កាលពីសសប្តាហ៍មុននេះ ក្រុមហ៊ុន Huawei បានបញ្ជាក់ថា កាក្លាយជាក្រុមហ៊ុននាំមុខគេនៅលើទីផ្សារជាច្រើននោះ គឺមិនមែនជារឿងចៃដន្យនោះទេ។ ក្រុមហ៊ុនបច្ចេកវិទ្យានេះ ត្រូវបានគេគិតប្រហែលជាមិនអាចទៅរួចនោះទេ នៅក្នុងទីផ្សារប្រទេសចិន ប៉ុន្តែក្រុមហ៊ុននេះ បែជាអាចឈរនៅចំណាត់ថ្នាក់លេខ 3 នៅលើពិភពលោកបាន។ ដើម្បីទទួលបាននូវលទ្ធផលដ៏ល្អនេះ ក្រុមហ៊ុនបច្ចេកវិទ្យានេះ បានវិនិយោគយ៉ាងខ្លាំងនៅលើគំនិត និងរបកគំហើញថ្មីៗជាច្រើនផងដែរ។
រហូតមកដល់ពេលនេះ ក្រុមហ៊ុន Huawei គ្រប់កគ្រងទៅលើប៉ាតង់ធំជាងគេបំផុតនៅក្នុងពិភពលោក។ តាមការបញ្ជាក់នៅក្នុងរបាយការណ៍ចុងក្រោយនោះរបស់ European Patent Office ក្រុមហ៊ុនបច្ចេកវិទ្យារបស់ចិននេះគឺជាក្រុមហ៊ុនដំបូងនៅក្នុងទ្វីបអ៊ឺរ៉ុបដែលមានប៉ាតង់កម្មវិធីច្រើនជាងគេនៅក្នុងឆ្នាំ 2017 នេះ។
ប្រភពនេះ បានអះអាងថា ក្រុមហ៊ុន Huawei បានស្នើរសុំប៉ាតង់ដល់ទៅ 2398 កាលពីឆ្នាំមុននេះ ដែលជាអាចអនុញ្ញាតឱ្យក្រុមហ៊ុននេះ នឹងឈរនៅចំណាត់ថ្នាក់លេខ 1 នៅក្នុងក្រុមហ៊ុនបច្ចេកវិទ្យាជាច្រើន នៅលើពិភពលោកដូចជា Siemens, LG, Samsung និង Qualcomm ។ ដូចអ្វីដែលអ្នកគិត ក្រុមហ៊ុនបច្ចេកវិទ្យាជាច្រើន ក៏ស្ថិតនៅពីក្រោយក្រុមហ៊ុននេះផងដែរ។ ក្រុមហ៊ុន Huawei គឺជាក្រុមហ៊ុនដំបូងបំផុតរបស់ប្រទេសចិន ដែលទទួលននូវពានរង្វាន់នេះ។
ស្ថាប័ន European Patent Office បានទទួលនូវប៉ាតង់សរុបចំនួន 166,000 នៅក្នុងឆ្នាំ 2017 ដែលមានការកើនឡើង 4% បើធៀបទៅនឹងឆ្នាំមុនទៀតនោះ។ ប៉ាតង់នេះ គឺត្រូវបានស្នើរដោយក្រុមហ៊ុនបច្ចេកវិទ្យាជាច្រើន នៅក្នុងប្រទេសចិន ឈានដល់ទៅ 8330 ដែលមានកំណើន 16.6% បើធៀបទៅនឹងឆ្នាំមុនមួយទៀតនោះ។ មួយភាគ 3 នៃប៉ាតង់ទាំងអស់នេះ គឺត្រូវដាក់ស្នើរដោយក្រុមហ៊ុន Huawei។ នៅក្នុងពេលអនាគត ការវិនិយោគប្រចាំឆ្នាំនៅក្នុងការស្រាវជ្រាវ និងការអភិវឌ្ឍនឹងអាចឈានលើសពី 10 ពាន់លានដុល្លារទៅកាន់ 20 ពាន់លានដុល្លារអាមេរិកផងដែរ៕
