ជាច្រើនឆ្នាំមកហើយ យើងធ្លាប់លឺព័ត៌មានរបស់ស្មាតហ្វូនដែលអាចបត់បានរបស់ Samsung ប៉ុន្តែរឿងនេះ នៅមិនទាន់កើតឡើងនៅឡើយទេសម្រាប់ស្មាតហ្វូនដែលអាចបត់បាននោះ ស្របពេលដែលក្រុមមហ៊ុន Huawei នឹងបញ្ចេញនូវស្មាតហ្វូនដំបូងបំផុត ដែលមានអេក្រង់បត់បានចូលទៅក្នុងទីផ្សារ។ ក្រុមហ៊ុន Samsung ទំនងជាបញ្ចេញស្មាតហ្វូននេះ នៅឆ្នាំក្រោយដែលមានឈ្មោះហៅថា Galaxy X ឬ Wing ឬឈ្មោះផ្សេងទៀត ហើយស្មាតហ្វូន ត្រូវបានគេដឹងថា នឹងបង្ហាញខ្លួននៅក្នុងខែមិថុនា នេះបើតាមប្រព័ន្ធផ្សព្វផ្សាយរបស់ប្រទេសកូរ៉េ។
ប្រភពខាងលើនេះ បានបញ្ជាក់ថា ក្រុមហ៊ុន Samsung ធ្លាប់បានបង្ហាញនូវគំរូជាច្រើនរបស់ស្មាតហ្វូននេះ នៅក្នុងកិច្ចប្រជុំសម្ងាត់មួយនៅក្នុងព្រឹត្តិការណ៍ CES expo នៅដើមឆ្នាំនេះ ហើយក៏មានការចាប់អារម្មណ៍ពីវិនិយោគិនជាច្រើន និងអ្នកតំណាងចែកចាយជាច្រើនផងដែរ។ គំរូរបស់ស្មាតហ្វូន Galaxy X គឺមិនមានទំហំធំជាងស្មាតហ្វូន Galaxy Note 8 នោះទេ ដែលមានន័យថា ក្រុមហ៊ុន Samsung អាចនឹងបោះបង់គំនិតនៃការរចនា phone-to-tablet ផងដែរ។ នៅមិនទាន់ច្បាស់នោះទេ ដែលការរចនានេះ គឺជាការឌីស្សាញចុងក្រោយបំផុតនៅក្នុងរដូវក្តៅនេះនោះ ប៉ុន្តែក្រុមហ៊ុនផលិតស្មាតហ្វូនជាច្រើនក៏ចាប់ផ្តើមនូវការបញ្ជាទិញរួចហើយ។
ក្រុមហ៊ុន Samsung ត្រូវបានគេរាយការណ៍ថា នឹងធ្វើការផលិតនូវស្មាតហ្វូននេះចន្លោះពី 0.5-2 លានគ្រឿង ប៉ុន្តែស្មាតហ្វូន Galaxy X នឹងដាក់លក់នៅឆ្នាំក្រោយនេះ។ ប្រភពនៅខាងក្នុងឧស្សាហកម្មនេះ បានបញ្ជាក់ថា “នៅក្នុងពេលនៃការផ្លាស់ប្តូរទៅលើស្មាតហ្វូននេះ គឺមានរយៈពេលយូរ ក្រុមហ៊ុន Samsung Electronics មិនអាចធ្វើការពន្យារពេលកាន់តែយូរថែមទៀតនោះទេ នៅក្នុងការបញ្ចេញនូវការរចនាភាពច្នៃប្រឌិតរបស់ខ្លួនដូចជាស្មាតហ្វូនដែលមានអេក្រង់បត់បាននោះ។” សម្រាប់តម្លៃរបស់ស្មាតហ្វូននេះ នៅមិនទាន់ដឹងនៅឡើយទេ៕