យោងតាមព័ត៌មានបានបញ្ជាក់ថា ស្មាតហ្វូនស៊េរីថ្មី Samsung Galaxy S9 និង Galaxy S9+ នឹងប្រកាសបង្ហាញខ្លួនជាផ្លូវការនៅក្នុងរយៈពេល 2 សប្តាហ៍ទៀតរាប់ចាប់ពីថ្ងៃនេះទៅ គឺនៅថ្ងៃទី 25 ខែកុម្ភៈខាងមុខនេះ។ មុនការប្រកាសបង្ហាញខ្លួនជាផ្លូវការនេះ រូបភាពផ្លូវការជាច្រើនរបស់សម្បកទូរស័ព្ទនេះ បានបែកធ្លាយនៅលើអនឡាញជាបន្តរបន្ទាប់ផងដែរ។
សម្រាប់ស្មាតហ្វូនស៊េរីថ្មីនេះ ក្រុមហ៊ុន Samsung សម្រេចបាននូវការរចនាម៉ូដ ការបំពាក់ទៅលើមុខងារ និងលោហធាតុ ហើយលោកអ្នកក៏អាចស្វែងរកនូវសម្បកទូរស័ព្ទ ដែលមានច្រើនពណ៌សម្រាប់ជ្រើសរើសផងដែរ។ សម្បក Clear View Standing Cover ក៏បានបង្ហាញអំពីវីដេអូមួយកាលពីសប្តាហ៍មុននេះជាមួយនឹងសម្បកប្រភេទ LED View Cover ដែលបង្ហាញអំពីព័ត៌មាននៃ Notifications និង Status មួយចំនួនតាមរយៈការប្រើប្រាស់ LEDs ។ វាក៏មានការបង្ហាញទៅលើសម្បក Alcantara Cover case ដែលមើលទៅគឺប្រណិតគួរឱ្យចង់ប៉ះបំផុត។
ក្រុមហ៊ុន Samsung ទើបតែបញ្ចេញនូវសម្បកទូរស័ព្ទ Hyperknit Cover case ដែលមានជ័រគែមផ្លាស្ទិកនៅខាងក្រោមផងដែរ។ សម្បកទូរស័ព្ទនេះមានពណ៌ខៀវដិត និងពណ៌ក្រហមភ្លឺ។ សម្រាប់អតិថិជន ដែលចំណាយពេលវេលាដើរច្រើន ឬការធ្វើការនៅកន្លែងសំណង់នោះ ការប្រើប្រាស់នូវសម្បកទូរស័ព្ទ MIL-STD-810G Protective Standing Cover ដែលពិតជាមានភាពស្រស់ស្អាតខ្លាំងណាស់។ តើសម្បកទូរស័ព្ទមួយណាដែលជាចំណង់ចំណូលចិត្តរបស់អ្នក?
