ថ្មីៗនេះក្រុមហ៊ុន Ford ប្រចាំប្រទេសអូស្តា្រលី បានដាក់បង្ហាញចេញនូវរថយន្ត Ford Ranger ស៊េរីថ្មីម៉ាក Ford Everest 2019 ដែលប្រភេទរថយន្ត Off-Road SUV ដែលមានការកែប្រែបង្កើនគុណភាព ប្រសិទ្ធិភាព សមត្ថភាពកាន់តែប្រសើរទ្វេរដង និងបំពាក់នូវប្រព័ន្ធបច្ចេកវិទ្យាទំនើបៗ ជាច្រើន ដោយរួមបញ្ចូលទាំងប្រព័ន្ធហ្រ្វាំង បង្ការគ្រោះឧបសគ្គដោយស្វ័យប្រវត្តិប្រភេទ AEB (Autonomous Emergency Braking) ដែលធ្វើអោយការបើកបរកាន់តែមានសុវត្ថិភាពខ្ពស់បំផុត។
ការដឹកនាំខាងផ្នែករចនាដោយក្រុមវិស្វ័កររបស់ក្រុមហ៊ុន Ford ប្រចាំប្រទេសអូស្រា្តលី ដែលមានជំនាញ និងសមត្ថភាពខ្ពស់បំផុតបានធ្វើអោយរថយន្ត Off-Road SUV ស៊េរីថ្មីមួយនេះ មានលក្ខណះកាន់តែប្រសើរ ដោយរថយន្តនេះ ត្រូវបានឆ្លងកាត់ការធ្វើតេស្ត៍លើគុណភាព សមត្ថភាព សុវត្ថិភាពជាច្រើនដំណាក់កាលនៅក្នុងតំបន់ You Yangs Provings Ground របស់ Ford ផ្ទាល់នៅក្នុងទីក្រុង Victoria។
នៅលើផ្ទាំងផ្សព្វផ្សាយទំហំ 4x4 នៃរថយន្ត Ford Everest 2019 វាបានទាក់ទាញការចាប់អារម្មណ៍ខ្លាំងទៅលើសមត្ថភាពក្នុងការបើកបរជាមួយប្រព័ន្ធទប់លំនឹងរថយន្ត Terrain Management System, tuned suspension, សំបកកង់ និងយ៉ាន់ ដែលត្រូវបានរចនាឡើងយ៉ាងពិសេសស័ក្តិបំផុតជាមួយទំហំរថយន្ត និងទំងន់ 3,100 គីឡូក្រាមរបស់រថយន្តនេះ។ រថយន្ត Ford Everest កាន់តែមានវិសាលភាពទូលំទូលាយនៅក្នុងទីផ្សារប្រទេសអូស្រ្តាលី។
លោក Graeme Whickman ដែលជាប្រធាន និងជានាយកប្រតិបត្តិជាន់ខ្ពស់មួយរូបរបស់ Ford ប្រចាំប្រទេសអូស្តា្រលី បានមានប្រសាសន៍លើកឡើងថា “ម៉ាករថយន្ត Ford Everest នៅតែជាម៉ាករថយន្តថ្មីមួយនៅក្នុងប្រទេសអូស្តា្រលី ដែលយើងបានទទួលការឆ្លើយតបជាវិជ្ជមានពីអតិថិជន ស្របពេលដែលយើងបាននឹងកំពុងលើកស្ទូយការតម្រង់ទិសដៅរបស់យើងដោយផ្អែកទៅលើការរិះគន់របស់អតិថិជន ដើម្បីធ្វើអោយកាន់តែប្រសើរឡើងតាមអ្វីដែលជាការចង់បានរបស់ពូកគេ”។
លោកបន្តទៀតថា “ការឆ្លើយតបទៅតាមតម្រូវការនៃអ្នកប្រើប្រាស់គឺវារឹតតែធ្វើអោយបានភាពប្រសើរអស្ចារ្យបំផុតដល់អតិថិជនដែលបាននឹងកំពុងសំឡឹងមើលប្រភេទរថយន្តដែលគាំទ្របានសម្រាប់ការបើកបរនៅផ្លូវលំបាកៗ (Off-Road) ដោយរថយន្ត Ford Everest គឺជាការបង្ហាញយ៉ាងច្បាស់ពីការឆ្លើយតបតាមអ្វីដែលអតិថិជន Ford ចង់បាន”។
Ford Everest 2019 ត្រូវបានផលិតឡើយដោយផ្អែកទៅលើភាពជោគជ័យនៃស្រឡាយរថយន្ត Everest ដែលបានឈ្នះពានរង្វាន់ បីឆ្នាំជាប់គ្នាមានដូចជាពាន Drive’s Best 4x4 award for 2015, 2016 & 2017, Drive ‘Car of the Year’ award for 2015 និង 4x4 Australia’s 4x4 of the Year 2016។ គួរបញ្ជាក់ថា រថយន្ត Ford Everest 2019 ម៉ូដែលថ្មីនេះ ត្រូវបានគេដឹងថា ក្រុមហ៊ុន Ford គ្រោងនឹងបង្ហាញវត្តមាននៅកម្ពុជា នាពេលឆាប់ៗនេះហើយ។