ក្រុមហ៊ុនផលិតរថយន្ត Isuzu ត្រូវបានគេមើលឃើញថា កំពុងតែមានដំណើរការយ៉ាងល្អនៅក្នុងទីផ្សារប្រទេសថៃ និងបណ្តាប្រទេសមួយចំនួនទៀតនៅក្នុងតំបន់ ដែលជោគជ័យខ្លាំងបំផុតទៅលើប្រភេទរថយន្តត្រកូល V-Cross ដែលបានផ្តោតជាពិសេសសម្រាប់ការធ្វើដំណើរទៅកាន់តំបន់ននា ដែលមានផ្លូវលំបាកៗនោះ។ នារយៈពេលប៉ុន្មានឆ្នាំចុងក្រោយនេះ ដើម្បីបន្ថែមនូវភាពជោគជ័យមួយកម្រិតទៀតនោះ ក្រុមហ៊ុន Isuzu បង្ហាញចេញនូវរថយន្តស៊េរីថ្មី ដែលមានជាប្រភេទ Sports ដែលត្រូវបានក្រុមហ៊ុនរថយន្តជប៉ុនមួយនេះ ហៅឈ្មោះថា D-Max X-Series ដោយពេលនេះ គឺកំពុងតែមានការពេញនិយមខ្លាំងមែនទែន នៅក្នុងបណ្តាប្រទេសជាច្រើននៅក្នុងតំបន់អាស៊ាន។
រថយន្ត X-Series ថ្មីនេះ មានការរចនារូបរាងយ៉ាងពិសេសនៅក្នុងផ្នែកខាងក្នុង និងផ្នែកខាងក្រៅរបស់រថយន្ត។ បើនិយាយអំពីផ្នែកខាងក្រៅរបស់រថយន្តស៊េរីថ្មីនេះ រថយន្ត X-Series បង្ហាញខ្លួនជាមួយនឹង 3 ពណ៌សម្រាប់ជ្រើសរើសគឺ Cosmic Black, Venetian Red និង Splash White ផងដែរ។ ក្រៅពីការបីទស្ទីកក័រយ៉ាងស្រស់នៅផ្នែកខាងមុខ និងនៅផ្នែកខាងក្រោយនៃរថយន្តនេះ គេក៏ឃើញមានការប្រើប្រាស់នូវម៉ាកសញ្ញា Isuzu ពណ៌ក្រហម នៅផ្នែកខាងមុខយ៉ាងទាក់ទាញបំផុតផងដែរ មើលទៅ គឺដូចជាប្រភេទរថយន្តស្ព័រទំនើបអញ្ចឹង។ ហើយរថយន្ត Isuzu D-Max X-Series ជំនាន់ថ្មីនេះ ត្រូវបានក្រុមហ៊ុនសម្រេចប្រើប្រាស់នូវកង់ប្រភេទ 18-inch។
បើនិយាយអំពីផ្នែកខាងក្នុងរបស់រថយន្តនេះវិញនោះ កៅអីរបស់រថយន្តនេះ គឺជាប្រភេទកៅអីស្បែកពណ៌ខ្មៅដ៏ទាក់ទាញបំផុតនៅពេលដែលអ្នកបានអង្គុយនៅក្នុងរថយន្តដ៏ទំនើបនេះ។ សម្រាប់រថយន្តខ្លះ គឺប្រើប្រាស់នូវពណ៌ piano black សម្រាប់កៅអីអង្គុយផងដែរ។ បើនិយាយអំពីផ្នែកម៉ាស៊ីនវិញនោះ រថយន្ត X-Series នេះ ប្រើប្រាស់នូវម៉ាស៊ីនម៉ាសូត 3.0-liter, four-cylinder turbocharged diesel engine ដែលមានកម្លាំងម៉ាស៊ីន 163bhp និងកម្លាំងរមួល 380Nm ដែលម៉ាស៊ីននេះ គឡប្រើប្រាស់នូវ 5-speed manual gearbox ឬ 5-speed automatic unit ផងដែរ៕