យើងប្រហែលជាមានរយៈពេលមួយខែទៀតមុនពេលការប្រកាសបង្ហាញជាផ្លូវការរបស់ស្មាតហ្វូនជំនាន់ថ្មីម៉ូដែល OnePlus 6 ។ សម្រាប់ស្មាតហ្វូន Version ធម្មតា ក្រុមហ៊ុនបច្ចេកវិទ្យា OnePlus ក៏ប្រកាសបង្ហាញនូវស្មាតហ្វូន Avengers-themed ដែលដាក់លក់នៅក្នុងចំនួនកំណត់តែប៉ុណ្ណោះ។
ក្រុមហ៊ុនស្មាតហ្វូនរបស់ចិននេះទើបតែប្រកាសបង្ហាញកាលពីសប្តាហ៍មុននេះថា ខ្លួនសហការជាមួយនឹងក្រុមហ៊ុន Marvel សម្រាប់ការផលិតនូវម៉ូដែលពិសេស OnePlus 6 ដែលប្រើប្រាស់នូវ Avengers: Infinity War នោះ។ យើងរាយការណ៍ថា ស្មាតហ្វូននេះនឹងប្រើប្រាស់នូវបន្ទះឈីប Snapdragon 845 processor រ៉េមផ្ទុកទិន្នន័យទំហំ 6GB/64GB ឬ 8GB/128GB ។
ពេលនេះ យើងក៏ដឹងអំពីតម្លៃបស់ស្មាតហ្វូន Avengers-themed OnePlus 6 ផងដែរ។ សារព័ត៌មានរបស់ចិនរាយការណ៍ថា ស្មាតហ្វូន OnePlus 6 នឹងដាក់លក់នៅក្នុងតម្លៃ 5,000 yuan ប្រហែលជា $800 ។ បើទោះបីជាខ្សែភាពយន្ត Avengers: Infinity War នឹងប្រកាសបង្ហាញនៅថ្ងៃទី 27 ខែមេសាខាងមុខនេះក៏ដោយ ស្មាតហ្វូន Avengers-themed OnePlus 6 ប្រហែលជាប្រកាសបង្ហាញរហូតដល់ថ្ងៃទី 18 ខែឧសភានេះ។
ស្មាតហ្វូន Avengers-themed OnePlus 6 នឹងប្រកាសបង្ហាញខ្លួននៅក្នុងប្រទេសឥណ្ឌា ចក្រភពអង់គ្លេស និងប្រហែលជានៅក្នុងសហរដ្ឋអាមេរិកផងដែរ ប៉ុន្តែយើងនៅមិនទាន់បញ្ជាក់អំពីព័ត៌មាននេះនៅឡើយទេ ដូចនេះប្រសិនបើអ្នករស់នៅក្នុងប្រទេសផ្សេងនោះ ហើយអ្នកចង់បានស្មាតហ្វូន limited edition នេះ អ្នកត្រូវរង់ចាំសិន៕