នៅឆ្នាំក្រោយនេះ នឹងមានការបង្ហាញនូវស្មាតហ្វូនស៊េរីថ្មី Galaxy S ជំនាន់ទី 10 ហើយ។ ពេលនេះ មានការរាយការណ៍ជាច្រើន បានបញ្ជាក់ថា ក្រុមហ៊ុន Samsung នឹងមានការផ្លាស់ប្តូរទៅលើរូបរាងជាច្រើនទៅលើការងារនៃស្មាតហ្វូនថ្មីនេះរួមទាំងគម្រោងក្នុងការប្រកាសបង្ហាញនូវស្មាតហ្វូននេះ នៅដើមខែមករាផងដែរ ដោយសារតែស្មាតហ្វូនត្រកូល Galaxy S9 មានការលក់នៅទន់ខ្សោយ។ តាមការបញ្ជាក់របស់អ្នកទម្លាយ Ice Universe គំនូសរបស់ស្មាតហ្វូននេះ ក៏បានបែកធ្លាយរបស់ស្មាតហ្វូន Galaxy S10 នេះផងដែរ។
ស្មាតហ្វូនស៊េរីថ្មីនេះ នឹងមានអេក្រង់ប្រភេទ Infinity Display ដែលមានគែមស្តើងបំផុត ហើយវាក៏មិនមាន Notch នោះទេ។ បន្ថែមពីនេះទៀត ស្មាតហ្វូននេះគឺមានអេក្រង់ស្ទើរតែពេញទៅនឹងតួខ្លួនរបស់វាហើយ។ ស្មាតហ្វូននេះអាចនឹងប្រើប្រាស់នូវ pop-out modules ដូចគ្នាទៅនឹងស្មាតហ្វូន Oppo Find X ។ សម្រាប់ Sensors ជាច្រើនក៏មានការលាក់នៅក្រោមអេក្រង់នេះដែលមានដូចជាប្រព័ន្ធស្កេនក្រយ៉ៅដៃក្រោមអេក្រង់ in-display fingerprint scanner ។ ស្មាតហ្វូននេះនឹងមានកាមេរ៉ាប្រភេទ 3D-sensing ដែលអាចធ្វើការប្រកួតប្រជែងជាមួយនឹងបច្ចេកវិទ្យា Face ID របស់ក្រុមហ៊ុនApple ផងដែរ។
មានការរាយការណ៍ថា ស្មាតហ្វូននេះ នឹងមានអេក្រង់ទំហំ 6.2-inch display ហើយក៏មានការប្រើប្រាស់នូវប៊ូតុង Bixby button នៅគែមផ្នែកខាងឆ្វេងជាមួយនឹងប៊ូតុង volume rocker នៅផ្នែកខាងលើ។ គំរូស្មាតហ្វូននេះ ក៏បង្ហាញថា មានប៊ូតុង power key នៅគែមផ្នែកខាងស្តាំផងដែរ។ គិតចាប់ពីថ្ងៃនេះ គឺនៅសល់រយៈពេល 6 ខែទៀតដែលជាការបង្ហាញនូវស្មាតហ្វូន Galaxy S10 នេះ។ ហើយគំរូនេះ ក៏មានការផ្លាស់ប្តូរទៅលើរូបរាងជាច្រើនពីស្មាតហ្វូន Galaxy S9ឬ S9+ ផងដែរ។ ស្មាតហ្វូននេះ នឹងមានការពង្រឹងទៅលើការលក់កាន់តែខ្លាំងក្លានៅឆ្នាំក្រោយនេះ៕