Meizu 16 គឺជាស្មាតហ្វូនតែមួយគត់របស់ក្រុមហ៊ុនបច្ចេកវិទ្យា Meizu ដែលមានការចែកចាយព័ត៌មានជាច្រើននៅក្នុងឆ្នាំនេះ ហើយក្រុមហ៊ុនប្រហែលជា មិនបញ្ចេញនូវស្មាតហ្វូនស៊េរីថ្មីជាច្រើនទៀតនោះទេ។ នៅពេលនេះ នាយកប្រតិបត្តិរបស់ក្រុមហ៊ុន Meizu បានទម្លាយថា ក្រុមហ៊ុននេះ មានស្មាតហ្វូនមួយផ្សេងទៀតដែលស្ថិតនៅក្នុងការអភិវឌ្ឍន៍នោះ គឺស្មាតហ្វូន Meizu X8 ។
នៅក្នុងការនិយាយនៅក្នុង Meizu forum ជាផ្លូវការនៅថ្ងៃនេះ លោក Jack Wong (Huang Zhang) នាយកប្រតិបត្តិរបស់ក្រុមហ៊ុន Meizu បាទទម្លាយថា ស្មាតហ្វូននេះនឹងបង្ហាញខ្លួននៅក្នុងពេលឆាប់ៗនេះ ហើយនឹងមានឈ្មោះហៅថា Meizu X8។ ជាសំណាងល្អនោះ លោកមិនទាន់បញ្ជាក់អំពីឈ្មោះរបស់ស្មាតហ្វូននេះ នៅឡើយទេ ប៉ុន្តែលោកនិយាយទៅលើរឿងសំខាន់ពីរសម្រាប់លក្ខណៈសម្បត្តិរបស់វានោះ។
រឿងទីមួយស្មាតហ្វូន Meizu X8 នឹងប្រើប្រាស់នូវបន្ទះឈីប Snapdragon 710 ដូចគ្នាទៅនឹងស្មាតហ្វូន Meizu 16។ ការបញ្ជាក់នេះគឺថា មានត្រឹមតែស្មាតហ្វូនស៊េរីថ្មី Meizu 16 Pro ប៉ុណ្ណោះ ដែលនឹងប្រើប្រាស់នូវបន្ទះឈីប Snapdragon 845 chipset នោះ។
រឿងទីពីរនោះ ស្មាតហ្វូន X8 និង Meizu 16 នឹងប្រើប្រាស់នូវបន្ទះឈីបដូចគ្នា ហើយលោកបន្ថែមថាស្មាតហ្វូន X8 នឹងមិនមានប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ in-display fingerprint scanner នោះទេ។ សម្រាប់ព័ត៌មានលម្អិតរបស់ស្មាតហ្វូន Meizu X8 នឹងបង្ហាញកាន់តែច្រើននៅក្នុងរយៈពេលប៉ុន្មានសប្តាហ៍ខាងមុខនេះ៕