បន្ទាប់ពីស្មាតហ្វូននេះ បានបង្ហាញខ្លួននៅក្នុងប្រទេសចិននោះ ក្រុមហ៊ុន Xiaomi បានធ្វើការដាក់លក់នូវស្មាតហ្វូន Mi 8 អស់ពីស្តុកនៅក្នុងរយៈពេល មិនដល់មួយនាទីនោះទេក៏បិទឈប់លក់ភ្លាមៗ។ យោងតាមរបាយការណ៍ថ្មីមួយ ដែលបានអះអាងថា ស្មាតហ្វូនដែលមានតម្លៃថោកសមរម្យនេះ នឹងដាក់លក់នៅក្នុងទីផ្សារនៃប្រទេសអ៊ឺរ៉ុបនៅរដូវក្តៅនេះផងដែរ គឹនៅក្នុងខែសីហាខាងមុខនេះ។
តាមការបញ្ជាក់នៅក្នុងព័ត៌មាននេះ បានអោយដឹងថា នៅពេលថ្មីៗនេះ ក្រុមហ៊ុន Xiaomi មានមានគម្រោងជាច្រើនក្នុងការដាក់លក់ស្មាតហ្វូនស៊េរីថ្មី Xiaomi Mi 8 ជាមួយនឹងរ៉េមទំហំ 6GB និងម៉េមូរីក្នុងម៉ាស៊ីនទំហំ 64GB ឬទំហំ 128GB។ បន្ថែមពីនេះទៀត ក្រុមហ៊ុនម៉ាកយីហោរបស់ចិននេះ ក៏មានគម្រោងដាក់លក់ស្មាតហ្វូននេះពណ៌ខ្មៅ និងពណ៌ខៀវផងដែរ។ ទោះជាយ៉ាងណាក៏ដោយ ស្មាតហ្វូននេះក៏មានប្រភេទ Explorer Edition ដែលមានរ៉េមទំហំដល់ទៅ 8GB ឯណោះ។ ក្រុមហ៊ុន Xiaomi នឹងដាក់លក់ស្មាតហ្វូននេះ នៅក្នុងពេលដ៏ខ្លីខាងមុខនេះផងដែរ។
ក្រុមហ៊ុនបច្ចេកវិទ្យាចិននេះ មិនបានបង្ហាញនូវគម្រោងនៅក្នុងការប្រកាសអំពីតម្លៃរបស់ស្មាតហ្វូននេះនោះទេ នៅក្នុងទីផ្សារនៅទ្វីបអ៊ឺរ៉ុបនោះ ប៉ុន្តែសម្រាប់ទីផ្សារនៅក្នុងប្រទេសចិននោះ សម្រាប់ម៉ូដែលទំហំ 64GB លក់នៅក្នុងតម្លៃ €365 ស្របពេលដែល ម៉េមូរីទំហំ 128GB គឺមានតម្លៃខ្ទង់ €400។ ក្រុមហ៊ុន Xiaomi អាចនឹងលក់ស្មាតហ្វូននេះ នៅក្នុងបណ្តាប្រទេសធំៗមួយចំនួន ដូចជា ប្រទេសបារាំង អ៊ីតាលី និងអេស្ប៉ាញជាដើម៕
