កាលពីចុងឆ្នាំនេះ ក្រុមហ៊ុន Canon បាននាំយកនូវកាមេរ៉ាស៊េរីថ្មី Canon EOS 6D Mark II ដែលមានរូបរាងស្រស់ស្អាត សមត្ថភាពខ្លាំងមិនធម្មតានោះទេ។ កាមេរ៉ាស៊េរីថ្មីនេះ ជាប្រភេទ Full Frame DSLR ដែលអាចចាប់រូបភាពល្អឥតខ្ចោះ ហើយទម្ងន់របស់កាមេរ៉ានេះ គឺស្រាលល្មមកាន់ក្នុងដៃថែមទៀត។ កាមេរ៉ាស៊េរី EOS 6D Series របស់ក្រុមហ៊ុន Canon គឺបានប្រើប្រាស់នូវសែនស័រ APS-C Sensor មុខងារសំខាន់ៗ និងបច្ចេកវិទ្យាកម្រិតខ្ពស់បំផុតជាច្រើនទៀត ដើម្បីមកបំពេញតម្រូវការរបស់អ្នកប្រើប្រាស់។
ជាមួយនឹងវត្តមានរបស់ អ្នកក្លាហានមួយនេះ តើតើគ្រប់បានគ្នាដឹងទេថា វាមានមុខងារកាន់តែសម្បូរបែបយ៉ាងណាខ្លះ? យើងខ្ញុំសូមបង្ហាញជូននូវព័ត៌មានខ្លះៗដែលមាននៅកាមេរ៉ានេះដល់លោកអ្នក។ ជាមួយគ្នានេះ ដើម្បីជ្រាបអោយកាន់តែច្បាស់នោះ អតិថិជនទាំងអស់ អាចទៅកាន់ក្រុមហ៊ុន i-Qlick ដែលជាអ្នកចែកចាយកាមេរ៉ា Canon ដើម្បីតេស្ត៍ផ្ទាល់ក៏បានដែរ។
កាមេរ៉ាស៊េរីថ្មី Canon EOS 6D Mark II ត្រូវបានបំពាក់នូវកាមេរ៉ា 26.2 MP CMOS Imaging Sensor និងមានភ្ជាប់ជាមួយនឹងមុខងារ Dual Pixel CMOS AF និង 45-Point AF System ថែមទៀតផង។ ហើយបើនិយាយអំពីប្រព័ន្ធ ISO របស់កាមេរ៉ានេះវិញ គឺមានកម្រិតរហូតដល់ទៅ 40000 (ISO 50 (L), 51200 (H1) និង 102400 (H2)) បច្ចេកវិទ្យា DIGIC 7 និង Viewfinder ដែលមានសមត្ថភាពអាចចាប់យករូបភាពទំហំដល់ទៅ 98% និងភ្ជាប់ជាមួយអេក្រង់ Vari-Angle Touchscreen LCD (កម្រិត 1.04 លាន Dots) និងអាចចាប់រូបភាពក្នុងល្បឿនលឿនដល់ទៅ 6.5fps ។
ការប្រើប្រាស់នូវមុខងារថ្មីៗសំរាប់ជំនួយទៅដល់អ្នកប្រើប្រាស់ នៅក្នុងការទទួលបានរូបភាព គឺពិតជាមានភាពស្រស់ស្អាតគ្មានគូប្រៀប ជាក់ស្តែងកាមេរ៉ានេះ ប្រើប្រាស់នូវ Flicker Mode អាចកែប្រែនូវ Shutter ដើម្បីជៀសវាងបញ្ហាពន្លឺនៅក្នុងការថតរូបផងដែរ។ ពិសេសជាងនេះទៀត Canon EOS 6D Mark II អាចធ្វើការថតវីដេអូនៅក្នុងកម្រិត Full HD 1080p 60p ជាមួយនឹងបច្ចេកវិទ្យា 5-Axis Electronic Image Stabilization និងបច្ចេកវិទ្យានៃការតភ្ជាប់នៅលើ Connectivity ដូចជា Wi-Fi, NFC, Bluetooth និង GPS ។ អ្វីដែលអស្ចារ្យនោះ ការថតរូប Continuous Shooting អាចធ្វើបាននៅ 10 វិនាទី Self-Timer ពិសេសភ្ជាប់ជាមួយនឹងមុខងារ 4K Timelapse Movie Mode ដែលមានកម្រិតភាពច្បាស់ 3840p UHD ។
កាមេរ៉ា Canon EOS 6D Mark II ត្រូវបានរចនាឡើងសម្រាប់ការគ្រប់គ្រងកាន់តែប្រសើរ ហើយរូបរាងរបស់វាពិតជាទំនើបងាយស្រួលកាន់បំផុត។ កាមេរ៉ាស៊េរីថ្មីនេះភ្ជាប់ជាមួយនឹងមុខងារការពារនូវការជ្រាបទឹក និងការការពារធូលីហើយវាមានទម្ងន់ត្រឹមតែ 685 ក្រាមដែលលោកអ្នកមិនមានអារម្មណ៍រោយដៃនោះទេ នៅពេលកាន់កាមេរ៉ាដ៏ទំនើបមួយនេះ។ កាមេរ៉ា Canon EOS 6D Mark II ប្រើប្រាស់ភិចសែលធំ នៅក្នុងការចាប់រូបភាពកម្រិតខ្ពស់ ហើយវាអាចប្រើប្រាស់ជាមួយម៉េមូរីកាតប្រភេទ SD/SDHC/SDXC (UHS-I) ។ កាមេរ៉ា Canon EOS 6D Mark II ផ្តល់នូវ Options សម្រាប់ប្រើប្រាស់មួយចំនួនដូចជា Single-Point AF, Zone AF, Large Zone AF, Shot AF និង Auto AF Point Selection ថែមទៀត។
ការផ្តល់ជម្រើសច្រើនក្នុងការថតរូបនេះពិតជាអស្ចារ្យបំផុតសម្រាប់អ្នកប្រើប្រាស់មិនថាអ្នកចាប់ផ្តើមតំបូង ឬអ្នកថតរូបអាជីពនោះទេ។ សម្រាប់ការថតវីដេអូតាមរយៈកាមេរ៉ា Canon EOS 6D Mark II គឺជាប្រភេទ .MP4 or .MOV format ប្រើប្រាស់នូវ MPEG-4 AVC / H.264 codec និងប្រព័ន្ធសំឡេងលឺច្បាស់នៅក្នុងប្រភេទ Linear PCM (.MOV) ឬ AAC (.MP4) តាមរយៈ microphones នៅខាងមុខ ឬការប្រើប្រាស់រន្ធ 3.5mm stereo input jack ផងដែរ។ ការថតសំឡេងក៏ប្រើប្រាស់ជាទម្រង់ Auto, Manual (64 levels) ឬ Disabled កាន់តែសម្បូរបែប ខណៈពេលដែលមុខងារ Wind Filter និង Attenuator ក៏អាចប្រើប្រាស់នៅក្នុងមុខងារនៃ Sound Recording បានផងដែរ៕
រូបភាព Sample: