បន្ទាប់ពីការរំលងចោលនូវទូរស័ព្ទ 'iPhone 7s' និងប្រកាសបង្ហាញនូវ iPhone 8 ជាមួយនឹង iPhone X កាលពីឆ្នាំមុននេះ ក្រុមហ៊ុនបច្ចេកវិទ្យា Apple ប្រហែលជាធ្វើឱ្យម៉ាកយីហោ iPhone កាន់តែសាមញ្ញនៅក្នុងឆ្នាំ 2018 នេះតទៅ។ នេះបើតាមការបញ្ជាក់របស់លោក Robert Cihra ដែលផ្តល់អោយ AppleInsider ។
ការផ្លាស់ប្តូរនេះមិនមែនជារឿងអ្វីដែលថ្មីសម្រាប់ក្រុមហ៊ុន Apple នោះទេព្រោះ iPad ក៏មានការប្រើប្រាស់នូវម៉ាកយីហោស្រដៀងគ្នាផងដែរ។
អ្នកវិភាគ Guggenheim បញ្ជាក់ថា យើងគិតថាក្រុមហ៊ុនបច្ចេកវិទ្យា Apple ប្រហែលជាប្រើប្រាស់នូវជំហាននេះក្នុងការផ្លាស់ប្តូរនូវម៉ាកយីហោ iPhone នេះ។ តាមការបញ្ជាក់របស់ Cihra ទូរស័ព្ទ iPhone ដែលមានអេក្រង់ LCD នេះនឹងមានឈ្មោះហៅថា iPhone ខណៈពេលដែលម៉ូដែលថ្នាក់ប្រណិតមានឈ្មោះ X នៅខាងចុងផងដែរ។
នៅក្នុងកំណត់ត្រានេះទម្លាយថា ក្រុមអ្នកវិភាគជាច្រើនជឿជាក់ថាប្រភេទម៉ូដែល Plus គឺជាថ្នាក់ប្រណិតដែលមានទំហំធំជាង iPhone X នាពេលបច្ចុប្បន្ននេះ។ ក្រុមហ៊ុនបច្ចេកវិទ្យា Apple ត្រូវគេដឹងថាកំពុងតែធ្វើការនៅលើ iPhone ចំនួន 3 ម៉ូដែលសម្រាប់ឆ្នាំ 2018 នេះដែលមានម៉ូដែល LCD 6.1 អ៊ីញ និងអេក្រង់ OLED ដែលមានទំហំ 5.8 អ៊ីញ និង 6.5 អ៊ីញ៕