ថ្ងៃនេះ ស្មាតហ្វូនស៊េរីថ្មី OPPO Find X បានបង្ហាញខ្លួនសារជាថ្មី បន្ទាប់ពីការបង្ហាញខ្លួននៅក្នុងឆ្នាំ 2014 ម្តងរួចមកហើយ សម្រាប់ពេលនេះ ស្មាតហ្វូនជំនាន់ថ្មីរបស់ OPPO មានការរចនារូបរាងថ្មីជាមួយនឹងលក្ខណៈសម្បត្តិកាន់តែអស្ចារ្យថែមទៀត។ ស្មាតហ្វូន Find X នេះមានអេក្រង់ទំហំ 6.4-inch ស្របពេលដែលស្មាតហ្វូន Find 7 និង Find 7a ដែលមានអេក្រង់ទំហំ 5.5-inch ប៉ុន្តែស្មាតហ្វូននេះ គឺមានគែមស្តើងថែមទៀត ប៉ុន្តែមិនសូវខុសប្លែកពីស្មាតហ្វូន ពីរម៉ូដែលខាងលើនេះនោះទេ។
ផ្នែកខាងមុខរបស់ស្មាតហ្វូន OPPO Find X គឺមានប្រើប្រាស់ជាមួយនឹងកាមេរ៉ាខាងមុខ សេនស័រ និងរន្ធកាសស្តាប់។ វាពិតជាខុសប្លែកពីស្មាតហ្វូន Vivo NEX ដែលមានកាមេរ៉ាខាងមុខ Pop-up នោះ។ ស្មាតហ្វូននេះ ក៏មានកាមេរ៉ាខាងមុខ និងប្រព័ន្ធ 3D face scanning sensors សម្រាប់ការដោះសោរនៅលើស្មាតហ្វូន ហើយក៏មានការប្រើប្រាស់នូវប្រព័ន្ធកាមេរ៉ាភ្លោះ និងភ្លើង LED flash ផងដែរ។ ស្មាតហ្វូន Find X មិនមានប្រើប្រាស់នូវប្រព័ន្ធស្កេនក្រយ៉ៅដៃ fingerprint scanner នោះទេ។ ស្មាតហ្វូននេះ មានការប្រើប្រាស់នូវ Face Unlock or pin/pattern/password ។
ស្មាតហ្វូន OPPO Find X មានអេក្រង់កោងទំហំ 6.4-inch ដែលមានកម្រិតភាពច្បាស់ 1080p OLED Display ដែលមានទំហំ 92.25%។ ស្មាតហ្វូននេះប្រើប្រាស់នូវបន្ទះឈីប Snapdragon 845 ជាមួយរ៉េមទំហំ 8GB និងម៉េមូរីក្នុងម៉ាស៊ីនទំហំ 256GB ផងដែរ។ ស្មាតហ្វូននេះ មានកាមេរ៉ាខាងមុខទំហំ 25MP និងកាមេរ៉ាខាងក្រោយភ្លោះ ទំហំ 16MP+20MP។ ស្មាតហ្វូននេះ ប្រើប្រាស់នូវរន្ធដោត USB-C port ប៉ុន្តែមិនមានរន្ធដោតកាសស្តាប់ audio jack នោះទេ។ ស្មាតហ្វូននេះមានថាមពលថ្មទំហំ 3,730mAh ជាមួយនឹងប្រព័ន្ធ OPPO’s VOOC fast charging។ ស្មាតហ្វូន Find X ដំណើរការប្រព័ន្ធប្រតិបត្តិការ Android 8.1 Oreo និង ColorOS។
ក្រុមហ៊ុន Oppo បានបញ្ជាក់ថា ខ្លួននឹងដាក់លក់ស្មាតហ្វូននេះនៅបណ្តាប្រទេសធំៗ នៅក្នុងតំបន់អ៊ឺរ៉ុប ហើយតម្លៃរបស់វអាចនឹងមានស្ថិតនៅក្នុងចន្លោះប្រហាក់ប្រហែល €999 ៕