Ford នឹងជាក្លាយជាក្រុមហ៊ុនផលិតរថយន្ត ដែលឈានមុខគេនៅលើទីផ្សារ បន្ទាប់ពីការទទួលបានជោគជ័យទៅលើការលក់រថយន្ត Mustang នាពេលកន្លងមក។ សម្រាប់រថយន្ត Ford Mustang Shelby GT350 2019 ស៊េរីថ្មីនេះ ដែលបានបង្ហាញខ្លួននៅពេលនេះ ត្រូវបានគេដឹងថា ក្រុមហ៊ុន Ford ប្រកាសដាក់លក់បន្ទាប់ពីក្រុមហ៊ុន GT500 ហើយ រថយន្តនេះ ក៏នឹងត្រូវបានការប្រើប្រាស់នូវម៉ាស៊ីនខ្លាំងក្លាជាងមុន និងបច្ចេកវិទ្យាដ៏អស្ចារ្យបំផុតជាងមុនផងដែរ។
Mustang Shelby GT350 2019 ជំនាន់ថ្មីនេះ ត្រូវបានក្រុមហ៊ុន Ford Motor សម្រេចប្រើប្រាស់នូវម៉ាស៊ីនទំហំ 5.2 liter ប្រភេទ V8 ដែលមានកម្លាំងសេះទំហំ 526 horsepower ហើយនិងមានកម្លាំងរមួល 429 lb-ft។ រថយន្តស្ព័រជំនាន់ថ្មីនេះ ប្រើប្រាស់នូវចង្កឹះលេខ Tremec 6-speed manual transmission ជាមួយនឹងការពង្រឹងទៅលើកម្លាំងម៉ាស៊ីនកាន់តែមានប្រសិទ្ធិភាពនៅពេលដំណើរការ។ ជាមួយនឹងការមកដល់ថ្មីនៃ Mustang Shelby GT350 2019 នេះ ក្រុមហ៊ុន Ford ក៏មានការ Upgrade ទៅលើម៉ូដែលឆ្នាំ 2019 នេះជាច្រើនផងដែរ។
យោងតាមប្រភពព័ត៌មានខាងលើនេះ បញ្ជាក់ថា រថយន្តនេះ ត្រូវបានក្រុមហ៊ុន Ford ប្រើប្រាស់នូវប្រព័ន្ធ MagneRide Suspension និងប្រព័ន្ធ Electronic Stability Control ជាមួយនឹង Power-Assisted Steering ដើម្បីបង្កើនល្បឿនទៅលើរថយន្ត Ford នេះ។ រថយន្តស៊េរីថ្មី GT350 នេះមានកង់ដែលមានទំហំ 19-inch wheels ដែលផ្នែកខាងមុខទំហំ 295/35 និងផ្នែកខាងក្រោយទំហំ 305/35 ។ ក្រុមហ៊ុនFord បញ្ជាក់ថា រថយន្ត GT350 នេះគឺមានសមត្ថភាពខ្លាំងក្លាក្នុងការបើកបរនៅលើដងផ្លូវ។ រថយន្តនេះប្រើប្រាស់នូវម៉ាស៊ីនអាលុយមីញ៉ូម និងកៅអី Recaro ថែមទៀត។
ក្រុមហ៊ុន Ford ក៏បានបំពាក់នូវបច្ចេកវិទ្យា SYNC 3 ប្រើប្រាស់សំរាប់រថយន្តនេះផងដែរ ដោយប្រើប្រាស់នៅលើអេក្រង់ទំហំ 8-inch touchscreen ជាមួយនិងប្រព័ន្ធសម្លេងដែលមាន B&O PLAY audio system ចំនួន 12 គ្រាប់ រួមនិងប្រព័ន្ធ Dual Zone Climate Control ផងដែរ។ រថយន្តនេះ មានពណ៌ខ្មៅ ពណ៌ស និងពណ៌ខៀវ។ រថយន្តនេះ គ្រោងនឹងដាក់លក់នៅដើមឆ្នាំ 2019 ជាមួយនឹងកញ្ចប់ការប្រើប្រាស់នូវប្រព័ន្ធ Ford Performance Driving Program ផងដែរ៕
