ក្រុមហ៊ុនបច្ចេកវិទ្យាយក្ស Samsung ទើបតែបញ្ចេញនូវវីដេអូផ្សព្វផ្សាយពាណិជ្ជកម្មថ្មីសម្រាប់ស្មាតហ្វូន Galaxy S9 និង Galaxy S9+ ។ នៅក្នុងRemix Your Everyday វីដេអូផ្សព្វផ្សាយពាណិជ្ជកម្មនេះបង្ហាញអំពីការប្រើប្រាស់ទៅលើមុខងារ 960fps Super Slow-mo ដែលបំពាក់នៅលើស្មាតហ្វូនស៊េរីថ្មីឆ្នាំ 2018 របស់ក្រុមហ៊ុន Samsung នេះ។ នៅលើអេក្រង់របស់ស្មាតហ្វូននេះបង្ហាញអំពីការបន្ថែមនូវតន្រ្តីទៅលើវីដេអូ sloooooooow motion នេះ។ នៅក្នុងជម្រើសនេះអ្នកអាចប្រើប្រាស់នូវ Super Slow-mo នៅក្នុងជម្រើសដូចជា swing, reverse និង loop ។
នៅដើមខែនេះ ក្រុមហ៊ុន Samsung ក៏ពន្យល់អំពីរបៀបនៃការដំណើរការនៃមុខងារ 240fps slow motion នៅលើស្មាតហ្វូន Galaxy S8 និង Galaxy S8+ និងការប្រើប្រាស់វិវត្តន៍ទៅជា 960fps នៅលើម៉ូដែលថ្មីៗនេះ។ សម្រាប់ការប្រើប្រាស់នូវមុខងារថ្មីនេះគឺលឿនជាងមុនដល់ទៅ 4 ដង បើធៀបជាមួយនឹងស្មាតហ្វូននៅក្នុងឆ្នាំ 2017 ហើយនៅក្នុងបន្ទះឈីប DRAM chip ក៏មានការផ្លាស់ប្តូរថ្មីផងដែរដែលក្រុមហ៊ុន Samsung បង្កើតនូវ camera module ដើម្បីអាចប្រើប្រាស់ជាមួយនឹងមុខងារ Super Slow-mo នេះ៕