សម្រាប់ការដាក់ចំណាត់ថ្នាក់ទៅលើកាមេរ៉ាស៊េរីឆ្នាំ 2018 Japan BCN កាលពិសប្តាហ៍មុននេះ បានបង្ហាញថា ក្រុមហ៊ុនកាមេរ៉ា Canon នៅប្រទេសជប៉ុន គឺនៅតែគ្រប់គ្រងទៅលើចំណែកទីផ្សារនៃកាមេរ៉ា DSLR ជាមួយនឹងចំណែកទីផ្សារដល់ទៅ 61.1%។ ចំណែកឯប្រភេទ Mirrorless វិញ គឺជាប់ចំណាត់ថ្នាក់លេខ 2 ជាមួយនឹងចំណែកទីផ្សារ 21.3%។ នៅក្នុងតារាងខាងលើនេះ ក៏មានបង្ហាញពីក្រុមហ៊ុន Sony ផងដែរ គឺមានចំណែកទីផ្សារ 20.2%។ សំរាប់ Olympus វិញ គឺបាបយកឈ្នះទៅលើក្រុមហ៊ុនបច្ចេកវិទ្យាទាំងពីរនេះ មានចំណែកទីផ្សារទៅលើប្រភេទ Mirrorless ចំនួន 27.7% ដែលមានការកើនឡើងពីលើកមុនដែលមានចំណែកទីផ្សារ 26.8%។
យោងតាមការបញ្ជាក់របស់ BCN បានអោយដឹងថា ក្រុមហ៊ុន Canon មានចំណែកទីផ្សារដល់ទៅ 27.9% ក្រុមហ៊ុន Nikon មានចំណែកទីផ្សារ 25.5% និងក្រុមហ៊ុន Casio ដែលមានចំណែកទីផ្សារ 17.2% ។ សម្រាប់ការដាក់ចំណាត់ថ្នាក់របស់ BCN ដែលផ្អែកទៅលើកាមេរ៉ា Action Camera វិញ គឺបានមើលឃើញថា ក្រុមហ៊ុន GoPro គឺជាក្រុមហ៊ុនដែលមានមានចំណែកទីផ្សារខ្ពស់ជាងគេដល់ទៅ 67.2% ឯណោះ ចំនែកកាមេរ៉ាប្រភេទឌីជីថលវីដេអូកាមេរ៉ា គឺបានទៅក្រុមហ៊ុន Panasonic ដែលបានឈរនៅចំណាត់ថ្នាក់កំពូលនៃចំណែកទីផ្សារដល់ទៅ 42% ។
របាយការណ៍ខាងលើបញ្ជាក់ថា ក្រុមហ៊ុន Canon បានបន្តនូវកំណើនយ៉ាងរឹងមាំនៅក្នុងទីផ្សារនៃ Mirrorless របស់ប្រទេសជប៉ុន បើទោះបីជាក្រុមហ៊ុន Sony ទើបតែងើបឡើងវិញបន្ទាប់ពីមានការរំខានដោយគ្រោះរញ្ជួញដី Kumamoto នៅក្នុងឆ្នាំ 2006 ក៏ដោយ។ សម្រាប់គ្រោះរញ្ជួយដីនេះ គឺបានការជះឥទ្ធិពលទៅលើរោងចក្រផលិតសេនស័ររូបភាព ដែលមានការផ្គត់ផ្គង់សេន ស័រសម្រាប់ក្រុមហ៊ុន Olympus និង Nikon។ ក្រោយពីការចេញនូវតារាងចំណាត់ថ្នាក់នេះ ក្រុមហ៊ុន Canon ត្រូវបានគេមើលឃើញថា និងមានគូរប្រកួតប្រជែងជាច្រើនរជាច្រើននៅឆ្នាំ 2018 នេះ៕