កាលពីសប្តាហ៍មុននេះ ការិយាល័យម៉ាកសញ្ញាប៉ាតង់នៅក្នុងសហរដ្ឋអាមេរិក បានបញ្ចេញនូវទម្រង់នៃកម្មវិធីប៉ាតង់ពីរ ក្រុមហ៊ុនបច្ចេកវិទ្យា Redmond ដែលឯកសារទាំងពីរនេះ បានបង្ហាញអំពីព័ត៌មានលម្អិតនៃបច្ចេកវិទ្យាថ្មីសម្រាប់ប្រើប្រាស់នៅលើឧបករណ៍ដែលពាក់នៅដៃ ដែលក្រុមហ៊ុន Microsoft បានធ្វើការយ៉ាងសម្ងាត់។ អតិថិជនជាច្រើននៅមិនទាន់ដឹងព័ត៌មាននៃ Microsoft Band របស់ក្រុមហ៊ុន Microsoft នៅឡើយទេ។ សម្រាប់ប៉ាតង់ថ្មីចំនួន 2 នេះ អាសចទំនងជាកំណែ Version ថ្មី សម្រាប់ឧបករណ៍តាមដានសុខភាពនេះសម្រាប់ការងារនេះ។
សម្រាប់ប៉ាតង់ទីមួយ US 2018/0116547 គឺជាប្រភេទ ring-shaped skin sensor ដែលបង្កើតឡើងសម្រាប់ការទំនាក់ទំនងនៃប្រព័ន្ធអេឡិចត្រូនិកជាមួយនឹងស្បែករបស់មនុស្ស។ សម្រាប់ព័ត៌មានលម្អិតនៃប៉ាតង់នេះ បង្ហាញថា សេនស័រនេះ ប្រើប្រាស់សម្រាប់ការចាប់ទៅលើកម្រិតនៃការមួម៉ៅ ឬអត្តចរឹកនៃអ្នកពាក់នាឡិកាដៃនេះតាមរយៈការបង្កើតនូវសញ្ញាអេឡិចត្រូនិកនោះ។ ដោយសារតែការប្រើប្រាស់នូវ skin sensor នៅមិនទាន់គ្រប់គ្រាន់នៅពេលដែលអ្នកពាក់នាឡិកាដៃផ្លាស់ទីនៅលើកដៃនោះ ក្រុមហ៊ុន Microsoft កំពុងតែគិតផងដែរក្នុងការដាក់នូវស្រទាប់ skin sensors ចំនួនពីរនៅលើនាឡិកានេះ។
សម្រាប់ skin sensors នេះ នឹងធ្វើការ Update នៅលើបច្ចេកវិទ្យាដែលមានស្រាប់ដោយសារតែវាស្ថិតនៅកន្លែងដដែលដូចគ្នាទៅនឹងសេនស័រ ដែលស្ថិតនៅលើម៉ូដែលរបស់នាឡិកា Microsoft Band ជំនាន់មុននោះ។ សម្រាប់ប៉ាតង់ទីពីរ US 2018/0116600 ដោយផ្តោតទៅលើការវាស់ទៅលើសម្ពាធឈាមផងដែរ ដែលបច្ចេកវិទ្យា blood pressure-measuring technology ត្រូវបានក្រុមហ៊ុនផ្សេងៗទៀត ធ្លាប់ធ្វើការអភិវឌ្ឍរួចមកហើយ។ នៅក្នុងឯកសារនេះ បច្ចេកវិទ្យានេះ គឺមានប្រើប្រាស់នូវមុខងារ Machine Learning និងសេនស័រផ្សេងទៀត។
ក្រុមហ៊ុន Microsoft បានដឹងអំពីការកើនឡើងនៃជំងឺលើសឈាមនៅក្នុងចំនួននៃប្រជាជនជាច្រើននៅលើពិភពលោក ដូចនេះ ការធ្វើការនៅលើបច្ចេកវិទ្យានេះ អាចផ្តល់នូវការវាស់ទៅលើសម្ពាធឈាមបានត្រឹមត្រូវជាងការប្រើប្រាស់នូវការត្រួតពិនិត្យធម្មតានោះ។ សម្រាប់នាឡិកា Apple Watch smartwatch ក៏បំពាក់នូវមុខងារវាស់សម្ពាធឈាមផងដែរ ប៉ុន្តែវាប្រើប្រាស់ជាមួយនឹងភាគីទី 3 ។ សរុបមក ក្រុមហ៊ុន Microsoft អាចនឹងប្រើប្រាស់នូវបច្ចេកវិទ្យាកម្រិតខ្ពស់ដែលអនុញ្ញាតឱ្យឧបករណ៍តាមដានសុខភាពធ្វើការវាស់សម្ពាធឈាមដោយខ្លួនឯងបាន៕
