មុនព្រឹត្តិការណ៍ MWC ខាងមុខនេះ គឺមានព័ត៌មានបែកធ្លាយជាច្រើនអំពីស្មាតហ្វូនស៊េរីថ្មី Galaxy S9 ដែលក្រុមហ៊ុន Samsung បានត្រៀមខ្លួននឹងសម្ភោធជាផ្លូវការនៅពេលដ៏ខ្លីខាងមុខនេះ។ ដើម្បីផ្តល់នូវភាពងាយស្រួលនៅក្នុងការទទួលព័ត៌នៃកម្មវិធីនែះ ក្រុមហ៊ុនបច្ចេកវិទ្យា Samsung បានបញ្ចេញនូវកម្មវិធី Unpacked 2018 app នៅលើហាងទំនិញ Google Play Store ដែលកម្មវិធីនេះ នឹងធ្វើការបង្ហាញនូវស្មាតហ្វូនស៊េរីថ្មីនេះ ជាទម្រង់ Augmented Reality។
កម្មវិធីនេះនឹងធ្វើការ Live Stream នៅថ្ងៃសម្ភោធ។ វាត្រូវបានផលិតឡើងដោយក្រុម Redditor ដែលរកឃើញនូវម៉ូដែលប្រភេទ 3D សម្រាប់ស្មាតហ្វូន Galaxy S9 នេះ។ និយាយជាលក្ខណៈបច្ចេកទេស ម៉ូដែលប្រភេទ 3D មិនមែនស្ថិតនៅក្នុងកម្មវិធី App នោះទេ ប៉ុន្តែស្ថិតនៅលើវេបសាយរបស់ក្រុមហ៊ុន Samsung។ សូមជំរាបផងដែរថា យោងទៅតាមព័ត៌មានកន្លង គឺបញ្ជាក់ថា Galaxy S9 នឹងមានពណ៌ស្វាយ Purple Lilac ប៊ូតុង Bixby និងប្រព័ន្ធសំឡេង AKG stereo speaker។
ស្មាតហ្វូននេះ មានភ្លើង LED Flash ចំនួន 4 គ្រាប់ និងមានការផ្លាស់ប្តូរទៅលើកន្លែងសម្រាប់ស្កេនក្រយ៉ៅដៃផងដែរ។ នៅដើមសប្តាហ៍នេះ មានលេចចេញនូវរូបភាព Renders ផ្លូវការជាច្រើនរបស់ស្មាតហ្វូន Galaxy S9 របស់ក្រុមហ៊ុន Samsung បែកធ្លាយនៅលើអនឡាញ។ ស្មាតហ្វូនស៊េរីថ្មីត្រកូល S របស់ក្រុមហ៊ុន Samsung នេះ ត្រូវបានគេព្យាករណ៍ថា នឹងមានតម្លៃថ្លៃប្រហែលជា 740 ផោន ស្របពេលដែល Galaxy S9+ មានតម្លៃបន្ថែមពីលើដល់ទៅ 110 ផោនថែមទៀត៕
លោកអ្នកអាចសាកល្បងដោនឡូដពីថ្ងៃនេះ ដើម្បីទទួលបានព័ត៌មានថ្មីៗ ពីស្មាតហ្វូន Galaxy S9 និង Galaxy S9+!.
https://play.google.com/store/apps/details?id=com.sec.galaxy.unpacked