ដំណឹងថ្មី! ពេលនេះ ក្រុមហ៊ុន Apple មានវតមាននៅអូទ្រីសហើយ។ Apple Kärntner Straße គឺជាហាងលក់ទំនិញដំបូងបំផុតរបស់ក្រុមហ៊ុន Apple នៅក្នុងប្រទេសអូទ្រីស ដែលនឹងធ្វើការបើកអោយដំណើរការនៅថ្ងៃសៅរ៍ខានស្អែកនេះហើយ នៅវេលាម៉ោង 9:30 a.m. ស្ថិតនៅក្នុងទីក្រុង Vienna។ ទីតំាងនៃហាងនេះ គឺស្ថិតនៅលើផ្លូវដែលសម្បូរទៅដោយអ្នកដំណើរដើរឆ្លងកាត់ ដើរទិញទំនិញនៅចន្លោះព្រះវិហារ St. Stephen’s Cathedral និង Vienna State Opera ហើយនៅក្នុងហាងលក់ទំនិញនេះ គឺមានបុគ្គលិកចំនួន 150 នាក់ ដែលរងចាំផ្តល់នូវសេវាកម្មនៅក្នុងហាង Apple Store នេះ។
លោក Angela Ahrendts ដែលជាអនុប្រធានជាន់ខ្ពស់ផ្នែកផលិតផលរបស់ក្រុមហ៊ុន Apple បានមានប្រសាសន៍ ថា “យើងមិនអាចរង់ចាំនៅក្នុងការចូលទៅក្នុងទីក្រុង Vienna ដែលមានសភាពមនុស្សអ៊ូអរជាមួយនឹងប្រវត្តិសាស្រ្ត និងវប្បធម៌ដ៏សម្បូរបែបនេះនោះទេ។ Apple Kärntner Straße នឹងនាំយកនូវផលិតផលបច្ចេកវិទ្យាជាច្រើន សេវាកម្ម និងកម្មវិធីអប់រំ។ គ្រប់គ្នាអាចចូលមករៀនសូត្រជាមួយនឹងឧបករណ៍បច្ចេកវិទ្យាទាំងអស់នេះបាន។”
នៅក្នុងការរចនាទៅលើអាគារដើមមួយស្ថិតនៅផ្លូវកែងនេះ មនុស្សអាចមើលឃើញយ៉ាងច្បាស់អំពីហាងមួយនេះ។ បុគ្គលិកជាច្រើនដែលមានចំណេះដឹងក្នុងការឆ្លើយតបដល់ទៅ 44 ភាសា នឹងស្វាគមន៍ទៅលើភ្ញៀវអ្នកទស្សនាដែលចូលមកកាន់ហាង Apple Kärntner Straße នេះ។ អ្នកទស្សនាអាចចូលទស្សនាដោយសេរីនៅថ្ងៃនេះនៅក្នុងវគ្គ Apple sessions ជារៀងរាល់ថ្ងៃដែលបង្រៀនអំពីការថតរូប ការសរសេរកូដ និងការអភិវឌ្ឍទៅលើ App, តន្រ្តី សិល្បៈ និងការឌីស្សាញ និងជាច្រើនទៀតនៅក្នុង The Forum ។
សម្រាប់កម្មវិធីជាច្រើនបង្កើតឡើងសម្រាប់ការបម្រើទៅដល់សហគមន៍រួមមាននូវ Sessions ដែលផ្តោតទៅលើអ្នកអប់រំ និងក្មេងៗដូចជា Kids Hour នៅរៀងរាល់ថ្ងៃសៅរ៍នោះ។ សម្រាប់សហគ្រិន និងអ្នកអភិវឌ្ឍទៅលើ App ចាប់អារម្មណ៍ទៅលើវគ្គបណ្តុះបណ្តាល និងអាចជួបជាមួយនឹងសមាជិកនៃក្រុមការងាររបស់ក្រុមហ៊ុន Apple នៅក្នុង Boardroom ថែមទៀត។
អតិថិជន អាចធ្វើការសាកល្បងទៅលើផលិតផលជាច្រើនរបស់ក្រុមហ៊ុ Apple ដូចជា iPhone, iPad, Apple Watch ឬ Mac ហើយពួកគេអាចទំនាក់ទំនងជាមួយនឹងអ្នកជំនាញជាច្រើនថែមទៀត។ លោកអ្នកអាចធ្វើការចុះឈ្មោះ ដើម្បីរៀនវគ្គរបស់ក្រុមហ៊ុន Apple តាមរយៈ apple.com/at/today ៕
