ក្រុមហ៊ុនផលិតរថយន្ត Mercedes ទើបតែធ្វើការប្រកាសបង្ហាញនូវរថយន្តស៊េរីថ្មីរបស់ខ្លួនដ៏ស្រស់ស្អាតស៊េរីថ្មីឆ្នាំ 2019 A-Class Hatchback ហើយវាជាប្រភេទរថយន្ត Sedan ដ៏អស្ចារ្យដែលមិនមែនគ្រាន់តែមានទ្វារ 4 ធម្មតានោះទេ។ រថយន្តនេះប្រកាសបង្ហាញនៅក្នុងព្រឹត្តិការណ៍ Auto China នៅក្នុងទីក្រុងប៉េកាំងនៅសប្តាហ៍នេះ ហើយរថយន្ត A-Class L Sedan មានការបន្ថែមនូវទំហំ Wheelbase ដល់ទៅ 2.4 អ៊ីញបន្ថែមទៀតដែលធ្វើឱ្យកន្លែងនៅខាងក្រោយកាន់តែមានទំហំធំ។
ក្រុមហ៊ុនផលិតរថយន្តនេះបញ្ជាក់ថា រថយន្តនេះមិនត្រឹមតែមាន Wheelbase ធំវែងនោះទេ ប៉ុន្តែវាជាប្រភេទរថយន្តតូចថ្នាក់ប្រណិតថែមទៀត។ រថយន្តនេះមានការរចនាជាមួយនឹងភាពទាក់ទាញមិនត្រឹមតែផ្នែកខាងមុខ និងផ្នែកខាងក្នុងរបស់វានោះទេ។
រថយន្ត Sedan និង Sport Sedan គឺមានកង់ដែលទំហំ 19 អ៊ីញ ហើយក្រុមហ៊ុន Mercedes បញ្ជាក់នេះគឺប្រើប្រាស់សម្រាប់រក្សាជំហររបស់រយន្តនោះ។ ទន្ទឹមគ្នានេះផងដែរ ការរចនារូបរាងរបស់រថយន្តនេះគឺមានគម្លាតយ៉ាងល្អពីទ្វារមួយទៅទ្វារមួយទៀត។ សម្រាប់ភ្លើង Ambient lighting អាចផ្លាស់ប្តូរភ្លើង LED បានចំនួន 64 ពណ៌ថែមទៀត។
បទពិសោធន៍នៃការប្រើប្រាស់នូវបច្ចេកវិទ្យា MBUX multimedia របស់រថយន្ត Mercedes ក៏ដាក់អោយដំណើរការនៅក្នុងរថយន្តនេះដែលអាចប្រើបានជាមួយនឹង Users ជាច្រើនក្នុងការភ្ជាប់ទៅកាន់ស្មាតហ្វូននៅក្នុងពេលដំណាលគ្នាផងដែរ។ វាក៏មានការទ្រទ្រង់នូវបច្ចេកវិទ្យា voice control នៅលើរថយន្ត A-Class L Sedan ដែលមិនត្រឹមតែស្គាល់ភាសាដែលអ្នកនិយាយនោះទេ ហើយវាក៏អាចស្តាប់បញ្ជា និងការណែនាំជាច្រើនទៀតផងដែរ។ វាក៏មានការប្រើប្រាស់ជាមួយនឹងបច្ចេកវិទ្យា AR Navigation ផងដែរ។
បើនិយាយអំពីលក្ខណៈសម្បត្តិរបស់រថយន្តនេះវិញ វាមានពីរកម្រិតនៃម៉ាស៊ីនរបស់វានោះ។ វាមានម៉ាស៊ីន 4 ស៊ីឡាំង 1.33 លីត្រជាមួយនឹងកម្លាំង 134 សេះ ឬ 161 សេះ ខណៈពេលដែលវាប្រើប្រាស់នូវ 7G-DCT dual clutch transmission ថែមទៀត។ ក្រុមហ៊ុន Mercedes នឹងបន្ថែមនូវម៉ាស៊ីនស៊ីឡាំង 4 2.9 លីត្រជាមួយនឹងកម្លាំងម៉ាស៊ីន 188 សេះផងដែរ។
បន្ទាប់ពីបច្ចេកវិទ្យានេះ រថយន្ត A-Class L Sedan ក៏ប្រើប្រាស់នូវមុខងារ active driver assistance និង Active Distance Assist DISTRONIC, ប្រព័ន្ធ Mercedes’ adaptive cruise control system ដែលធ្វើការកែប្រែទៅលើល្បឿនផ្អែកទៅលើស្ថានភាពកោង និងផ្លូវប្រសព្វផងដែរ។ វាក៏មានភ្ជាប់បច្ចេកវិទ្យា Active Lane Change Assist ផងដែរ។
រថយន្ត A-Class L Sedan នឹងធ្វើការផលិតសម្រាប់ដាក់លក់នៅក្នុងប្រទេសចិនប៉ុណ្ណោះ ហើយវាជាទីកន្លែងសម្រាប់លក់រថយន្តថ្នាក់ប្រណិតនោះ។ ទោះជាយ៉ាងណាក៏ដោយ រថយន្តនេះនឹងដាក់លក់នៅក្នុងឆមាសទី 2 នៅឆ្នាំ 2018 ៕