កាលពីខែមុននេះ ក្រុមហ៊ុនបច្ចេកវិទ្យា HMD Global ទើបតែប្រកាសចេញស្មាតហ្វូនថ្នាក់កណ្តាល Nokia X6 នៅក្នុងប្រទេសចិន។ ឥលូវនេះ ស្មាតហ្វូននេះ ត្រូវបានគេដឹងថា នឹងត្រៀមខ្លួនក្នុងការដាក់លក់ជាលក្ខណៈសកលលោកនៅក្នុងពេលឆាប់ៗនេះហើយ ដោយសារតែស្មាតហ្វូននេះ ទើបតែទទួលបានការទទួលស្គាល់ពីស្ថាប័ន NCC នៅកោះតៃវ៉ាន់។ NCC គឺមានពាក្យពេញថា National Communications Commission។ ស្មាតហ្វូននេះ បាបបង្ហាញខ្លួននៅ NCC ជាមួយនឹងម៉ូដែល Nokia TA-1103 ស្របពេលដែលនៅក្នុងប្រទេសចិន ស្មាតហ្វូននេះ មានលេខម៉ូដែល TA-1099 ។
ស្មាតហ្វូន Nokia TA-1103 ពិតជាទទួលបាននូវវិញ្ញាប័នប័ត្រ Bluetooth នៅក្នុងពេលថ្មីៗនេះ ហើយនៅក្នុងបញ្ជីនេះ Nokia X6 គឺជាម៉ូដែលអន្តរជាតិរបស់ស្មាតហ្វូន Nokia X6 ។ NCC មិនធ្វើការទម្លាយនូវព័តមានច្រើន របស់ស្មាតហ្វូននេះ ទេ ប៉ុន្តែស្ថាប័ននេះ បានបញ្ជាក់ថា ស្មាតហ្វូននេះ នឹងទ្រទ្រង់នូវប្រព័ន្ធ 4G LTE connectivity។ Nokia X6 គឺជាស្មាតហ្វូនដែលមានការពេញនិយមនៅក្នុងប្រទេសចិន ស្របពេលដែលក្រុមហ៊ុនបច្ចេកវិទ្យា HMD Global លក់អស់ពីស្តុករបស់ស្មាតហ្វូន Nokia X6 នៅក្នុងរយៈពេលត្រឹមតែ 10 វិនាទីប៉ុណ្ណោះនៅក្នុងប្រទេសនេះ។
លោក Juho Sarvikas ដែលជាប្រធានផ្នែកផលិតផលរបស់ក្រុមហ៊ុននេះ ក៏ធ្វើការស្ទាបស្ទង់កាលពីខែមុននេះ ដោយបានធ្វើការស្នើសួរទៅកាន់មនុស្សដែលចាប់អារម្មណ៍ទៅលើស្មាតហ្វូន Nokia X6 នោះ។ នៅក្នុងការបោះឆ្នោតជាង 6000 គឺមានអ្នកប្រើប្រាស់ប្រមាណជា 91% ឆ្លើយថាចាប់អារម្មណ៍។ ស្មាតហ្វូន Nokia X6 សម្រាប់ដាក់លក់ជាលក្ខណៈអន្តរជាតិនោះគឺមានលក្ខណៈដូចគ្នាទៅនឹងស្មាតហ្វូនដាក់លក់នៅក្នុងប្រទេសចិនដែរ។ ស្មាតហ្វូននេះ នឹងមានប្រើប្រាស់នូវប្រព័ន្ធកាមេរ៉ាភ្លោះនៅខាងក្រោយ និងប្រព័ន្ធស្កេនក្រយ៉ៅដៃនៅខាងក្រោយផងដែរ។ ស្មាតហ្វូន Nokia X6 នឹងមានគែមស្តើង ហើយនឹងមានអេក្រង់ Notch ផងដែរ។
ស្មាតហ្វូន Nokia X6 របស់ចិននេះ មានអេក្រង់ទំហំ 5.8-inch fullHD+ display រ៉េមផ្ទុកទិន្នន័យទំហំ 4GB/6GB និងម៉េមូរីក្នុងម៉ាស៊ីនទំហំ 32GB/64GB ។ ស្មាតហ្វូននេះ ប្រើប្រាស់នូវបន្ទះឈីប Snapdragon 636 64-bit និងថាមពលថ្មទំហំ 3,060mAh។ ស្មាតហ្វូននេះ មានកាមេរ៉ាភ្លោះទំហំ 16MP+5MP និងកាមេរ៉ាខាងមុខទំហំ 16MP ។ ស្មាតហ្វូននេះប្រើប្រាស់នូវប្រព័ន្ធប្រតិបត្តិការ Android 8.1 Oreo និងបច្ចេកវិទ្យា Qualcomm’s Quick Charge 3.0 fast charging ថែមទៀតផង៕