បើទោះបីជាមានការអះអាងជាច្រើនថា ក្រុមហ៊ុនដែលមានមូលដ្ឋាននៅជ្រលងភ្នំ Silicon កំពុងតែប្រឈមនឹងការលក់ធ្លាក់ចុះ ដោយសារតម្លៃរបស់ទូរស័ព្ទ iPhone X ថ្លៃខ្ពស់ពេកក៏ដោយក៏ដោយ ក៏អ្នកវិភាគ Gene Munster បានបញ្ចេញនូវការព្យាករណ៍ថា ម៉ាកសញ្ញានេះ នឹងនៅតែអាចទ្រទ្រង់បរិមាណលក់ខ្ពស់ក្នុងកំឡុងឆ្នាំនេះ និងឆ្នាំក្រោយ ជាមួយនឹងរបាយករណ៍របស់ខ្លួន ដែលមានខ្លឹមសារថា ក្រុមហ៊ុន Apple អាចនឹងលក់ទូរស័ព្ទ iPhone សរុបចំនួនប្រមាណ 440 លានគ្រឿង នៅឆ្នាំ 2018 និងឆ្នាំ 2019 ខាងមុខនេះ ។
នៅឆ្នាំនេះ អ្នកវិភាគកំពុងព្យាករណ៍ពីការលក់ទូរស័ព្ទ iPhone បានចំនួន 220 លានគ្រឿង នៅក្នុងឆ្នាំ 2018 និង 2019 ដែលស្របគ្នាជាមួយការប៉ាន់ប្រមាណរបស់លោក Wall Street ផងដែរ ។ ហេតុផលដែលនៅពីក្រោយបញ្ហានេះ គឺដំណាក់កាលថ្មីនៃ “greater iPhone visibility” ដែលគួរតែពង្រឹងការលក់នាពេលអនាគត បើទោះបីជាតម្លៃខ្ពស់ ហើយចុងក្រោយ នឹងនាំមកនូវមូលដ្ឋានអ្នកប្រើប្រាស់ទូរស័ព្ទ iPhone របស់ Apple អាចកើនដល់ 800 លាននាក់នៅទូទាំងពិភពលោក ដែលតំណាងឱ្យតួលេខដែលទំនងជានឹងត្រូវបានរក្សាទុកក្នុងរយៈពេលបន្ទាប់។ ប៉ុន្មានឆ្នាំកន្លងមកនេះ ក្រុមហ៊ុន អាមេរិក មួយនេះ បានបង្ហាញពីអត្រារក្សាទុកជាប្រវត្តិសាស្ត្រជាង 90% នៅពេលអ្នកប្រើប្រាស់ iPhone បានបង្ហាញថា ជាម៉ាកសញ្ញាដែលគ្មានបញ្ហាក្នុងការប្រើប្រាស់ ដែលអាចរក្សាអតិថិជនរបស់ខ្លួននិងធ្វើឱ្យសប្បាយរីករាយក្នុងការប្រើប្រាស់។
ទោះយ៉ាងណាក៏ដោយ ក្រៅពីឆ្នាំ 2019 លោក Gene Munster មិនបានរំពឹងថា ការលក់របស់ទូរស័ព្ទ iPhone ឬកំណើនប្រាក់ចំណូល មានការកើនឡើងខ្ពស់នោះទេ។ អ្នកវិភាគរូបនេះ ជឿជាក់ថា ការធ្វើឱ្យប្រសើរឡើងរបស់ទូរស័ព្ទ iPhone របស់ Apple កំពុងស្ថិតស្ថេរជាបន្តបន្ទាប់ ហើយប្រហែលជាឈានដល់កម្រិតខ្ពស់បំផុត បើទោះបីជាយីហោនៅតែអាចកើនឡើងពី 0% ទៅ 5% ក្នុងរយៈពេលប៉ុន្មានឆ្នាំខាងមុខនេះ។ ទោះជាយ៉ាងណាក៏ដោយ ដោយសារតែការចេញលក់ទូរស័ព្ទ iPhone នឹង មិនក្លាយជាចំណុចសំខាន់នៃរបាយការណ៍ប្រាក់ចំណូលរបស់ក្រុមហ៊ុន Apple នោះទេ។ ផ្ទុយទៅវិញ ប្រាក់ចំណូលដែលមានស្ថេរភាពរបស់ម៉ាកយីហោរបស់ក្រុមហ៊ុននេះ នឹងក្លាយជាចំណុចកណ្តាលនាពេលអនាគត ជាមួយនឹងការវិនិយោគរបស់ក្រុមហ៊ុន និងការរីកចម្រើននៅក្នុងវិស័យទីផ្សារដទៃ ជាពិសេសសេវាកម្មនៃម៉ាកសញ្ញាតែម្តង។
ទោះបីជាមានការព្យាករណ៍ទុកទាំងនេះ ក៏ដោយ ក៏ Apple ហាក់ដូចជាទទួលបានជោគជ័យចុងក្រោយបង្អស់ ក្នុងការបង្កើនការលក់ទូរស័ព្ទ iPhone របស់ខ្លួន និងប្រាក់ចំណូលមានការកើនឡើងយ៉ាងខ្លាំងក្នុងខែកញ្ញា។ យ៉ាងណាមិញ ម៉ាកយីហោដ៏ពេញនិយមនេះ ត្រូវបានគេ និយាយថា នឹងបង្ហាញចេញនូវទូរស័ព្ទចំនួនបួនម៉ូដែលថ្មី ដោយនឹងត្រូវបញ្ចូលទាំងការផ្តល់ជូនពិសេសជាមួយកញ្ចក់ OLED ចំនួនពីរម៉ូដែល ដែលបច្ចុប្បន្នត្រូវបានគេដាក់ឈ្មោះថា iPhone X (2018) និង iPhone X Plus (2018) ដែលជា ស្មាតហ្វូនតម្លៃទាប ដែលហៅថា iPhone (2018) និងកំណែប្រែថ្មីរបស់ iPhone SE ដែលត្រូវបានគេហៅថា iPhone SE ( 2018) ៕