ក្រុមហ៊ុនបច្ចេកវិទ្យា Vivo ប្រកាសបង្ហាញនូវស្មាតហ្វូនស៊េរីថ្មី Vivo V7+ ដំបូងបំផុតនៅក្នុងប្រទេសឥណ្ឌាដែលជាម៉ូដែលដំបូងបំផុតដែលមានកម្រិតអេក្រង់ 18:9 aspect ratio ដែលនឹងដាក់លក់នៅក្នុងទីផ្សារក្នុងស្រុកនៅក្នុងខែកញ្ញាឆ្នាំមុននេះ។ក្រោយមកក្រុមហ៊ុនបច្ចេកវិទ្យាយក្សមួយនេះក៏ប្រកាសបង្ហាញនូវស្មាតហ្វូនស៊េរីថ្មី Vivo V7 ផងដែរ។ស្មាតហ្វូនទាំងនេះផ្តោតខ្លាំងនៅលើការថតរូប Selfies ហើយវាមានអេក្រង់ FullView Display ដែលមានកម្រិតភាពច្បាស់ HD+ ថែមទៀត។ស្មាតហ្វូនទាំងពីរម៉ូដែលនេះគឺជាជម្រើសល្អបំផុតដែលអាចប្រកួតប្រជែងជាមួយនឹងក្រុមហ៊ុនបច្ចេកវិទ្យាធំៗជាច្រើននៅក្នុងប្រទេសចិនដូចជា Xiaomi ផងដែរ។
ថ្មីៗនេះក្រុមហ៊ុនបច្ចេកវិទ្យា Vivo ប្រកាសបង្ហាញទៀតថាស្មាតហ្វូន V7 និង V7+ នេះនឹងមានតម្លៃចុះថ្លៃផងដែរ។សម្រាប់កំណែពិសេសស៊េរីថ្មីរបស់ស្មាតហ្វូននេះក៏នឹងបង្កើនការលក់ផងដែរ។ក្រុមហ៊ុនបច្ចេកវិទ្យា Vivo បញ្ជាក់ថាក្រុមហ៊ុនទើបតែធ្វើការកាត់បន្ថយប្រាក់ចំណេញសម្រាប់អ្នកលក់រាយជាង 40% ហើយវានាំអោយមានការបាត់បង់នូវហាងលក់រាយច្រើនជាង 10,000 កន្លែងនៅក្នុងរយៈពេលដ៏ខ្លីនេះ។ប្រភពមួយបង្ហាញថាក្រុមហ៊ុនបច្ចេកវិទ្យា Vivo ក៏មានគម្រោងក្នុងការបញ្ឈប់នូវការលក់ស្មាតហ្វូន Vivo V7 និង V7+ នៅក្នុងទីផ្សារនៃប្រទេសឥណ្ឌាផងដែរ។
ការសម្រេចចិត្តក្នុងការបញ្ឈប់ស្មាតហ្វូន V7 និង V7+ នៅក្នុងប្រទេសឥណ្ឌានេះប្រហែលជាវាមិនមានការពេញនិយមខ្លាំងក្លានោះចាប់តាំងពីថ្ងៃប្រកាសបង្ហាញខ្លួនជាផ្លូវការ។ជំនួសមកវិញនោះក្រុមហ៊ុនបច្ចេកវិទ្យារបស់ចិននេះក៏មានគម្រោងក្នុងការប្រកាសបង្ហាញនូវស្មាតហ្វូនស៊េរីថ្មីពីរម៉ូដែលដែលមានអេក្រង់ FullView 18:9 Displays ។នៅក្នុងខណៈពេលនេះវានៅមិនទាន់មានព័ត៌មានលម្អិតអំពីស្មាតហ្វូនស៊េរិថ្មីទាំងពីរម៉ូដែលនេះនោះទេប៉ុន្តែវាទំនងជាដាក់លក់ផ្តាច់មុខតែនៅក្នុងទីផ្សារនៃប្រទេសឥណ្ឌាតែប៉ុណ្ណោះ។យើងប្រហែលជាអាចឃើញស្មាតហ្វូនទាំងនេះបង្ហាញខ្លួននៅចិនសិនមុនពេលដែលដាក់លក់នៅក្នុងប្រទេសឥណ្ឌានោះ៕
