no-alternative title
no-alternative title
no-alternative title
no-alternative title
no-alternative title
no-alternative title
no-alternative title

oppo F7 Diamond Black Special Edition ដែលប្រើប្រាស់រ៉េម 6GB និងម៉េមូរីក្នុងម៉ាស៊ីន 128GB បានផ្តើមដាក់លក់ហើយនៅក្នុងប្រទេសឥណ្ឌា

នៅដើមខែនេះ ក្រុមហ៊ុន oppo បានប្រកាសដាក់លក់ស្មាតហ្វូនស៊េរីថ្មីចុងក្រោយបំផុតរបស់ខ្លួននៅក្នុងទីផ្សារនៃប្រទេសឥណ្ឌា គឺម៉ូដែល oppo F7 ។ ពេលនេះ ក្រុមហ៊ុនបច្ចេកវិទ្យារបស់ចិននេះ ក៏បានប្រកាសបង្ហាញនូវជំនាន់ថ្មីមួយទៀតរបស់ស្មាតហ្វូននេះ ដែលមានឈ្មោះថា oppo F7 Diamond Black Special Edition។ ស្មាតហ្វូនម៉ូដែលពិសេសនេះ ប្រើប្រាស់នូវរ៉េមកាន់តែធំ ហើយវាក៏មានទំហំម៉េមូរីធំផងដែរ។ ស្មាតហ្វូន Diamond Black edition បានបង្ហាខ្លួននៅក្នុងព្រឹត្តិការណ៍ oppo F7 នាពេលកន្លងមក ប៉ុន្តែក្រុមហ៊ុននៅមិនទាន់ទម្លាយនូវព័ត៌មានរបស់ស្មាតហ្វូននេះ ពេលនោះទេ។ ក្រុមហ៊ុន oppo ក៏បានបង្ហាញនូវម៉ូដែល Solar Red ដែលនៅមិនទាន់ដាក់លក់នៅឡើយទេ។ 

ស្មាតហ្វូន oppo F7 Diamond Black Special Edition ដាក់លក់នៅក្នុងតម្លៃ Rs. 26,990 (ប្រហែលជា $412) ហើយវានឹងដាក់លក់នៅក្នុងប្រទេសឥណ្ឌានៅថ្ងៃទី 21 ខែមេសានេះ តាមរយៈក្រុមហ៊ុន Flipkart, Amazon India និង Paytm Mall រួមទាំងហាងផ្លូវការជាច្រើនទៀតរបស់ក្រុមហ៊ុននៅទូទាំងប្រទេសឥណ្ឌាផងដែរ។ សម្រាប់ម៉ូដែលធម្មតាគឺមានតម្លៃ Rs. 21,990 (ប្រហែលជា $336)។ ស្មាតហ្វូន oppo F7 Diamond Black Special Edition មានការរចនានូវត្បូងនៅផ្នែកខាងក្រោយរបស់វាដែលប្លែកពីម៉ូដែលស្តង់ដារនោះ។ ស្មាតហ្វូននេះ មានអេក្រង់ទំហំ 6.2-inch Full-HD+ Full Screen 2.0 display ជាមួយនឹងកម្រិតភាពច្បាស់ 2280x1080 ភិចសែល និង 19:9 aspect ratio ដែលជាស្មាតហ្វូនដំបូងបំផុតរបស់ក្រុមហ៊ុន Oppo ដែលភ្ជាប់ជាមួយនឹង Notch។

ស្មាតហ្វូននេះ មានបន្ទះឈីប MediaTek Helio P60 64-bit octa-core processor ដែលមានល្បឿន 2GHz រ៉េមទំហំ 6GB និងម៉េមូរីក្នុងម៉ាស៊ីនទំហំ 128GB ។ ស្មាតហ្វូន oppo F7 ធម្មតាមានរ៉េមទំហំ 4GB និងម៉េមូរីទំហំ 64GB។ ស្មាតហ្វូននេះ មានកាមេរ៉ាខាងក្រោយតែមួយទំហំ 16-megapixel ជាមួយនឹង f/1.8 aperture និងមុខងារពិសេសៗ ជាច្រើនទៀតរបស់ AI។ នៅផ្នែកខាងមុខរបស់ស្មាតហ្វូននេះ មានប្រើប្រាស់នូវកាមេរ៉ាទំហំ 25MP ជាមួយនឹងមុខងារ f/2.0 aperture និង real-time HDR, AI beatification និង portrait mode ផងដែរ។

ស្មាតហ្វូននេះ បំពាក់នូវប្រព័ន្ធស្កេនក្រយ៉ៅដៃនៅផ្នែកខាងក្រោយ និងមុខងារស្កេនមុខសម្រាប់ប្រព័ន្ធសុវត្ថិភាពរបស់វាផងដែរ។ ស្មាតហ្វូនេះ ក៏មានភ្ជាប់ជាមួយនូវ 4G VoLTE, Bluetooth 4.2, microUSB port និង 3.5mm headphone jack ។ ស្មាតហ្វូននេះ ដំណើរការប្រព័ន្ធប្រតិបត្តិការ Android 8.1 Oreo operating system នៅលើ ColorOS 5.0 ហើយនឹងមានថាមពលថ្ម 3,400mAh ផងដែរ៕

no-alternative title
ព័ត៌មានពាណិជ្ជកម្ម