចជាពនិត្យរូបភាព។ ការពិតទៅគំនិតនៃកាមេរ៉ាទាំងពីរនេះគឺមានរួចស្រេចទៅហើយនៅក្នុងទីផ្សារកាមេរ៉ាសម្រាប់ថតរូប រង្វិលជុំ តែក្រុមហ៊ុន Canon បានបំពាក់បន្ថែមនូវអ្វីដែលមិនទាន់មាន។ ជាឧទាហរណ៍មិនទាន់មានកាមេរ៉ាណាដែលអាចតាមចាប់រូបភាពរង្វិលជុំពីគគ្រប់មុំទាំងអស់ឡើយ នៅ Canon មាន។
គួររំលឹកផងដែរថា ជារៀងរាល់ឆ្នាំព្រឹត្តិកាណ៍ CES ជាកន្លែងប្រមូលផ្ដុំការពិពណ៌បច្ចេកវិទ្យាពីគ្រប់ក្រុមហ៊ុនអេឡិចត្រូនិកទាំងអស់ ដែលចូលរួមអួតបង្ហាញអំពីអ្វីដែលខ្លួនមាន ទាំងឧបករណ៍អេឡិចត្រូនិកបង្កើតថ្មី ទាំងបច្ចេកវិទ្យាអនាគតជាច្រើនទៀត។ ឆ្នាំនេះធ្វើនៅរដ្ឋ Nevada ទីក្រុងល្បីឈ្មោះខាងកាស៊ីណូ Las Vegas នាថ្ងៃទី 7-12 ខែមករា មានក្រុមហ៊ុនចូលរួមតាំងបង្ហាញជាង 4 ពាន់ក្រុមហ៊ុន វាគ្មិនចូលរួម 1200 នាក់ និងអ្នកចូលទស្សនាជាង 18 ម៉ឺននាក់។