សព្វថ្ងៃនេះ ទីផ្សារសម្រាប់រថយន្តស៊េរីថ្មីធុនតូចថ្នាក់ប្រណិត កំពុងតែមានការប្រកួតប្រជែងខ្លាំងក្លានៅលើទីផ្សារ ជាពិសេសគេសង្កេតឃើញមានម៉ូដែលដូចជា Audi Q3, BMW X1 និង X2, Mercedes-Benz GLA, Acura CDX និង Infiniti QX30 ជាដើម ដែលរថយន្តទាំងអស់នេះ បានចូលមកប្រកួតប្រជែងនៅក្នុងទីផ្សារធុនតូចនោះ ប៉ុន្តែថ្មីៗនេះ ក្រុមហ៊ុន Lexus ក៏បានចូលរួមជាមួយនឹងការប្រកួតប្រជែងទីផ្សារនេះផងដែរ ដោយសារតែថ្មីៗនេះ ក្រុមហ៊ុនទើបតែសម្ពោធ ស៊េរីថ្មីនៅក្នុង Geneva។
រថយន្តម៉ូដែលថ្មីនេះ មានឈ្មោះថា UX ដែលជាម៉ូដែលថ្មីរបស់ក្រុមហ៊ុន Lexus។ សម្រាប់ម៉ូដែល UX នេះគឺជាប្រភេទដំបូងបំផុតរបបស់ក្រុមហ៊ុន Lexus ដែលប្រើប្រាស់នូវ Global Architecture – Compact (GA-C) platform ស៊េរីថ្មីដែលប្រើប្រាស់នៅលើរថយន្តជាច្រើនស៊េរីម៉ូដែលរបស់ក្រុមហ៊ុន Toyota ដូចជា Prius, C-HR, Auris, Corollla និង Avensis។
សម្រាប់ការរចនាស្ទាយ៍ទៅលើរថយន្តស៊េរីថ្មីរបស់ក្រុមហ៊ុន Lexus នេះវិញ គឺពិតជាទាក់ទាញបំផុតចេញពីប្រទេសជប៉ុន។ សម្រាប់រថយន្តតូចនេះ មានបណ្តោយ 177 inches (4,495 mm) និងប្រវែងតួខ្លួន 103.9-inch (2,640-mm) ។ នៅក្នុងរថយន្តនេះ ក៏ប្រើប្រាស់នូវប្រព័ន្ធ MacPherson សម្រាប់ផ្នែកខាងមុខនៃរថយន្ត និង double wishbone នៅផ្នែកខាងក្រោយផងដែរ។ សម្រាប់លក្ខណៈសម្បត្តិទាំងស្រុងរបស់រថយន្តនេះ នៅមិនទាន់ទម្លាយអោយដឹងនៅឡើយទេ។
ជាមួយនឹងម៉ូដែល UX ដែលជាម៉ាកយីហោដ៏ប្រណិតរបស់ក្រុមហ៊ុន Toyota គឺមានពីរជម្រើស។ សម្រាប់ម៉ូដែល UX 200 គឺមានភ្ជាប់ជាមួយនឹងម៉ាស៊ីន 2.0-liter inline four ដែលមានកម្លាំង 168 សេះ ហើយនិងមានប្រើប្រាស់នូវប្រព័ន្ធ continuously variable transmission (CVT) ផងដែរ។ ចំពោះរថយន្ត UX 250h វិញប្រើប្រាស់នូវម៉ាស៊ីន Hybrid ដែលមានកម្លាំង 176 hp។
ម៉ូដែលនេះ ក៏មានប្រភេទ F Sport package សម្រាប់រថយន្តទាំងពីរនេះផងដែរ ខស្របពេលដែលប្រព័ន្ធ Adaptive Variable Suspension និង Active Sound Control system ក៏នឹងដាក់ឱ្យប្រើប្រាស់ផងដែរ។ ក្រុមហ៊ុន Lexus នឹងចាប់ផ្តើមការផលិតទៅលើរថយន្ត UX ស៊េរីថ្មីនេះនៅរដូវក្តៅខាងមុខនេះ ហើយតម្លៃរបស់វាក៏នឹងប្រកាសបង្ហាញនៅពេលខាងមុខផងដែរ៕
សូមតាមដានព័តមានរថយន្តថ្មីៗតាមរយៈ link ខាងក្រោមនេះ៖
https://www.eworldmagz.com/lifestyle.html