លោក Cho Seog-jin ដែលជានាយកប្រតិបត្តិរបស់ក្រុមហ៊ុន LG Electronics និងលោក Park il-pyeong ដែលជា CTO របស់ក្រុមហ៊ុននេះ គ្រោងនឹងធ្វើការចែក ចាយនូវសុន្ទរកថាមួយ នៅក្នុងពិពរណ៍ IFA electronics trade fair ដែលនឹងធ្វើឡើងនៅថ្ងៃទី 31 ខែសីហាដល់ថ្ងៃទី 5 ខែកញ្ញា នៅក្នុងទីក្រុងប៊ែកឡាំង។ ការប្រកាសបែបនេះនេះ គឺយោងទៅតាមការបញ្ជាក់របស់ក្រុមហ៊ុនបច្ចេកវិទ្យាកូរ៉េ កាលពីថ្ងៃទី 20 ខែមិថុនាម្សិលមិញនេះ។ សូមជំរាបថា នេះគឹជាលើកដំបូងបំផុតសម្រាប់នាយកប្រតិបត្តិរបស់ក្រុមហ៊ុន LG ក្នុងការប្រកាសបង្ហាញអំពីព័ត៌មាននៅក្នុងកម្មវិធីពិពរណ៍នេះ។
នៅក្នុង theme មួយដែលប្រើប្រាស់ពាក្យថា “Think Wise. Be Free: Living Freer with AI,” ការនិយាយរបស់លោក Cho គឺផ្តោតទៅលើយុទ្ធសាស្រ្តជាច្រើនរបស់ក្រុមហ៊ុន LG នៅក្នុងការស្រាវជ្រាវរកអ្វីដែលថ្មី ទៅលើបច្ចេកវិទ្យា AI បច្ចេកវិទ្យានៃការតភ្ជាប់ និងការបើកបរដោយស្វ័យប្រវត្តិនោះ។ នាយកប្រតិបត្តិរបស់ក្រុមហ៊ុនLG និយាយថា “ក្រុមហ៊ុន LG នឹងប្រកាសបង្ហាញអំពីរបៀបដែលក្រុមហ៊ុនធ្វើការប្រើប្រាស់នូវបច្ចេកវិទ្យា AI នៅក្នុងអាជីវកម្មរបស់ខ្លួននោះ និងរបៀបដែលបច្ចេកវិទ្យានេះគឺមានអត្ថប្រយោជន៍សម្រាប់អតិថិជនរបស់ខ្លួននោះ។
បន្ទាប់ពីការថ្លែងសុន្ទរកថារបស់នាយកប្រតិបត្តិនេះ CTO របស់ក្រុមហ៊ុន LG ក៏ធ្វើការប្រកាសបង្ហាញអំពីបច្ចេកវិទ្យា AI platform ThinkQ សម្រាប់ស្មាតហ្វូន និងទូរទស្សន៍នោះ។ ក្រុមហ៊ុនបច្ចេកវិទ្យារបស់ប្រទេសកូរ៉េខាងត្បូងនេះក៏មានការពង្រឹងទៅលើបច្ចេកវិទ្យា AI តាមរយៈការទិញ និងការវិនិយោគទៅលើអាជីវកម្មជាច្រើន និងការបង្កើតនូវមន្ទីរពិសោធន៍ស្រាវជ្រាវជាសកលផងដេរ។
កាលពីខែមុននេះ ក្រុមហ៊ុន LG Electronics ក៏បង្ហាញអំពីគម្រោងរបស់ខ្លួនក្នុងការវិនិយោគទឹកប្រាក់ 53.6 billion won (US$48.40 million) នៅក្នុងការ ទិញយកភាគហ៊ុនចំនួន 1.95 million របស់ក្រុមហ៊ុនផលិតមនុស្សយន្ត Robostar របស់ប្រទេសកូរ៉េខាងត្បូងនៅក្នុងខែកក្កដានៅពេលដែលក្រុមហ៊ុនផលិតមនុស្សយន្តនេះបញ្ចេញនូវភាគហ៊ុនថ្មី និងការទិញយកភាគហ៊ុននៅឆ្នាំក្រោយនេះ។ ក្រុមហ៊ុនបានក៏វិនិយោគទឹកប្រាក់ 1 billion won ទៅលើក្រុមហ៊ុន AI startup Acryl ដែលជាអ្នកចំនាញទៅលើដំណោះស្រាយនៃ emotion recognition solutions នៅដើមខែនេះ ហើយក៏ទិញនូវភាគហ៊ុនចំនួន 10% នៅក្នុងដំណោះស្រាយទៅលើមនុស្សយន្ត Robotis ផងដែរ៕