ក្រុមហ៊ុន Xiaomi និង Apple បាននឹងកំពុងតែគ្រប់គ្រងនៅលើទីផ្សារនៃនាឡិកាស្មាតវ៉ចសម្រាប់ត្រីមាសជាប់ៗគ្នា។ នៅក្នុងរបាយការណ៍នៃត្រីមាសទី 2 កាលពីឆ្នាំ 2017 បានបង្ហាញថា ក្រុមហ៊ុន Xiaomi ឈរនៅចំណាត់ថ្នាក់កំពូលនៅលើទីផ្សារ ស្របពេលដែលទម្លាក់ក្រុមហ៊ុនបច្ចេកវិទ្យា Apple ឈរនៅចំណាត់ថ្នាក់ទី 2។
ក្រុមហ៊ុនស្រាវជ្រាវ Canalys បានបញ្ជាក់នៅក្នុងរបាយការណ៍ស្រាវជ្រាវរបស់ខ្លួនអំពីទីផ្សាររបស់នាឡិកាស្មាតវ៉ចសម្រាប់ត្រីមាសទី 1 ឆ្នាំ 2018 នេះ។ នៅក្នុងរបាយការណ៍ខាងលើនេះ បានបង្ហាញថា ក្រុមហ៊ុន Apple បានគ្រប់គ្រងទីផ្សារជាមួយនឹងការនាំចេញ 3.8 លានគ្រឿង ស្របពេលដែលក្រុមហ៊ុន Xiaomi មានការនាំចេញនាឡិកាបានចំនួន 3.7 លានគ្រឿងនោះ។
តាមការបញ្ជាក់នៅក្នុងរបាយការណ៍នេះ ការនាំចេញរបស់ក្រុមហ៊ុន Apple គឺមានការកើនឡើងខ្លាំងដោយសារតែវត្តមានរបស់នាឡិកាឆ្លាតវៃ Watch Series 3 និងការបន្ថែមនូវ LTE នោះ។ សម្រាប់ការនាំចេញ 90% របស់ក្រុមហ៊ុន Xiaomi គឺដោយសារតែ Mi Band ពិសេសគឺនាឡិកា Mi Band 2 ។ សម្រាប់ក្រុមហ៊ុនផ្សេងទៀតដែលជាប់ចំណាត់ថ្នាក់ដែរគឺមាន Fitbit, Garmin និង Huawei ។ សម្រាប់ទីផ្សារនាឡិកាស្មាតវ៉ចនេះមានការកើនឡើង 35% នៅពេលដែលធ្វើការប្រៀបធៀបជាមួយនឹងត្រីមាសទី 1 កាលពីឆ្នាំមុននេះ។ សម្រាប់នាឡិកាសរុបគឺមានការនាំចេញដល់ទៅ 20.5 លានគ្រឿងសម្រាប់ក្រុមហ៊ុនចែកចាយទាំងអស់។
បើទោះបីជានាឡិកាមានការពេញនិយមក៏ដោយ ការនាំចេញរបស់ក្រុមហ៊ុន Xiaomi និង Apple គឺមានការប្រកៀកគ្នាក្តី 80% នៃស្មាតវ៉ច គឺជាប្រាក់ចំណូលរបស់ក្រុមហ៊ុន។ ក៏ប៉ុន្តែប្រាក់ចំណូលដែលទទួលបានរបស់ក្រុមហ៊ុននេះ គឺមិនក្បែរគ្នានោះទេ។ ក្រុមហ៊ុន Apple នាំមុខទីផ្សារស្មាតវ៉ច ខណៈពេលដែលក្រុមហ៊ុន Garmin ឈរនៅចំណាត់ថ្នាក់លេខ 2 ជាមួយនឹងការនាំចេញ 1 លានគ្រឿង។ យ៉ាងណាមិញ ក្រុមហ៊ុន Canalys មិនធ្វើការទម្លាយនូវប្រាក់ចំនេញរបស់ក្រុមហ៊ុននីមួយៗនោះទេ៕