រហូតមកដល់ពេលនេះ Samsung Electronics បានក្លាយជាក្រុមហ៊ុនមួយដែលកំពុងតែមានការចាប់អារម្មណ៍ច្រើនពីសំណាក់អ្នកតាមដាននានា។ ថ្មីៗនេះ ភាគហ៊ុនជាច្រើនរបស់ក្រុមហ៊ុន Samsung Electronics មានការធ្លាក់ចុះនៅក្នុងរយៈពេលប៉ុន្មានសប្តាហ៍នេះ ដោយសារតែវាមានទស្សនវិស័យអវិជ្ជមានទៅលើប្រាក់ចំណេញទាបជាងការរំពឹងទុកនៅក្នុងត្រីមាសទី 2 នេះ ដោយសារតែការលក់យឺតនៃស្មាតហ្វូនថ្នាក់ប្រណិតរបស់ស្មាតហ្វូន Galaxy S9 នោះ។
ទោះជាយ៉ាងណាក៏ដោយ ក្រុមអ្នកវិភាគ បាននិយាយថា ក្រុមហ៊ុនបច្ចេកវិទ្យានេះ នឹងមានការចាប់អារម្មណ៍ខ្លាំងបំផុតនៅក្នុងត្រីមាសទី 3 រួមមានការពង្រឹងទៅលើតម្រូវការនៃ DRAM ជាមួយនឹងការដាក់លក់នូវស្មាតហ្វូន Galaxy Note 9 និងទូរស័ព្ទ iPhones ស៊េរីថ្មីរបស់ក្រុមហ៊ុន Apple នៅក្នុងអំឡុងពេលខែកក្កដា និងកញ្ញា។ មួយវិញទៀត ក្រុមហ៊ុន Samsung ក៏បានធ្វើការផ្គត់ផ្គង់ទៅលើអេក្រង់ OLED Displays នៅលើទូរស័ព្ទ និងបន្ទះឈីបសម្រាប់ក្រុមហ៊ុនបច្ចេកវិទ្យារបស់សហរដ្ឋអាមេរិកផងដែរ។
លោក Choi Do-yeon ដែលជាអ្នកវិភាគរបស់ក្រុមហ៊ុន Shinhan Investment បានបញ្ជាក់ថា “ការរកប្រាក់ចំណូលនៅក្នុងត្រីមាសទី 2 នេះ នឹងមានការខកចិត្ត ប៉ុន្តែក្រុមហ៊ុននេះ ក៏បានបង្ហោះនូវប្រាក់ចំណេញនៃប្រតិបត្តិការរបស់ខ្លួននៅក្នុងតម្លៃ 17 trillion won(US$15.40 billion) នៅក្នុងត្រីមាសទី 3 នេះ ដោយសារតែការលក់បន្ទះឈីប និងអេក្រង់មានការរឹងមាំនោះ។ លោកក៏បានរក្សានូវកម្រិតនៃការទិញនៅក្នុងគោលដៅដល់ទៅ 64,000 វ៉ុន។ ក្រុមហ៊ុន វិនិយោគនៅក្នុងនានាស្រុកក៏បានធ្វើការទស្សន៍ទាយអំពីការពង្រឹងទៅលើការបង្កើនប្រាក់ចំណូលនៅក្នុងត្រីមាសទី 3 នេះដែរ។
ក្រុមហ៊ុន EBEST Investment & Securities និងក្រុមហ៊ុន Korea Investment & Securities បានព្យាករណ៍ថា ក្រុមហ៊ុន Samsung នឹងរកប្រាក់ចំណូលបានដល់ទៅ 16 trillion won និងតម្លៃ 16.1 trillion won ស្របពេលដែលក្រុមហ៊ុន Daishin Securities បានទស្សន៍ទាយនូវប្រាក់ចំណេញដល់ទៅ 17.6 trillion won។ ដោយសារតែស្មាតហ្វូនស៊េរីថ្មី Galaxy S9 មានការលក់ធ្លាក់ចុះនោះ ក្រុមហ៊ុន Samsung ត្រូវបានគេរំពឹងថា នឹងមានប្រាក់ចំណូលទាបជាងការទស្សន៍ទាយនៅក្នុងត្រីមាសទី 2 នោះ។
ក្រុមហ៊ុន Eugene Investment & Securities ក៏មានការទស្សន៍ទាយធ្លាក់ពី 15.7 trillion won ទៅចំនួន 15.2 trillion won ស្របពេលដែលក្រុមហ៊ុន DB Financial Investment ធ្វើការប្រែប្រួលទៅលើទឹកប្រាក់ 15.8 trillion won ទៅ 14.9 trillion won ។ ក្រុមហ៊ុនបច្ចេកវិទ្យារបស់កូរ៉េខាងត្បូងនេះ គឺមានទឹកប្រាក់ 14.07 trillion won នៅក្នុងខែមេសានៅខែមិថុនាកាលពីឆ្នាំមុន។
លោក Lee Seung-woo ដែលអ្នកវិភាគរបស់ក្រុមហ៊ុន Eugene Investment & Securities ក៏បានទស្សន៍ទាយអំពីការនាំចេញនៅក្នុងឆ្នាំទី 1 នៅក្នុងចំនួន 30 លានគ្រឿង ហើយការទាបជាងគេបំផុត គឺចាប់តាំងពី Galaxy S ជំនាន់ទី 3 ដែលចេញផ្សាយនៅក្នុងឆ្នាំ 2012 នោះ។ លោកនិយាយថា “ទោះបីជាការនាំចេញរបស់ស្មាតហ្វូន Galaxy S9 មានស្ថេរភាពនៅក្នុងត្រីមាសទី 1 ក៏ដោយ ក៏ការលក់នៅក្នុងត្រីមាសទី 2 គឺពិតជាខកចិត្តមែនទែន។ ដូច្នេះ Samsung នឹងមានការចាប់អារម្មណ៍ខ្លាំងពិតប្រាកដហើយនៅត្រីមាសទី 3 ខាងមុខនេះ៕”