ក្រុមហ៊ុនបច្ចេកវិទ្យា Apple ត្រូវគេរាយការណ៍ថាផ្តល់អោយក្រុមហ៊ុន TSMC នូវកិច្ចសន្យាសម្រាប់ការផលិតទៅលើបបន្ទះឈីបរបស់ស្មាតហ្វូន iPhone 9, Xs និង Xs Plus chipset ដែលត្រូវគេហៅឈ្មោះថា A12 នោះ។ នៅឆ្នាំនេះ បន្ទះឈីប A12 ប្រហែលជាបន្ទះឈីប 7nm processor ដំបូងបំផុតដែលប្រើប្រាស់នៅលើស្មាតហ្វូនធម្មតា ខណៈពេលដែលបន្ទះឈីប Snapdragon 855 នឹងដាក់ប្រើប្រាស់នៅលើស្មាតហ្វូន Galaxy S10 នោះ។
ការផលិតទៅលើបន្ទះឈីប 7nm គឺជាអ្វីដែលក្រុមហ៊ុន TSMC ចាប់ផ្តើមតាំងពីឆ្នាំមុនម្ល៉េះ ហើយវាក៏ជាឱកាសដ៏ធំធេងដែល 2018 iPhone យកឈ្នះទៅលើស្មាតហ្វូន Galaxy Note 9 នៅពេលដែលវាប្រើប្រាស់ជាមួយនឹងបន្ទះឈីបនេះនោះ ប៉ុន្តែហ្វាប់ប្លេតរបស់ក្រុមហ៊ុន Samsung ក៏អាចនឹងប្រើប្រាស់នូវបន្ទះឈីប 8nm processor ផងដែរ។ សម្រាប់ដំណើរការរបស់ 7nm គឺបង្កើតឡើងនៅក្នុងភាពមិនស្មើគ្នា ហើយបច្ចេកវិទ្យា ultra-violet lithography (EUV) របស់ក្រុមហ៊ុន Samsung គឺមានកម្រិតខ្ពស់ជងការប្រើប្រាស់ Optical របស់ TSMC ដែលមានសមត្ថភាពនៅក្នុងចំនួននៃការកំណត់នោះ។ សម្រាប់ការផលិតទ្រង់ទ្រាយធំនឹងចាប់ផ្តើនៅឆ្នាំក្រោយនេះ។
នោះមានន័យថា Apple អាចនឹងវិលទៅពឹងផ្អែកក្រុមហ៊ុន Samsung ក្នុងការផលិតនូវបន្ទះឈីប A13 ផដែរ។ ជាក់ស្តែង TSMC នឹងបំបែកកំណត់ត្រាទៅលើប្រាក់ចំណេញនៅក្នុងឆ្នាំ 2018 នេះជាមួយនឹងការកម្មង់បញ្ជាទិញនូវបន្ទះឈីប 7nm របស់ក្រុមហ៊ុន Apple នោះ។ ក្រុមអ្នកវិភាគរំពឹងថា ការធ្លាក់ចុះនៃ iPhones ពីការរំពឹងទុក 100 លានគ្រឿងនោះកឺជាហេតុផលពិបាកសម្រាប់ក្រុមហ៊ុន TSMC ក្នុងការបំបែកនូវកំណត់ត្រាប្រាក់ចំណេញរបស់ខ្លួនផងដែរ។ ការផលិតទៅលើបន្ទះឈីប 7nm គឺជារឿងសំខាន់ ហើយការផលិតនេះនឹងរីកចម្រើនខ្លាំងនៅក្នុងប៉ុន្មានឆ្នាំខាងមុខនេះផងដែរ៕
