no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ព័ត៌មានថ្មី! ក្រុមហ៊ុន Samsung បានកំណត់គោលដៅក្នុងការលក់ស្មាតហ្វូន Galaxy S9/S9+ អោយបានចំនួន 43 លានគ្រឿងនៅក្នុងឆ្នាំនេះ

យោងតាមប្រភពមួយបានបញ្ជាក់កាលពីថ្ងៃទី 12 ខែមីនានេះ បានឱ្យដឹងថា ក្រុមហ៊ុនបច្ចេកវិទ្យាយក្ស Samsung Electronics មានគម្រោងក្នុងការនាំចេញស្មាតហ្វូន Galaxy S9 និង Galaxy S9+ ចំនួនដល់ទៅ 43 លានគ្រឿងនៅក្នុងឆ្នាំនេះ ដែលនេះ គឺជាតួរលេខមួយខ្ពស់ជាងគេចំនួននៃការលក់ស្មាតហ្វូន Galaxy S8 និង Galaxy S8+ ដែលលក់បានចំនួនត្រឹមតែ 41 លានគ្រឿងកាលពីឆ្នាំមុននេះ។ ថ្មីៗនេះ ក្រុមហ៊ុន Samsung ទើបតែស្នើរទៅកាន់អ្នកផ្គត់ផ្គង់ជាច្រើន ដើម្បីធ្វើការកំណត់នូវកាលបរិច្ឆេទនៃការផលិតសមាសភាគរបស់ស្មាតហ្វូនដោយផ្អែកទៅលើគោលដៅរបស់ខ្លួន នេះបើតាមការបញ្ជាក់របស់សារព័ត៌មាន The Bell ដែលបានដកស្រង់ចេញពីប្រភពខាងក្នុងនោះ។

ប្រភពសុំមិនបញ្ចេញឈ្មោះ បាននិយាយថា “ក្រុមហ៊ុន Samsung មានគោលដៅក្នុងការនាំចេញស្មាតហ្វូន Galaxy S9 និង Galaxy S9+ រហូតដល់ទៅ 43 លានគ្រឿង បើទោះបីជាក្រុមហ៊ុន មិនអាចធ្វើការកែប្រែទៅលលើលគោលដៅនៃការលក់ផ្អែកទៅតាមលក្ខខណ្ឌទីផ្សារក៏ដោយ។” អ្នកឃ្លាំមើលទីផ្សារ បាននិយាយថា កំណើនបរិមាណនៃការនាំចេញស្មាតហ្វូននៅក្នុងឆ្នាំនេះ គឺបានឆ្លុះបញ្ចាំងអំពីភាពយឺតនៃឧស្សាហកម្មស្មាតហ្វូនពិភពលោកផងដែរ។

នៅក្នុងរបាយការណ៍មួយថ្មីមួយ ដែលបានចុះផ្សាយដោយអ្នកស្រាវជ្រាវទីផ្សាពិភពលោក Gartner បង្ហាញថា ស្មាតហ្វូនចំនួន 407.8 លានគ្រឿង ត្រូវបានដាក់លក់នៅក្នុងត្រីមាសទី 4 ឆ្នាំមុននេះ ដែលមានការធ្លាក់ចុះ 5.6% បើធៀបទៅនឹងឆ្នាំមុននេះ។ ក្រុមហ៊ុនផលិតស្មាតហ្វូនធំៗមួយចំនួនរួមមាន ដូចជា Samsung, Apple និង Huawei បានមើលឃើញថា ការលក់របស់ពួកគេមានការធ្លាក់ចុះ នៅក្នុងរយៈពេល 3 ខែនេះ ដោយសារតែការផ្លាស់ប្តូរស្មាតហ្វូនថ្មី ដើម្បីប្រើប្រាស់របស់អតិថិជនមានរយៈពេលយូរជាងមុន។

ក្រុមហ៊ុនវិភាគទីផ្សារជាច្រើនដូចជា Counterpoint Research កាលពីពេលមុននេះ បានទស្សន៍ទាយផងដែរថា ការនាំចេញស្មាតហ្វូន Galaxy S9 និង Galaxy S9+ នឹងមានចន្លោះពី 40 ទៅ 43 លានគ្រឿងនៅក្នុងឆ្នាំនេះ។ កាលពីពេលកន្លងទៅ ក្រុមហ៊ុន Samsung ខ្លួនឯងក៏បានរាយការណ៍ផងដែរថា ខ្លួនបាននាំចេញស្មាតហ្វូន Galaxy S8 និង Galaxy S8+ ប្រហែលជា 41 លានគ្រឿង ស្របពេលដែលស្មាតហ្វូន Galaxy S7 មានការនាំចេញដល់ទៅ 47 លានគ្រឿងនៅក្នុងឆ្នាំ 2016 នោះ។ រហូតមកដល់ពេលនេះ ការកម្មង់ទិញមុនសម្រាប់ស្មាតហ្វូនស៊េរីថ្មី Galaxy S9 និង Galaxy S9+ របស់ក្រុមហ៊ុន Samsung នៅក្នុងរយៈពេលមួយសប្តាហ៍នេះ នៅក្នុងប្រទេសកូរ៉េខាងត្បូងចាប់ពីថ្ងៃទី 26 ខែកុម្ភៈដល់ថ្ងៃទី 4 ខែមីនានេះ ត្រូវបានគេដឹងថា បានចំនួន 70% ហើយ បើធៀបទៅនឹងស្មាតហ្វូនជំនាន់មុននេះ៕

no-alternative title
ព័ត៌មានពាណិជ្ជកម្ម