ថ្មីៗនេះក្រុមហ៊ុន LG Electronics ប្រតិកម្ម នឹងធ្វើការឆ្លើយតបទៅកាន់ការអធិប្បាយរបស់លោក Donald Trump ដែលបាននិយាយថា ក្រុមហ៊ុនផលិតម៉ាស៊ីនបោកគក់របស់ប្រទេសកូរ៉េខាងត្បូងកំពុងបំផ្លាញនូវអ្វីធ្លាប់ជាមុខជំនួញដែលផលិតនូវការងារល្អៗជាមួយនឹងម៉ាស៊ីនបោកគក់នៅក្នុងសហរដ្ឋអាមេរិកនាពេលកន្លងមក។ ការឆ្លើយតបនេះ ត្រូវបានប្រកាសធ្វើឡើងប៉ុន្មានថ្ងៃបន្ទាប់ពីប្រតិបត្តិការជាច្រើនរបស់ក្រុមហ៊ុន Samsung បានចាប់ផ្តើមនៅក្នុងរោងចក្រនៃភាគខាងត្បូងទីក្រុង Carolina នាពេលថ្មីៗនេហដូចគ្នា។ លោក Trump បានធ្វើការកត់សម្គាល់កាលពីថ្ងៃពុធនេះ នៅក្នុងបទសម្ភាសន៍មួយជាមួយនឹងសារព័ត៌មាន Reuters នៅសេតវិមាន លោកបានលើឡើងថា “ប្រទេសកូរ៉េខាងត្បូងកំពុងបំផ្លាញនូវអ្វីធ្លាប់ជាមុខជំនួញដែលផលិតនូវការងារល្អៗជាមួយនឹងម៉ាស៊ីនបោកគក់នៅក្នុងសហរដ្ឋអាមេរិក។”
នៅក្នុងការឆ្លើយតបទៅកាន់ការអធិប្បាយរបស់លោក Trump នោះ លោក Song Dae-hyun ដែលជាអគ្គនាយកផ្នែកអាជីវកម្ម Home Appliance & Air Solution Division របស់ក្រុមហ៊ុន LG បាននិយាយនៅក្នុងអំឡុងពេលនៃសន្និសីទកាសែតនៅថ្ងៃព្រហស្បន៍នេះថា “យើងពិតជានៅមានកន្លែងសម្រាប់ទីផ្សារសហរដ្ឋអាមេរិក ហើយមិនមានជាការបរាជ័យនោះទេ ដោយសារតែយើងជាក្រុមហ៊ុនមួយ ដែលផលិតនូវផលិតផលថ្នាក់ខ្ពស់ជាច្រើន។” “ដោយសារតែការរឹតបន្តឹងខ្លាំងរបស់រដ្ឋាភិបាលនៃសហរដ្ឋអាមេរិកនោះ បានក្រុមហ៊ុនបច្ចេកវិទ្យារបស់កូរ៉េ មិនមានចន្លោះណាមួយនៅក្នុងកែវភ្នែករបស់លោក Trump នោះទេ។ ទោះជាយ៉ាងណាក៏ដោយ យើងកំពុងតែរៀបចំទៅលើការសម្រេចចិត្តទៅលើសុវត្ថិភាពនៃបញ្ហានេះ។ នៅក្នុងការសន្យានៃយុទ្ធនាការ “America First” របស់លោក Trump ដែលជាកិច្ចការពារដំបូងបំផុតទៅលើម៉ាកយីហោពាណិជ្ជកម្ម ក្រុមហ៊ុន ITC ប្រកាសកាលពីខែវិច្ឆិកាឆ្នាំមុននេះថា អនុសាសន៍សម្រាប់រដ្ឋាភិបាលសហរដ្ឋអាមេរិក គឺមានការបញ្ជូលនូវការដាក់កំហិតទៅលើក្រុមហ៊ុន LG និង Samsung ជាមួយនឹងការបង់ពន្ធ 50% ប្រសិនបើការនាំចូលម៉ាស៊ីនទាំងនេះ មានចំនួនលើសពី 1.2 លានគ្រឿងនោះ។
បន្ទាប់ពីការប្រកាសអំពីអនុសាសន៍ទាំងនេះ ក្រុមហ៊ុន Samsung និង LG បានចេញនូវសេចក្តីថ្លែងការណ៍ថា របៀបនៃវិធានការការពារនេះអាចប៉ះពាល់ទៅលើអាជីវកម្មរបស់ពួកគេ និងទីផ្សារសហរដ្ឋអាមេរិកជាលក្ខណៈទូទៅផងដែរ។ ចាប់តាំងពីពេលនោះមក ក្រុមហ៊ុន LG និង Samsung បានខិតខំបន្ថែមទៀត ដើម្បីធ្វើឱ្យស្ថានការណ៍នេះមានការស្ងប់ស្ងាត់វិញ។ ក្រុមហ៊ុនបច្ចេកវិទ្យាទាំងពីនេះ បានប្រញាប់ប្រញ៉ាល់នៅ ក្នុងការសាងសង់រោងចក្រផលិតម៉ាស៊ីនបោកគក់នៅក្នុងសហរដ្ឋអាមេរិក។ ចំនែករោងចក្រនៃភាគខាងត្បូងនៃទីក្រុង Carolina របស់ក្រុមហ៊ុន Samsung ក៏ចាប់ផ្តើមបានដំណើរការហើយដែរ កាលពីថ្ងៃសៅរ៍សប្តាហ៍មុននេះ ស្របពេលដែលក្រុមហ៊ុនបច្ចេកវិទ្យា LG កំពុងតែធ្វើឱ្យកាន់តែប្រសើរជាងមុននូវការបង្កើតរោងចក្រមួយនៅទីក្រុង Tennessee ដែលនឹងដំណើរការនៅចុងឆ្នាំនេះ៕