កាលពីឆ្នាំមុននេះ ក្រុមហ៊ុន Apple ដាក់លក់នូវទូរស័ព្ទស៊េរីថ្មី iPhone X នៅក្នុងតម្លៃ $999 ហើយមនុស្សជាច្រើននិយាយដោយកំប្លែងថា តម្លៃនេះគួរតែស្មាតហ្វូននេះ ធ្វើពីមាសទើបសម។ ក្រុមហ៊ុនដ៏ប្រណិតរបស់ប្រទេសរុស្សីគឺប្រទេស Caviar យកចិត្តទុកដាក់ទៅលើរឿងនេះ ហើយក៏ធ្វើការប្រកាសចេញនូវការរចនាតួខ្លួនរបស់ទូរស័ព្ទស៊េរីថ្មីនេះ ជាមួយនឹងការប្រើប្រាស់ត្បូងដ៏មានតម្លៃជាង 300 គ្រាប់។ ផលិតផលដ៏ប្រណិតចុងក្រោយបំផុតរបស់ក្រុមហ៊ុន Caviar នេះ គឺមានឈ្មោះថា iPhone X Putin Golden Age ដើម្បីធ្វើការប្រារព្ធនូវការអបអរសម្រាប់ការបោះឆ្នោតនៅក្នុងប្រទេសរុស្សី ដែលលោកពូទីនឈ្នះឆ្នោតយ៉ាងខ្លាំងកាលពីសប្តាហ៍មុននេះ គឺមានសំឡេងឈ្នះរហូតដល់ទៅ 76% នៃសំឡេងប្រជាជនដែលបោះឆ្នោតអោយនោះ។
ដើម្បីបំពេញទឹកចិត្តអ្នកដែលមានលុយច្រើន ហើយមិនចង់ប្រើប្រាស់នូវ Sticker ឬការប្រើប្រាស់នូវសម្បកទូរស័ព្ទនោះ ក្រុមហ៊ុន Caviar ក៏បានបង្កើតឡើងវិញនូវការរចនារូបរាងថ្មីជាមួយនឹងមុខរបស់លោកប្រធានាធិបតី Vladimir Putin ជាជាងការប្រើប្រាស់នូវឡូហ្គោរបស់ក្រុមហ៊ុន Apple នោះ។ នៅក្នុងផ្ទាំងរូបភាព Portrait នេះ គឺមានការប្រើប្រាស់នូវឡូហ្គោរបស់រូបសញ្ញានៃសហព័ន្ធរុស្សី និងផ្នែកខាងក្រោមនៃខាងក្រោយគឺប្រើប្រាស់នូវវិមានក្រឹមឡាំងជាលក្ខណៈ 3D ហើយក្រុមហ៊ុននេះ ក៏បានប្រើប្រាស់នូវពាក្យស្លោកថា “យើងត្រៀមខ្លួនសម្រាប់អនាគតដ៏ភ្លឺស្វាង ហើយយើងនឹងនៅទីនេះ។”
ផ្នែកខាងក្រោយរបស់ទូរស័ព្ទ iPhone X នេះ គឺផលិតឡើងពីមាសសុទ្ធ 24K ហើយវាមានតែ 76 គ្រឿងប៉ុណ្ណោះ នៃទូរស័ព្ទនេះដែលបង្ហាញអំពីសញ្ញានៃការបោះឆ្នោតឈ្នះ 76% ចំពោះលោកពូទីននោះ។ ក្រុមហ៊ុន Caviar បានបញ្ជាក់ថា ទូរស័ព្ទនេះ គឺជាសញ្ញានៃជ័យជំនះ និងការរួបរួមគ្នារបស់ប្រជាជនរបស់ប្រទេសរុស្សីជាក្រុមតែមួយ ហើយនេះគឺដូចជាអ្វីដែលលោកប្រធានាធិប តីនិយាយនោះ។ សម្រាប់ម៉េមូរីក្នុងម៉ាស៊ីនទំហំ 64GB គឺមានតម្លៃ RUB269,000 ឬប្រហែលជា €3,800/$4,600 ។ សម្រាប់ទំហំម៉េមូរី 256GB iPhone X នឹងមានតម្លៃ RUB284,000 ឬជិត $5000 នោះ។ iPhone X Putin Golden Age មានការធានាជូន 1 ឆ្នាំ ហើយការដឹកជញ្ជូន ដោយឥតគិតថ្លៃថែមទៀតផង៕