no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Meizu ត្រៀមប្រកាសចេញស្មាតហ្វូនស៊េរីថ្មីខ្លួនក្នុងត្រកូល Meizu 15 នៅថ្ងៃទី 22 ខែមេសានេះ

ក្រុមហ៊ុន Meizu នឹងដាក់បង្ហាញចេញទូរស័ព្ទស៊េរីថ្មីរបស់ស្រឡាយ Meizu 15 lineup របស់ខ្លួននៅថ្ងៃទី 22 ខែមេសានេះ។ គ្មានអ្វីត្រូវលាក់បាំងនោះទេសម្រាប់ក្រុមហ៊ុនស្មាតហ្វូនរបស់ចិនមួយនេះដែលមានគម្រោងក្នុងការប្រកាសចេញទូរស័ព្ទស្មាតហ្វូនស៊េរីថ្មីរបស់ខ្លួនព្រោះថា ចំថ្ងៃគំរប់ខូប 15 ឆ្នាំរបស់ក្រុមហ៊ុនផ្ទាល់។ ទោះបីជាយ៉ាងណាក៏ដោយ Meizu នៅតែរក្សាភាពស្ងប់ស្ងាត់នៅមុនពេលដែលឧបករណ៍នេះត្រូវបានបង្ហាញចេញ។ 

យោងតាមការបែកធ្លាយចេញនូវផ្ទាំងរូបភាព Poster ថ្មីបង្ហាញថាក្រុមហ៊ុននឹងធ្វើការប្រកាសចេញស្មាតហ្វូនជំនាន់ថ្មីនេះជាផ្លូវការក្នុងរយៈពេលជិតពីរសប្តាហ៍ទៀតនេះ។  នៅលើផ្ទាំងរូបភាព Poster បានបង្ហាញទៀតថាក្រុមហ៊ុន Meizu ត្រៀមប្រារព្ធព្រឹត្តិការណ៍មួយនៅក្នុងប្រទេសចិនដើម្បីប្រកាសចេញទូរស័ព្ទស្មាតហ្វូនស៊េរីថ្មីរបស់ខ្លួនដែលមានម៉ូដែលដូចជា Meizu 15, Meizu 15 Lite និង Meizu 15 Plus។ បើតាមព័ត៌មានដែលបានបែកធ្លាយបាននិយាយថា ទូរស័ព្ទស្មាតហ្វូនស្រឡាយថ្មីរបស់ Meizu នឹងនៅតែបន្តប្រើប្រាស់កញ្ចក់អេក្រង់កម្រិតវិមាត្រ 16:9 aspect ratio, មានទ្រនាប់ស្កែនក្រយ៉ៅម្រាមដៃ និងទ្រទ្រង់ប្រព័ន្ធសេវា 4G ដដែល។ 

ស្មាតហ្វូននេះ មានម៉ូដែលបំពាក់រ៉េមទំហំ 3GB ជាមួយអង្គផ្ទុកទិន្នន័យ 32GB និងរ៉េមទំហំ 6GB ជាមួយអង្គផ្ទុកទិន្នន័យ 128GB ព្រមទាំងដំឡើងមកជាមួយនូវប្រព័ន្ធប្រតិបត្តិការ Android 8.0 Oreo ចេញពីប្រអប់តែម្តង។ ស្មាតហ្វូនទាំងអស់នេះនឹងត្រូវប្រកាសចេញលក់នៅមួយសប្តាហ៍បន្ទាប់ពីថ្ងៃប្រកាសចេញគឺនៅថ្ងៃទី 29 ហើយការដឹកជញ្ជូនក៏ចាប់ផ្តើមផងដែរសម្រាប់ទីផ្សារប្រទេសចិន។ 

តាមសេចក្តីរាយការណ៍បានអោយដឹងថា Meizu នឹងពាំនាំស្មាតហ្វូនស៊េរីថ្មីរបស់ខ្លួនទាំងនេះទៅកាន់ទីផ្សារមួយចំនួននៅទូទាំងពិភពលោកដោយក្នុងនោះទីផ្សារប្រទេសឥណ្ឌានឹងចាប់ផ្តើមដំបូងគេ ប៉ុន្តែគេមិនទាន់ដឹងទេថាស្មាតហ្វូននេះអាចនឹងបង្ហាញខ្លួនក្នុងទីផ្សារលើទឹកដីសហរដ្ឋអាមេរិកដែរអត់។ ចំពោះតម្លៃ និងលក្ខណះសម្បត្តិផ្សេងៗទៀតរបស់ពួកវានៅមិនទាន់មានប្រភពច្បាស់ការណាមួយបង្ហើបអោយដឹងនៅឡើយទេដូច្នេះមានតែរងចាំដល់ថ្ងៃ Meizu ប្រកាសចេញជាផ្លូវការណ៍តែប៉ុណ្ណោះ៕

no-alternative title
ព័ត៌មានពាណិជ្ជកម្ម